John 2
2
CHAP. II.
1 Christus oghneganoghs wine wabha-onyon.
12 Egh sareghde Capernaum ok Jerusalem nongadih.
13 Ok sabharakeʼwe ne Templetseragon.
1Ok ne Aghsen ne weghniseragehhadòritégh yakodenyòdaghkwe tsi wa-akonyake tsì kanadaye ne Cana Galileetseragon ok ne Jesus ronisdenha yeyádareghkwe. 2Jesus ok oni ne raotyoghkwa egh oni ronwadighnonken tsi yakodènnyode. 3Ok ethone tsi wahondòkten ne wine, ne Jesus ronisdenha wahhoyenhaghse, yaghten sʼhodiyen ne Wine. 4Jesus saghshakawenhaghse, senheghtyen oghnahhoten katsteriftaghkwa tsiniserighhoten, arekho se te wakaderighwihháwise. 5Ne Ronisdenha wa-akawenhaghse ne yondaddenhase, tsioknahhoten enghtsisewenhaghse, eghnʼensewayère. 6Neoni etho waéyen yayák ne onenyage yeghnegaraghkwatha, yaweght tsiniyeweyenòten ne Jewsaga tsi waondyadohharehha ne ne toghka gallon enwèdake. 7Jesus waghsʼhakawenhaghse sewánaghne ne yeghnegaraghkwathaogon oghneganoghs, ok waenaghne. 8Ok waghsʼhakawenhaghse, sewaghnegadaghkwen ok eghsewahhawighte tsidhenderon ne ratsteristha nʼadènnyode, ok egh wa-ehhawighte. 9Ne onen ne ratsteristha tsiyakodennyode rotkènse nʼoghneganoghs nene wine yaweght yodòn, ok yaghten hodogense tsinonwe tayehhawe: (ok ne ronwadinhase nene radighnegadaghkwen ronaderyendare nene) ne ratsterislha nʼadènnyode tahhònonke nene onwa wahhonyake. 10Ok waghrenhaghse, agwegon nʼongwe yaweght tsidyodaghawen ethone waégéron ne kaghnegiyose; ok onen, tsi eso yakoghnegiren ethone nene tyòdokte, ok ise denghnon ok onwa wasadaghsyon ne kaghnegiyo. 11Nene kengayen tsidyorighwaghsawen ne yoneghragwaghtenyon nʼaorihhòten, tsidkanàdayen ne Cana ne Galileetseràgon etho ne hoyèren ne Jesus, ok waonderighhowanaghte raogloria, ok ne raotyoghkwa teyakaweghdaghkon.
12Oghnagenke raonha, ne ronisdenha, rondaddegen ogònwa ok oni ne raotyoghkwa, egh wahhoneghte Capernaum ok yagheso egh te hodeghniserókten.
13Ok onontohha emvaderighwihhewe ne raodeghniscra ne Jewshaga nene eren wa-ondongoghte (ne passover), ok Jesus Jerusalemne yehharawe. 14Ok kanonghsagon nʼononghsadogenghte ne Temple, egh waghsʼhakòrane ne rononha ne rondeaghnínons ne tehunhenskwàra, teyodinagarondon ok oni oorìde, oni ne rondaddawighs nʼoghwisda, etho radíderon. 15Ok ne onen waghroni ne yeghsoghkwawissaaghta, atste waghshakoyadinnegenhon, ok oni ne teyodinagarondon ok ne tehunhenskwara; ok wahhawerenton ne raodighwisda, oni wahhatkarhatho ne attegwaraghhogon. 16Okwahsʼhakawenhaghse, ne ooríde rondenghnínons, eren sewahhàwighte ne kengayen, nene Rakenhha tsi roncmghsode toghsa etho enkenhak tsi yondeaghninontha. 17Ok sahhoneghyàrane ne raotyonghkwa tsi kaghyàdon, tsini yoghskenha ne sanonghsode ne yohkwennda-on tsikonhe.
18Ok tahhondady ne Jewshaga wahhonwenhaghse, oghnahhoten adennagèraghton askwanadonhaghse tsi kengh ne satyerha. 19Jesus tentahhadady ok waghsʼhakawenhaghse, sewanonghsarighsy ne kengagen Temple, ok aghsen niweghniserage ensekeketskwen. 20Ethone wahhoniron ne Jewshaga, kayeri niyoghseraghsen ok yayak yawenri tsinahhe waeweyenendane ne kengayen temple, ok ise aghsen ken ne weghniserage ok enseketskwen. 21Ok raonha ne radadditon ne raoyeronke yaweght ne temple. 22Ethone kadi tsi shotkeskwen tsi rawenhèyoghne, ne raotyoghkwa sahhoneghyàrane tsi ne kengayen waghsʼhakawenni ok wathoneghtaghkon ne kaghyadoghseradogenghte ok ne ne Jesus tehowenninegeon. 23Ethone tsi eghyeresgwe Jerusalem, ne tsi eren waondongoghte tsi waondennyóden, eso wathoneghtagkon ne raoghsennagon, ethone tsi wahhontkaghtho ne yorighwanneghragwaght tsinihotyèren. 24Ok denghson Jesus yaghten hodadyadodaghsyon rononhage, ne wahhone tsisʼhakoyenderhe-on agweson nʼongwe. 25Yagh oni tehodoghwhenjonighni ahonwaghrory tsiniyought nʼongwe; iken roderyendare tsi nahhóten ongweghne iddewat.
Iliyochaguliwa sasa
John 2: MOH1804
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Historical text maintained first published by the British and Foreign Bible Society in 1804.
