Mark 8
8
Yesu rava 4000 i ghamohi
(Mat 15:32-39)
1Naꞌi marana patara ghaeghaena hivi tagogi yana meyehi. Patara ahi yam eꞌegha, yamna aubaina Yesu ana tauvotaghotagho i ghorehi da hi naꞌe awarina ma ipa, 2“Madegha tonugha au horana, patara maiteꞌu a maꞌae ma ahi yam eꞌegha ma tauhi a rau-nuwapoapoeyehi. 3Ana amhiraghehi ana paritawanehi, apo au etanai hina rau-moyaghahu ma ghehauhi uwamei hi neꞌi.”
4Ana tauvotaghotagho hi pari-beyei, “Weꞌi mutuyuwa ma mepa yam tana vaini da weꞌi patarana tana ghamohi?”
5Ma Yesu tauhi i rau-bayadehi ipa, “Payawa bihagha awarimi?”
Tauhi hi riwa, “Seven.”
6Ma Yesu patara i riwehi da hi tughura ma payawa seven i vaini ma God ivi egwayauwei ma ivo tomutomuhi ma ana tauvotaghotagho i verehi ma patara hi ghutehi. 7Ma tauhi auwarihi iyana muhomuhohi ruwagha, Yesu i vaini, God ivi egwayauwei ma ana tauvotaghotagho i verehi ma tauhi patara hi ghutehi. 8Tauhi anatapuhi hi am da hi am hi yauwa. Tauvotaghotagho yam amtereterenana hi tamaꞌaruaruhi da poha seven hivi howai. 9Rava ahi magha 4000 nanaꞌarena ivi anihi. Au murina i pari-tawanehi da hi naeme ahi au numa.
Pharisee God ana matakiraha ivi baghei
(Mat 15:39–16:4)
10Maratagogi, Yesu ana tauvotaghotagho maitehi au waga hi geru da hi damana Dalmanuta ana au parata. 11Pharisee ghehauhi hi neꞌi Yesu awarina ma maiteni hivi awahegahigahiyana. Tauhi hi ghohei da Yesu hita rau-dadani da matakiraha, Godei itavi heghai.#8:11 Deu 13:1-5; 18:18-22; Jdg 6:17-22; 1 Sa 2.34; 2 Ki 20:8-11 12Yesu aruwanei i yavutu tawanana ma i riwa, “Taumi, tupumuri#8:12 Tupumuri, anona yamna marina tau tupuwa ravahi (Yesu ana au mara) ma egha rava muriyai hita tuputupuwa. Riwa taumi evo vairewapani ravami, aiwaꞌi aubaina matakiraha o ghoheghohei da ota inanai? A ririwana kauwemi apo matakiraha egha ona i inanai.”#8:12 Mat 12:39; Luk 11:29
Yesu, Pharisee ma Herod ahi viharaharamana boꞌa, e raꞌaraꞌata me yeast, ona inana vaimahiei
13Yesu Pharisee ivo terehi ma ana tauvotaghotagho maitehi au waga hi gerume ma hi damana Galili topana au tupo ghehauna. 14Ana tauvotaghotagho nuwanuwahi i vuru da payawa egha hita vaini, payawa tagogi ava au waga i maꞌamaꞌae. 15Yesu iparivai nuwa i daghihi “Pharisee ma Herod ahi viharaharamana boꞌa, e raꞌaraꞌata me yist, ona inana vaimahiei.”#8:15 Mai Jew ahi au vinuwanotanota, yeast yamna awanaina me apoapoe e raꞌaraꞌatanei. Ma maranai Yesu i riwa ‘Yeast’ yamna Pharisee ma Herod ahi viharaharamana apoapoehi ma yawahana apoapoehi hevivi haraharamanei.
16Ma tauhi hi dede hipa, “Payawa eꞌegha aubaina e dedede.” 17Ma Yesu ahi dede i haramanei aubaina da i riwehi, “Payawa eꞌegha ma aiwaꞌi ovivi tarapiriyei? Taumi yohora egha ota inana tuhaghai bo? Koyami i bagibagi bo? 18Matami e maꞌamaꞌae ma egha ota inainana ma tanighami e maꞌamaꞌae ma egha ota nononora bo? Ma o notanotai bo eꞌegha? 19Maranaina payawa 5 a votomutomui rava 5000 aubaihi, payawa amtereterenana o tami da poha bihagha ivi howai?”
Tauhi hi pari-beyei, “12”
20Ma maranaina payawa 7 a votomutomui rava 4000 aubaihi ma payawa amtereterenana o tami da poha ghaeghaehi bihagha ovi howai?
Tauhi i pari-beyei, “7” 21Ma tauhi i riwehi ipa, “Taumi yohora da ovivi nuwanaina bo?”
Yesu oroto matana apoapoena ivi yawahani au Bethsaida
22Tauhi hi neꞌi au Bethsaida ma rava ghehauhi oroto matana apoapoena hi neiyai Yesu awarina ma hivi baghai da matana ita vodadani. 23Orotona matana apoapoe i rau-ꞌurana ma meyagaiyei i taravaina hopunei. Ma kampa matana i hovaꞌi ma uranei matana ivo dadani ma i rau-bayadehi, “aiwaꞌi e inainanai bo eꞌegha?”
24Ma i tahepai ma i riwa, “Rava a inainanahi ma tauhi me eyagi, he bababara.”
25Yesu uranei oroto matana, ivo dadana meyei, matana i yawahana, i ahi ma aiwaꞌi anatapuna inana kauwei. 26Yesu tauna i pari-tawanei ana au numa ma i riwei, “Egha au meyagai manaeme.”
Peter ivi hegha da Yesu tauna Keriso
(Mat 16:13-16; Luk 9:18-20)
27Yesu ana tauvotaghotagho maitehi i nae au meyagaigheha Sisiria Pilipai au gheregherena. Au etanaiyei ma i rau-bayadehi, “Rava he ririwa da Taꞌu aiyaꞌi?”
28Ma tauhi hi pari-beyei, “ghehauhi e ririwa da tam John Taubabataito ma ghehauhi he ririwa da Elijah ma ghehauhi he ririwa da peroveta tagogi warihagha maemaena.”
29Ma Yesu tauhi i rau-bayadehi, “Wate taumi me o notanotanei ma i riwa da Taꞌu aiyaꞌi?”
Peter i pari-beyei, “Tam Keriso, Tauvi yawahana Godei!”
30Yesu tauhi ivi ghaehi da egha aiyaꞌi hina riwei da tauna aiyaꞌi.
Yesu ana hiraghe ma ana vomahiri i dedei
(Mat 16:21-23; Luk 9:21)
31Ma Yesu ana tauvotaghotagho vinuwaterenehi ivi kareni ipa, “Rava Natuna inavi nuwaꞌapoapoe kauwa ma Jew babadahi, piripirisi ghehauhi ma raugagayo tauvi haraharamanahi, hina pari-virevirei tauna ina hiraghe ma madegha tonugha au murina inavo mahiri me.” 32Yesu didimaninei weꞌi kauwahi ivi heghehi ma yamna aubaina Peter tauna i taravainariyeai ma i pari-virevirei. 33Wate Yesu i maetavirei ma ana tauvotaghotagho i inanai ma Peter i pari-ghahiyei, ipa, “Satan manae au muriꞌu! Tam am nota egha Godei ita neneꞌi, eꞌegha da raveꞌi”
Yesu votaghotaghona
(Mat 16:24-28; Luk 9:23-27)
34Yesu tauna patara ma ana tauvotaghotagho i ghorehi ma i riwehi, “Mepa da aiyaꞌi itavi muritaghoiu, tauna ina boviyana meyei, ana korosi ina avarai ma inavo taghotaghoꞌu.#8:34 Weꞌi yamna awanaina. Anona yamna Yesu ana Tauvotaghotagho yamna rauiviꞌapoapoe inavi aroni aubaina tauhi, tauna hevo taghotaghoi. Tauna egha ita ririwa da ana tauvotaghotagho au korosi hina hiraghe me tauna. 35Aiyaꞌi ravana ana yawahana evo vodidini ma e paꞌipaꞌini apo ina vineboai ma aiyaꞌi da ana yawahana e amverenei taꞌu ma tuyeghaꞌu ahiꞌahina aubaina, tauna ana yawahana ina vaina meyei. 36Mepa da wei dobuna ana yawahana ma ana viguyau ina vainapahi ma yawahana Godei ina geduaiyei, wei dobuna viguyauna tauna me ina hagunei? 37Wate aiwaꞌiyei am yawahana ma gimara meyei. 38Mepa da aiyaꞌi taꞌu ma au viharaharamana inavi hinimayei weꞌi ghohaꞌapoapoehi kauwana au marana, Rava Natuna tauna inavi hinimayei maranaina ana aneya vivivireina maitehi, amana ana borumei hina nenememei.”
Iliyochaguliwa sasa
Mark 8: WEDT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© (Active), Wycliffe Bible Translators, Inc. All rights reserved
