Matthew 4
4
1Wa la lāyū‐wī Jesus ā sa Spirit lāḵā lūbīs awīnāqīs kās lē gwānā sūs Satan.
2Wa gil mīs fast mūskum gūs tau pun whasa gla wa mūskum gūs tau kānūtl, lotlī poskah‐īd.
3Wa gil mī sī da tlāla‐īkulēk gāḵ lāk, nīk tā, gīl mī lāḵā kūs sū um ḵwanūqs God, wīgā qāquhw‐sumh‐īdā mas gāda tīsumk.
4Aumīs nānāḵmīk kās nīkī, gādūq ma ā sīks, kīsā ī hīyhāmī da qāquhw‐sum hamē‐zī matsa baqānum kās qilātlā‐yau, hī dī da nāwhā wātldum gāyā‐nāqil lāḵ simps‐as God.
5Lī Satan lāgūs‐tūts lāḵā ekī town, kās qāgā‐āklilū dīs lāḵ wītla‐tau‐yā sa temple,
6La nīk yik, gil mī lāḵā kūs sū um ḵwanūqs God, zukā‐ḵā lāga qalīxumḵ; kā īḵs gādūq mā ī zawē kla sīs angels kā aāḵsīl‐ūtl: lā klī āyasūk dāḵwā sī klā‐klilāla klū‐kl, ā klas qās‐ālū da lāḵ sūs gūgwayau kūs lāḵā tīsum.
7Nīk tā Jesus āḵ, gādūq ma ā ḵā ās, kīs klis tlālā‐īkula‐kl ḵā Gīkumā‐ya yiḵīs God tā ūs.
8La ītīdī Satan lās lāḵā īkyāla nagē, kās doqā‐masīk yisā nāwhā awīnāqīs, glū ēgālazēs;
9Kās nīkīk, nāwhā um klin zaw kla sūḵ da lūtl, kāsū klāq‐wālīs‐kl kās umyāḵ‐īda ūs gāḵun.
10La nīkī Jesus‐āk, qī‐dāga Satan: kā īḵs gādūq mā ī, umyāḵā‐kl tsī ḵā Gīkumā‐ya God tā ūs, hīgā um‐kl ḵa ā wīsis nakau sū klī.
11Lī Satan bōs, dok, gāḵī da angels aāḵsī lāk.
12¶ Wa lī Jesus wudglāḵ‐āklila kīḵs lā ī John lā‐īglum lāḵā wālazī, lā lāḵ Galilee;
13La bōs Nazareth, kās gāḵī gūqil lāḵ Capernaum, yiḵā nawhātla lāḵā zalātl, uḵ‐ās Zabulon glū Nephthalim:
14Kā aulā mī lāḵ sī da wātldum otlas Isaiah yiḵā prophet, nīkya,
15Yiḵ awīnāqīs as Zabulon, glū awīnaqīs as Nephthalim, nawhātla lāḵā zalātl, qīsūt as Jordan, Galilee sa Gentiles;
16Yiḵā bī‐baqānum qātlā ḵā padikilā dōḵ-wāklilā ḵā qakātla‐zī; glūk dāḵwī da qātlā lāḵā awīnāqīs glū gāgūmas as tlil‐gīla qakūsta wās ḵād.
17¶ Hī mīs gil bun dik dum otl‐ts Jesus glīḵsālā, hī mīs kās nīkī, māyātā lāgā: kāḵs gāḵ mā īḵ ulāk gāḵ‐āklilī da īkē awīnāqīs.
18Lī Jesus kāsa lāḵ nawhātlā lāḵ zalātl‐as Galilee, dōḵ‐wāklilā ḵā mālūq na‐numwiyūt-aula, Simon ī glīkulā sūs Peter, glū Andrew yiḵīs numwiyūt, zuḵ‐stāla sa kīglāyū lāḵā zalātl: kāk dāḵwuḵs kī‐kīklīnūḵ‐wā ī.
19La nīk lāk dāḵwuk, kīla lēgīk dāḵw gāḵun, la klin kī‐kīklīnūḵ‐wā mas klū klāḵ bī‐baqānum.
20Lāk dāḵw hīh‐īdā um bō sīs kīglāyūk dāḵw kās lēgā yīk.
21La hayū‐tlila gēh‐īd lāḵīk, la dōḵ‐wāklilā ḵā ogwila mālūq na‐numwiyūt‐aula, James yiḵ ḵwanūq‐as Zebedee, glū John yiḵīs zāya, lāḵā ship glū Zebedee ḵīs ūmp dāḵw, kunsāk dāḵw ḵīs kī‐kīglāyū; la klīlālāk dāḵwuk.
22Lāk dāḵw hīh‐īdā um bō sa ship glawīs ūmp dāḵw, kās lēgā yīk.
23¶ Lī Jesus lēlēla‐gilīs lāḵ Galilee, glīksāla lāḵ kāpī‐kawāzīk dāḵwas, nīk sa ēk wātldum sa īkē awīnāqīs, glūḵs ēgya‐nāqila masaāḵ nāwhā zih‐kūlumā gla wa nāwhā yēgūlum lāḵā līlqalāklā‐yi.
24La zītl‐wal lāḵ nāwhā Syria: lāk dāḵw gāḵs lāk yiḵā nāwhā zihkā bī‐baqānum; glūk dāḵwī da uḵnū‐gwādē sa demons, glūk dāḵwī da nū‐untla‐mātla, glūk dāḵwī da tlil‐gūtin; la ēkīdā‐masuk.
25La lāskum ī sū sa kīnum bī‐baqānum gēh‐īdī lāḵ Galilee, gla wa gēh‐idī lāḵ Decapolis, gla wa gēh‐īdī lāḵ Jerusalem, gla wa gēh‐īdī lāḵ Judæa, gla wa gēh‐īdī lāḵ qīsūt as Jordan.
Iliyochaguliwa sasa
Matthew 4: Kwak
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Historical texts first published by the British and Foreign Bible Society 1882-1897. These texts were digitised for the Canadian Bible Society.
