Zekaria Utangulizi

Utangulizi

Maana ya jina Zekaria ni “Mwenyezi Mungu amekumbuka”. Zekaria alikuwa kijana wakati alipoanza huduma yake. Zekaria aliwaonya watu waliokuwa wameanza kujenga upya Hekalu kwamba iliwapasa kusikiliza ujumbe wa Mwenyezi Mungu kupitia kwa manabii. Aliwahimiza kudumisha uhusiano na Mwenyezi Mungu ili wasiiharakishe hukumu ya Mwenyezi Mungu. Maono ya nabii Zekaria yalikuwa ya kuwatia moyo wajenzi katika wakati mgumu, na kuwahakikishia kwamba Mwenyezi Mungu alikuwa na mpango wa muda mrefu kwa ajili ya Israeli.

Sehemu ya mwisho ya huduma yake, Zekaria alikazia mpango wa maendeleo wa muda mrefu, akionesha kuanzishwa kwa ufalme wa mwisho. Mfalme anatambulishwa kama anayekuja kwa unyenyekevu akileta wokovu, lakini akikataliwa na watu wake mwenyewe, yaani Waisraeli. Mataifa yatakapokusanyika kwa ajili ya vita dhidi ya Yerusalemu, Waisraeli watamtambua Masihi na wataibuka na ushindi, nayo mataifa yote yatakuja Yerusalemu kumwabudu Mfalme.

Mwandishi

Zekaria.

Kusudi

Kuwatia moyo Waisraeli na kuwajulisha mpango wa Mungu wa baadaye wa ukombozi kupitia kwa Masihi.

Mahali

Yerusalemu.

Tarehe

Sura 1–8: mnamo 520–518 K.K.; sura 9–14: mnamo 480–470 K.K.

Wahusika Wakuu

Zekaria, Zerubabeli, Yoshua na Wayahudi waliorudi kutoka uhamishoni.

Wazo Kuu

Ahadi za Masihi na kumalizia ujenzi wa Hekalu.

Mambo Muhimu

Zekaria alieleza juu ya hukumu ya Mwenyezi Mungu dhidi ya adui za Israeli, baraka kwa ajili ya Yerusalemu, na umuhimu wa watu wa Mwenyezi Mungu kudumu katika utakatifu. Mwenyezi Mungu atawahukumu adui wa Israeli, na Mfalme (yaani Masihi) atakuja.

Yaliyomo

Utangulizi (1:1-6)

Maono nane ya kinabii (1:7–6:8)

Kutawazwa kwa Yoshua kinabii (6:9-15)

Jumbe mbalimbali za hukumu na matumaini (7:1–11:3)

Kuja kwa Masihi na kukataliwa kwake (11:4–13:9)

Mwenyezi Mungu yuaja kutawala (14:1-21).

Iliyochaguliwa sasa

Zekaria Utangulizi: NENO

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Neno: Maandiko Matakatifu™ NMM™

Imetumiwa kwa ruhusa.

Haki zote zimehifadhiwa duniani kote.

Kiswahili Contemporary Scriptures™

Jifunze Mengi Kuhusu Neno: Maandiko Matakatifu 2024

Zekaria Utangulizi

Mistari Maarufu ya Biblia kutoka
Zekaria Utangulizi

Bibilia:

Kiswahili

Tolea: Neno: Maandiko Matakatifu 2024 - NENO