Rut UTANGULIZI
UTANGULIZI
Kitabu hiki kimepewa jina la mwanamke ambaye habari zake ndizo simulizi kuu, yaani Ruthu, Mmoabi.
Elimeleki, mkewe Naomi na watoto wao wa kiume, Maloni na Kilioni wa kabila la Efraimu walitoka Yuda wakaenda kuhemera katika nchi ya Moabu. Kwa kuwa walikaa huko kwa muda watoto wao walioa Wamoabi, Orpa na Ruthu. Baadaye Elimeleki na wanawe wawili wakafariki. Orpa, Ruthu na mama mkwe wao Naomi wote wakawa wajane. Naomi aliamua kurudi nyumbani Bethlehemu. Ruthu aliambatana na Naomi hadi Yuda. Kisha Ruthu akaolewa na Boazi, mtu mwenye sifa ya bidii, roho nzuri, tajiri na aliyekuwa jamaa ya mumewe marehemu.
Masimulizi ya Kitabu hiki yanavutia sana. Uhusiano kati ya mwanamke na wakwe zake, mwajiri na wafanya kazi na maofisa wa mji na raia unatuonyesha muundo wa utaratibu wa maisha yenye upendo, maisha ya kumtii Mungu na kumpenda jirani kama nafsi yake. Kilele cha masimulizi juu ya Ruthu ni aliyedhaniwa kuwa amepoteza kila kitu anaingia kwenye chimbuko la Mfalme Mkuu kuliko wote katika historia ya Israeli yaani Mfalme Daudi na Yesu Kristo.
Yaliyomo:
1. Utangulizi, Sura 1:1-5
2. Naomi na wakwe zake Wamoabi, Sura 1:6-22
3. Maisha mapya katika Yuda, Sura 2:1–4:12
4. Masimulizi juu ya nasaba ya Daudi, Sura 4:13-22
Iliyochaguliwa sasa
Rut UTANGULIZI: SUV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.