Zaburi 137

137

Maombolezo juu ya maangamizi ya Yerusalemu

1 # Eze 1:1; Dan 8:2; Isa 24:8; Omb 5:15; Amo 8:10; Ufu 18:22 Kando ya mito ya Babeli ndiko tulikoketi,

Tukalia tulipoikumbuka Sayuni.

2Katika miti iliyo katikati yake

Tulivitundika vinubi vyetu.

3Maana huko waliotuchukua mateka

Walitaka tuwaimbie;

Na waliotuonea walitaka tuwatumbuize;

Tuimbieni baadhi ya nyimbo za Sayuni.

4Twawezaje kuimba wimbo wa BWANA

Katika nchi ya ugeni?

5Nikikusahau, Ee Yerusalemu,

Mkono wangu wa kulia na upooze.

6 # Eze 3:26 Ulimi wangu na ugandamane

Na kaakaa la kinywa changu, nisipokukumbuka.

Nisipoikuza Yerusalemu

Zaidi ya furaha yangu iliyo kuu.

7 # Omb 4:22; Oba 1:10 Ee BWANA, uwakumbuke wana wa Edomu,

Siku ile Yerusalemu ilipotekwa.

Kwa namna walivyosema, Bomoeni!

Bomoeni hata misingini!

8 # Isa 13:1; Ufu 18:6 Ee binti Babeli, uliye karibu na kuangamia,

Heri atakayekupatiliza, ulivyotupatiliza sisi.

9Heri yeye atakayewakamata wadogo wako,

Na kuwaseta wao juu ya mwamba.

Iliyochaguliwa sasa

Zaburi 137: SRUV

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Mistari Maarufu ya Biblia kutoka
Zaburi 137