1 Kor 16
16
Michango kwa Watakatifu
1 #
Rum 15:25-26; Mdo 11:29; Gal 2:10; 2 Kor 8:9 Kwa habari ya ile changizo kwa ajili ya watakatifu, kama vile nilivyoamuru makanisa ya Galatia, nanyi fanyeni vivyo. 2#Mdo 20:7Siku ya kwanza ya juma kila mtu kwenu na aweke akiba kwake, kwa kadiri ya kufanikiwa kwake; ili kwamba michango isifanyike hapo nitakapokuja; 3nami nitakapofika nitawatuma kwa nyaraka wale mtakaowachagua, wachukue hisani yenu mpaka Yerusalemu. 4Na kama ikifaa niende na mimi, watasafiri pamoja nami.
Mipango ya Usafiri
5 #
Mdo 19:21
Lakini nitakuja kwenu, nikiisha kupita kati ya Makedonia; maana napita kati ya Makedonia. 6#Rum 15:24; Tit 3:12Labda nitakaa kwenu; naam, labda wakati wote wa baridi, mpate kunisafirisha ko kote nitakakokwenda. 7#Mdo 20:2; 18:21Maana sipendi kuonana nanyi sasa, katika kupita tu, kwa sababu nataraji kukaa kwenu muda kidogo, Bwana akinijalia. 8#Law 23:15-21; Kum 16:9-11; Mdo 19:1,10#Mdo 19:8-10Lakini nitakaa Efeso hata Pentekoste; 9#2 Kor 2:12; Kol 4:3; Ufu 3:8kwa maana nimefunguliwa mlango mkubwa wa kufaa sana, na wako wengi wanipingao.
10 #
1 Kor 4:17; Flp 2:20 Lakini, Timotheo akija, angalieni akae kwenu pasipo hofu; maana anaifanya kazi ya Bwana vile vile kama mimi mwenyewe; 11#1 Tim 4:12basi mtu ye yote asimdharau, lakini msafirisheni kwa amani, ili aje kwangu; maana ninamtazamia pamoja na ndugu zetu. 12#1 Kor 1:12; 3:6Lakini kwa habari za Apolo, ndugu yetu, nalimsihi sana aende kwenu pamoja na hao ndugu; ambaye si mapenzi yake kwenda sasa; lakini atakuja atakapopata nafasi.
Wasia wa Mwisho na Salamu
13 #
Zab 31:24; Efe 6:10 Kesheni, simameni imara katika Imani, fanyeni kiume, mkawe hodari. 14Mambo yenu yote na yatendeke katika upendo.
15 #
1 Kor 1:16; Rum 16:5 Tena ndugu, nawasihi; (mnawajua watu wa nyumbani mwa Stefana kwamba ni malimbuko ya Akaya, nao wamejitia katika kazi ya kuwahudumu watakatifu); 16#Flp 2:29watiini watu kama hawa, na kila mtu afanyaye kazi pamoja nao, na kujitaabisha. 17Nami nafurahi kwa sababu ya kuja kwao Stefana na Fortunato na Akaiko; maana hawa wamenikirimia kwa wingi yale niliyopungukiwa kwenu. 18#1 The 5:12Maana wameniburudisha roho yangu, na roho zenu pia; basi wajueni sana watu kama hao.
19 #
Mdo 18:2,18,26; Rum 16:3,5 Makanisa ya Asia wawasalimu. Akila na Priska wawasalimu sana katika Bwana, pamoja na kanisa lililoko ndani ya nyumba yao. 20#Rum 16:16; 2 Kor 13:12; 1 Pet 5:14Ndugu wote wawasalimu. Salimianeni kwa busu takatifu.
21 #
Kol 4:18; 2 The 3:17 Hii ni salamu yangu Paulo kwa mkono wangu mwenyewe. 22#Gal 1:8,9Mtu awaye yote asiyempenda Bwana, na awe amelaaniwa. Maran atha.#16:22Maran atha maana yake ni, Bwana wetu anakuja. 23Neema ya Bwana Yesu na iwe pamoja nanyi. 24Pendo langu na liwe pamoja nanyi nyote katika Kristo Yesu.
Iliyochaguliwa sasa
1 Kor 16: SUV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.