လံာ်စီၤမိၤရှ့အခီၣ်ထံးတဘ့ၣ်. ၁၀
၁၀
1ဒီးအအံၤမ့ၢ်စီၤနိအၤအဖိခွါ, စီၤရှ့ၣ်ဒီးစီၤဃၣ်ဒီးစီၤယ့ ဖ့းသးသ့ၣ်တဖၣ်အစၢၤအသွဲၣ်လီၤ. ဒီးလၢထံလုၣ်ဘၢ တၢ်အလီၢ်ခံန့ၣ်ဖိခွါတဖၣ်အိၣ်ဖျဲၣ်လၢအဂီၢ်လီၤ.
2ဒီးစီၤယ့ဖ့းသးအဖိခွါ မ့ၢ်စီၤကိမၢၤ, ဒီးစီၤမါကူး, ဒီးစီၤစၤဒဲ, ဒီးစီၤယၤဝၣ်, ဒီးစီၤတူၤဘလး, ဒီးစီၤမ့ၤ ရှ့း, ဒီးစီၤတံရ့းလီၤ.
3ဒီးစီၤကိမၢၤအဖိခွါမ့ၢ် စီၤအၤၡကံနး, ဒီးစီၤရံဖသး, ဒီးစီၤတိကးရမၤလီၤ.
4ဒီးစီၤယၤဝၣ်အဖိခွါမ့ၢ်စီၤအလံၡၤ, ဒီးစီၤတၢ်ၡံၣ်,ဒီး စီၤကံးတံၣ်, ဒီးစီၤဒိဒၤနံၣ်လီၤ. 5ဒီးပှၤတဖၣ်အံၤနီၤဖး ပှၤကလုာ်တဖၣ်အအိၣ်အလီၢ် လၢအထံအကီၢ် ဒ်အ တၢ်ကတိၤအကျိာ်, ဒ်အဒူၣ်လၢအပှၤကလုာ်အသိးစုာ် စုာ်ခဲလၢာ်လီၤ.
6ဒီးစီၤဃၣ်အဖိခွါမ့ၢ်စီၤကူၤၡး, ဒီးစီၤမံးစရၤယံၣ်, ဒီး စီၤဖူး, ဒီးစီၤကနၤဧၣ်လီၤ.
7ဒီးစီၤကူၤၡးအဖိခွါမ့ၢ်စီၤစဘၤ, ဒီးစီၤဃဝံၤလၤ, ဒီး စီၤစၤဘတၤ, ဒီးစီၤရၤဧမၤ, ဒီးစီၤစၤဘတံကၤလီၤ. ဒီးစီၤရၤဧမၤအဖိခွါမ့ၢ်စီၤၡဘၤ, ဒီးစီၤဒဒၣ်လီၤ.
8ဒီးစီၤကူၤၡးထီၣ်ဖိစီၤနံးမရိးလီၤ. အဝဲဒၣ်ကဲထီၣ်သီ ပှၤအဒိၣ်လၢဟီၣ်ခိၣ်ချၢလီၤ. 9မ့ၢ်ပှၤခိးခးတၢ်ဖိဖးဒိၣ် လၢယွၤအမဲာ်ညါလီၤ. မၤသးဒ်န့ၣ်ဒီးပှၤစံးဝဲ, ဒ်စီၤနံး မရိးပှၤခးတၢ်ဖိဖးဒိၣ်လၢယွၤအမဲာ်ညါအသိးန့ၣ်လီၤ.
10ဒီးအဘီမုၢ်အခီၣ်ထံးမ့ၢ်ဘၤဘ့းလး, ဒီးအ့ရ့း, ဒီးအး ကး, ဒီးကၤလန့ၤအိၣ်ဝဲလၢကီၢ်ၡံနၢ်အပူၤလီၤ.
11ဒီးဟးထီၣ်လၢအကီၢ်န့ၣ်ဆူအၤရှူၢ်, ဒီးတ့လီၤနံၤနဝ့, ဒီးဝ့ၢ်ရဃိဘိး, ဒီးကါလး, 12ဒီးရ့စ့ၣ်အိၣ်ဝဲလၢနံၤနဝ့ ဒီးကါလးအဘၢၣ်စၢၤန့ၣ်လီၤ. အဝဲန့ၣ်မ့ၢ်ဝ့ၢ်ဖးဒိၣ်တ ဖျၢၣ်လီၤ.
13ဒီးစီၤမံးစရၤယံၣ်ထီၣ်ဖိလူဒံၣ်, ဒီးဧနၤမံၣ်, ဒီးလဟါ ဘံၣ်, ဒီးနၤဖတူဃံၣ်, 14ဒီးပသြူစံၣ်, ဒီးကၤစလူဃံၣ်, (ပှၤဖလ့ၡသးဖိလီၤစၢၤလၢအီၤ,) ဒီးကၤပတိရံၣ်လီၤ. 15ဒီးစီၤကနၤဧၣ်ထီၣ်ဖိအဝဲၢ်ကိ စီၤစံဒိၣ်, ဒီးစီၤဃ့ၤသး 16- 17ဒီးယဘူၣ်ဖိ, ဒီးအမိၢ်ဖိ, ဒီးကံၢ်ကၣ်ဖိ,- ဒီးဃံၤဝံဖိ, ဒီးဧၤရကၤဖိ, ဒီးစံၣ်ဖိ, 18ဒီးအၢ်ဝးဖိ, ဒီး စမၢ်ဖိ, ဒီးဃမါသးဖိလီၤ. လၢခံက့ၤဒီး ပှၤကနၤဧၣ် အဒူၣ်ဖိလီၤပြံလီၤပြါလီၤ.
19ဒီးပှၤကနၤဧၣ်အကီၢ်ဃၢၤန့ၣ် မ့ၢ်လၢစံဒိၣ်ဖဲနဟဲနုာ် လၢကရၢ်ပၢၢ်လၢဂါစၤ, ဖဲနလဲၤနုာ်ဆူစဒိၣ်, ဒီးဂမိရၤ, ဒီးအၤဒမၤ. ဒီးစဘိအံၣ်ပၢၢ်လၢလါၡၤလီၤ. 20ဒီးအန့ၣ် မ့ၢ်စီၤဃၣ်အဖိခွါတဖၣ် ဒ်အဒူၣ်အသိး, ဒ်အတၢ်က တိၤအကျိာ်အသိး, လၢအကီၢ်ပူၤ, ဒီးလၢအကလုာ် အကျါန့ၣ်လီၤ.
21စီၤဧ့ၤဘ့ၢ်အဖိခဲလၢာ်အပၢ်စီၤရှ့ၣ်, ဒီပုၢ်ဝဲၢ်ဒီးစီၤယ့ဖ့း သးအဒိၣ်တဂၤန့ၣ် ဖိတဖၣ်အိၣ်ဖျဲၣ် လၢအဂီၢ်စ့ၢ်ကီး လီၤ. 22ဒီးစီၤရှ့ၣ်အဖိခွါတဖၣ်မ့ၢ်စီၤဧ့ၤလၣ်, ဒီးစီၤအၤ ရှူၢ်, ဒီးစီၤအၢ်ဖးၡး, ဒီးစီၤလူး, ဒီးစီၤအရၣ်လီၤ.
23ဒီးစီၤအရၣ်အဖိခွါမ့ၢ်စီၤဧူးစး, ဒီးစီၤဃူလးဒီးစီၤက့ သ့ၢ်, ဒီးစီၤမၤစးလီၤ.
24ဒီးစီၤအၢ်ဖးၡးန့ၣ်ထီၣ်ဖိ စီၤစ့ၤလါ, ဒီးစီၤစ့ၤလါန့ၣ် ထီၣ်ဖိစီၤဧ့ၤဘ့ၢ်.
25ဒီးစီၤဧ့ၤဘ့ၢ်န့ၣ် အဖိပိာ်ခွါအိၣ်ဖျဲၣ်လၢအဂီၢ် ခံဂၤ လီၤ. အဝဲတဂၤအမံၤမ့ၢ်စီၤပ့ၤလ့းလီၤ. အဂ့ၢ်ဒ်အံၤ, လၢအဝဲတဂၤအစိၤန့ၣ်ဟီၣ်ခိၣ်ဖိလီၤမုၢ်လီၤဖးလီၤ. ဒီး အဒီပုၢ်ဝဲၢ်အမံၤမ့ၢ်စီၤယးကတၣ်လီၤ.
26ဒီးစီၤယးကတၣ်ထီၣ်ဖိစီၤအၤလမိဒး, ဒီးစီၤရှ့လဖး, ဒီးစီၤဃၤစရမၤဝ့း, ဒီးစီၤယၤရၢ်, 27ဒီးစီၤဟဒိၣ်ရၣ်,ဒီး စီၤအူစလး, ဒီးစီၤဒံးကလး, 28ဒီးစီၤဧူဘလး, ဒီးစီၤ အဘံမအ့လး, ဒီးစီၤၡဘၤ, 29ဒီးစီၤအိဖ့ၢ်, ဒီးစီၤဃဝံၤ လၤ, ဒီးစီၤယိတာ်လီၤ. အဝဲသ့ၣ်ခဲလၢာ်န့ၣ်မ့ၢ်စီၤယး ကတၣ်အဖိခွါလီၤ. 30ဒီးအိၣ်ဝဲဆိးဝဲအလီၢ်န့ၣ်မ့ၢ်လၢ မ့ၤၡး, ဖဲနလဲၤတၢ်ဆူစဖၢ်, ကစၢၢ်တဖျၢၣ်အိၣ်လၢမုၢ် ထီၣ်တခီလီၤ.
31အဝဲသ့ၣ်တဖၣ်န့ၣ်မ့ၢ် စီၤရှ့ၣ်အဖိခွါဒ်အဒူၣ်အသိး, ဒ်အတၢ်ကတိၤအကျိာ်အသိး, လၢအကီၢ်ပူၤ ဒ်အက လုာ်အသိးန့ၣ်လီၤ.
32အဝဲသ့ၣ်တဖၣ်န့ၣ် မ့ၢ်စီၤနိအၤအဖိခွါအဒူၣ်သ့ၣ်တ ဖၣ်ဒ်အစၢၤအသွဲၣ်အသိး, လၢအကလုာ်သ့ၣ်တဖၣ်အ ကျါန့ၣ်လီၤ. ဒီးလၢထံလုၣ်ဘၢတၢ်အလီၢ်ခံန့ၣ်ပှၤအ ကလုာ်တဖၣ် လီၤပြံလီၤပြါလၢဟီၣ်ခိၣ်ချၢ လၢအဝဲ သ့ၣ်တဖၣ်န့ၣ်လီၤ.
Iliyochaguliwa sasa
လံာ်စီၤမိၤရှ့အခီၣ်ထံးတဘ့ၣ်. ၁၀: KSWM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sgaw Mason Bible © Bible Society of Myanmar, 1853.