Habakuki 1:12-14

Ee BWANA, je, wewe sio wa tangu milele? Mungu wangu, Uliye Mtakatifu wangu, hatutakufa. Ee BWANA, umewachagua wao ili watekeleze hukumu; Ee Mwamba, umewaamuru watuadhibu. Macho yako ni safi mno hata yasiweze kuutazama uovu, wala huwezi kuvumilia makosa. Kwa nini basi unawavumilia wadanganyifu? Kwa nini unakuwa kimya wakati waovu wanawameza wale wenye haki kuliko wao wenyewe? Umewafanya watu kama samaki baharini, kama viumbe wa bahari wasio na mtawala.