Matthieu 2
2
1Tokou doudjou Jésus béh té ke Bethléhem, nange té ke Judée, ndò té lo Mbaibé Hérode, wo, dooudjé ke ndjè kemkarèdjé ke loou té ke kade téh, ndé Jérusalem té, mpana,
2Nè ke dèdè doudjè to Mbaibé lo Juifdjé néh da wa? Mbata djèdjè djo ndètélendè la loou té ke kade téh, ke djèdjè ndé ta mpitè.
3Tokou Mbaibé Hérode wo tar nèn, bel dè ke dèdè toï ke Jérusalem té tò.
4Nè mbòn tokou ndjè kòrdjé ke ndjè da maketourou ndedjidjé lo Juifdjé, nè ndoudjoudè da koudjou Christ loou té ke da wa.
5Dèdè mpa darè, Mè béh Bethléhem té ke Judée, mbata prophète da mè maketourou té tokou ban,
6I Bethléhem ke nange té lo Juda,
I to ngadjiba horo mbaidjé té lo Juda ang,
Mbata mbai kada a téh hori té,
Ke nè na kö dooudjé lom Israël.
7Tokou ban Hérode bar ndjè kemkarèdjé hoi, nè ndoudjoudè ndètélendè téh ke ndò ban wa.
8Nè nouladè Bethléhem té, mpana, Abidjé, esangidjé tar lo ngon nèn gaté gaté madji. Tokou sésè ingèdjé, etélidjé ta pa karem, baa mase ta kao pitè tò.
9Tokou dèdè do tar lo Mbaibé ase, dèdè dao deo té lodè. Wo, ndètélendè ke dèdè do loou té ke kade téh, ao nòdè té sar nè narr loou té ke ngon éh kendé.
10Tokou dèdè do ndètélendè mèdè koukou ke rònèl nya.
11Tokou dèdè dao mè kei té, dèdè do ngon ke këndjè Marie. Dèdè doso nange, dèdè mpitè. Tokou ban dèdè dòrou né kinga lodè, dèdè dare ngon né kinga ba, narè lor ke yambo encens ke myrrhe.
12Mbata Allah ndedjidè ke ni ta tél rò Hérode té ang, dèdè ntél dao béh lodè ke deo ke dang.
13Tokou dèdè dao nga, wo, ange lo Mbaibé Seigneur kada téh rò Joseph té ke ni, pana, I tarr, oun ngon ke këndjè, aïndjé ke Egypte té. Isi nou sar ma mpa mari, mbata Hérode a sange ngon ta tòlè.
14Joseph ï tarr, nè noun ngon ke këndjè tilti, nao Egypte té.
15Nè nisi nou sar Hérode woei. Tar nèn dé tokou ban ta kare tar ke Mbaibé Seigneur pa leo deo té lo prophète, dé to tar ke tokoro, Ma mmar ngonem ke dingao ta téh Egypte té.
16Tokou Hérode wo ndjè kemkarèdjé erè nga, ongou dè nya. Nè noula ta tòl ngandjé ke dingao toï ke Bethléhem té, ke mare béh té toï ke ngosiba to, dèdè toï ke bal lodè ase djo, ke dèdè ke bal lodè ase djo ang bai to. Nè ntoura ndò ke ndjè kemkarèdjé tòdjè mbä.
17Tokou ban tar ke prophète Jérémie pa leo, dé to tar ke tokoro,
18Do ndou Rama té, nò ke ki ke ongou,
Rachel nò mbata nganè, nè ndiki ta kare mèa woul ang, mbata dèdè ngoto.
19Tokou Hérode woei mbä, wo, ange lo Mbaibé Seigneur kada téh rò Joseph té ke ni ke Egypte té, pana,
20I tarr, oun ngon ke këndjè ao nange té lo Israël, mbata dèdè ke nsange ta tòl ngon doei mbä.
21Joseph ï tarr, noun ngon ke këndjè, nao nange té lo Israël.
22Tokou nè no tar na Archélaüs ö nange ke Judée tourou bèdjè Hérode té, bel da Joseph ta kao nou. Mbata Allah ndedjè ke ni, nè ntéh nao nange té ke Galilée.
23Nè nao nisi béh té kada ke ria na Nazareth, ta kare tar ke prophètedjé pa leo dé to tar ke tokoro, Dèdè da barè to Nazaréen.
Iliyochaguliwa sasa
Matthieu 2: KL1960
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 1960, 2018.
To learn more or sign up for email updates about the mission of BFBS, click here:
