Hesabu 6
6
Wanadhiri
1 #
Law 27:2; Amu 13:5; Mdo 21:23; Rum 1:1 Kisha BWANA akanena na Musa, na kumwambia, 2#Law 10:9; Amu 13:4; Amo 2:12; Lk 1:15 Nena na watu wa Israeli, uwaambie, Mwanamume au mwanamke atakapoweka nadhiri maalumu, nadhiri ya Mnadhiri,#6:2 Au aliyewekwa wakfu. ili ajiweke wakfu kwa BWANA; 3#Lk 1:15 atajitenga na divai na vileo; hatakunywa siki ya divai, wala siki ya kileo, wala asinywe maji yoyote ya zabibu, wala asile zabibu, mbichi wala zilizokauka. 4Siku zote za kujitenga kwake asile kitu chochote kilichoandaliwa kwa mzabibu, tangu kokwa hata maganda. 5#Amu 13:5; 1 Sam 1:11; Omb 4:7 Siku zote za nadhiri yake ya kujitenga, wembe usimguse kichwani mwake; hata hizo siku zitakapotimia, ambazo alijiweka wakfu kwa BWANA, atakuwa mtakatifu, ataziacha nywele za kichwani mwake zikue ziwe ndefu. 6#Law 19:28; 21:11; Yer 16:5,6; Eze 24:16-18; Mt 8:21 Siku hizo zote ambazo alijiweka awe wa BWANA asikaribie maiti. 7#Hes 9:6 Hatajitia unajisi kwa ajili ya baba yake, wala kwa ajili ya mamaye, wala kwa kaka yake, wala kwa dada yake, wakifa wao; kwa sababu ya huku kujiweka kwa Mungu ni juu ya kichwa chake. 8Siku zote za kujitenga kwake, yeye ni mtakatifu kwa BWANA 9#Mdo 18:18 Na kama mtu yeyote akifa ghafla karibu naye, akajitia unajisi kichwa cha kutengwa kwake, ndipo atakinyoa kichwa siku hiyo ya kutakaswa kwake, atakinyoa siku ya saba. 10#Law 5:7; 14:22 Tena siku ya nane ataleta hua wawili, au makinda mawili ya njiwa, aende nao kwa kuhani, hata mlangoni pa hema ya kukutania; 11naye kuhani atasongeza mmoja kuwa sadaka ya dhambi, na wa pili kuwa sadaka ya kuteketezwa, naye atafanya upatanisho kwa ajili yake, kwa sababu aliingia kosani kwa ajili ya maiti, naye atatakasa kichwa chake siku iyo hiyo. 12Kisha ataziweka kwa BWANA hizo siku za kujitenga kwake, naye ataleta mwana-kondoo wa kiume wa mwaka mmoja, kuwa sadaka ya hatia; lakini hizo siku za kwanza hazitahesabiwa, kwa kuwa kule kujitenga kwake kulitiwa unajisi.
13 #
Mdo 21:23-24
Na sheria ya Mnadhiri ni hii, zitakapotimia hizo siku za kujitenga kwake; ataletwa mlangoni pa hema ya kukutania; 14#Law 4:2; 3:6 naye atasongeza sadaka yake kwa BWANA, mwana-kondoo mmoja dume wa mwaka mmoja asiye na dosari, kuwa sadaka ya kuteketezwa, na mwana-kondoo jike mmoja wa mwaka mmoja asiye na dosari, kuwa sadaka ya dhambi, na kondoo dume mmoja asiye na dosari kwa sadaka ya amani, 15#Law 2:4; 8:2; 9:4; Yn 6:50-53; Kut 29:2; Hes 15:5,7; Isa 62:9; Yoe 1:9,13; 1 Kor 10:31; 11:26 na kikapu cha mikate isiyotiwa chachu, mikate ya unga mwembamba iliyokandwa kwa mafuta, na mikate ya kaki isiyochachwa, iliyotiwa mafuta, pamoja na sadaka zake za unga, na sadaka zake za kinywaji. 16Na kuhani atavisongeza mbele za BWANA, naye atasongeza sadaka yake ya dhambi, na sadaka yake ya kuteketezwa; 17naye atamsongeza huyo kondoo dume kuwa dhabihu ya sadaka za amani kwa BWANA, pamoja na kikapu cha mikate isiyotiwa chachu; kisha kuhani atasongeza sadaka ya unga nayo, na sadaka yake ya kinywaji. 18#Mdo 21:24; Lk 17:10; Rum 6:6; Gal 5:24; Efe 4:23; Kol 3:9 Naye Mnadhiri atakinyoa kichwa cha kujitenga kwake, mlangoni pa hema ya kukutania, kisha atatwaa hizo nywele za kichwa cha kujitenga kwake, na kuzitia katika moto ulio chini ya dhabihu ya sadaka za amani. 19#Law 8:31; Kut 29:23,24 Kisha kuhani atautwaa mkono wa huyo kondoo dume uliotokoswa, na mkate mmoja usio chachu atautwaa kikapuni, na mkate mmoja wa kaki, naye ataitia mikononi mwa yule Mnadhiri, baada ya kunyoa kichwa cha kujitenga kwake; 20#Law 9:21; Mhu 9:7; Isa 35:10; Yn 17:4,5; Ufu 14:13 naye kuhani atavitikisa viwe sadaka ya kutikiswa mbele za BWANA; kitu hicho ni kitakatifu kwa kuhani, pamoja na kidari cha kutikiswa, na paja la kuinuliwa; kisha baadaye Mnadhiri ana ruhusa kunywa divai. 21Sheria ya Mnadhiri awekaye nadhiri ni hiyo, tena ni sheria ya sadaka yake atakayomtolea BWANA kwa ajili ya kujitenga kwake, pamoja na vitu vile ambavyo aweza kuvipata zaidi; kama nadhiri yake awekayo ilivyo, ndivyo impasavyo kufanya kwa kuifuata sheria ya kujitenga kwake.
Baraka ya kikuhani
22Kisha BWANA akanena na Musa, na kumwambia, 23#1 Nya 23:13 Nena na Haruni na wanawe, uwaambie, Hivi ndivyo mtakavyowabariki wana wa Israeli; mtawaambia;
24 #
Zab 134:3; 121:7; Yn 17:11; 1 Pet 1:5 BWANA akubariki, na kukulinda;
25 #
Zab 67:1; 80:3; Dan 9:17; Mwa 43:29; Yn 1:17; Rum 5:21 BWANA akuangazie nuru za uso wake, na kukufadhili;
26 #
Zab 21:6; Mdo 2:28; Zab 85:10; Isa 26:3,12; Lk 2:14; Yn 20:21; Rum 15:13; 2 The 3:16 BWANA akuinulie uso wake, na kukupa amani.
27 #
Kum 28:10; 2 Nya 7:14; Zab 115:12 Ndivyo watakavyoweka jina langu juu ya wana wa Israeli; nami nitawabariki.
Iliyochaguliwa sasa
Hesabu 6: SRUV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Swahili Revised Union Version Bible © Bible Society of Kenya, and Bible Society of Tanzania, 2005.