BOTHUBO KILETHITSA
KILETHITSA
Bothubo kiqiye ‘abothu’ kaku hipaulo tsutsu yeghi, inahuu timi jeli, axine hukuthu eno ayeghiqhalo aghime ipuzu Alhou no kishi timi jeli sasu kuptsanike alaghi jeli khaqhi tsukeu ghiliqo yetsukeu kakuke. Bothubo kaku hipauye kokupha kini likhi shiluvi:
1. Akiyedo 1-11 Ayeghiqha lhokeu eno inahuu timi shiyeh jeli xughili. Hipau kokupha lono Alhou no Adam ngo Iva, Kain ngo Abel, Noha lono wo azuno yimuvekeu eno Babel tupikiye kuto.
2. Akiyedo 12-50 Inahuu Israilmi puasuqo xughili. Atughiu Abraham khuu Alhou lau aghokulu shi eno pa kupulu ghenguno ajekipi shilukeno. Tipashelo panu Isak eno Jakob tilinu (Israil ghi kucheni) eno Jakob nuli chighikini khunoqono alagha chighikini hukuthu bothu shiluve keno. Anuliqo gholo Josef ghili eno Jakob ngo panuliqo eno panongu kibolomi sasu Ijip lo xuwuvekeu ghili pakutakeu lono pi tsukeu ani.
Kaku hipau lono timiqo ghili atughu eno atoshi pitsu akeuye Alhou no kiu mlakeno tipau ghiliuno akhoto shi pitsukeu ani. Alhou no tsutsu yeghi lhokeu ghili no huthuno ashekhaloye Alhou no pawu timoqo ghenguno alokumsu akeuno kishekha ghi pitsukeu ani. Kaku akuchopulo aghili akhotouye Alhou no akipimi shivekeqo lau kishi xathabe eno ghime cheni, ipuzu kishi saphe eno pawu timiqo kuphu tsuno panongu xughili tuchophe tsukeno tipau ghili ani. Mulho kaku hipauye timi amqo lakhi wu pulutho kupasukeu eno pulutho tipau kishi puxulu amasa keno tipaqo ghili yetsu keuke.
Supuakeu Xuagha
Tsutsu yeghi eno timi jeli lhokeu 1.1—2.25
Axine hukuthu eno aghime 3.1-24
Adam lono Noha kutolo 4.1—5.32
Noha lono azu yimukeu kutolo 6.1—10.32
Babel tupikiye 11.1-9
Shem lono Abraham kutolo 11.10-32
Apuasuqo: Abraham, Isak, Jakob 12.1—35.29
Esao kughukoqo 36.1-43
Josef eno pamunoqo 37.1—45.28
Israilmi Ijip lo auvekeu 46.1—50.26
Iliyochaguliwa sasa
BOTHUBO KILETHITSA: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.