Mateo 1
1
Na Nginkanà An Jesus Cristu
Luc. 3:23-38
1Annayan mansùsùnufan na nginkanà an Jesu Cristu wi kanà David wi kanà ako Abraham.
2-6aNanipud an Abraham ingkanan Ali David, anchanayan lunap wi nansùnusùnub: Abraham, Isaac, Jacob, Juda wi mansusunud, cha Fares an Zara wi Tamar na inacha, Esrom wi Fares na amana, Aram, Aminadab, Naason, Salmon, Boaz wi Rahab na inana, Obed wi Ruth na inana, Jesse ya Ali David.
6b-11Ad nanipud an David ingkana ta timpuy nilayawan chachi kanà Israel wi naiyoy ad Babilonia, anchanayan lunap wi nansùnusùnub: David, Solomon (wi na inana, chi asawan Urias), Roboam, Abias, Asa, Josafat, Joram, Ozias, Joatam, Acaz, Ezekias, Manases, Amon, Josias ya Jeconias wi mansusunud.
12-16Ad nanipud ta sachi naiyayanchad Babilonia ingkana ta niyanaan Jesus, anchanayan lunap wi nansùnusùnub: Jeconias, Salatiel, Zorobabel, Abiud, Eliakim, Azor, Sadoc, Akim, Eliud, Eleazar, Matan, Jacob, ya Jose wi asawan Maria wi nan-inan Jesus. À Jesus, siyan Cristu wi impustan Apudyus wi ipaalina ad asnay lutà manturay.
17Siyan nanipud an Abraham ingkanan David, nasawaran à opat wi umapu. Ad nanipud an David ingkana ta naiyayan chachi kanà Israel ad Babilonia, nasawaran akò opat wi umapu. Ad nanipud ta sachi timpu ingkana ta niyanaan Cristu wi impustan Apudyus wi umali, nasawaran akò opat wi umapu.
Na Niyanaan Jesu Cristu
Luc. 2:1-7
18Amasnan nànàwa wi mipangkop ta niyanaan Jesu Cristu. À Maria wi inana, nampagtachan Jose. Ngim na chaancha pù mantipunan, inakammun Maria wi nafukì siya mipakapu ta mannakafalin na Ispiritun Apudyus. 19Ngim à Jose wi pagtana, mamfaru ya lawingonay mafainan à Maria, pionay mansinacha à maid osà mangakammu. 20Ustuy mammomammò à Jose nu sinun in-inona, nampailan osay anghel Apudyus an siya ta nan-in-inpana ad anana, “Siay Jose wi kanà David, achia mafain wi mangasawan Maria, tan na nafukiyana, Ispiritun Apudyus na nangwa. 21Iyanànan larai ad ngachananyù Jesus tan siyan manaraknib an chiayuy asintatakuna ta machusaanyu kapu ta fasuryu.”
22Nàwan anchanayà tumuttuwaan na impaifakan Apudyus ta profeta ta awi, wi anana, 23“Mafukin osay fafarasang wi foon pù nasagsakid, ad iyanànan larai wi maawakan à Emmanuel” (Na miningna, “Annà Apudyus an chitau ta sana”).
24Ad fummangon pù Jose, tinungparnan imfakan na anghel an siya, ad inasawanà Maria. 25Ngim achicha pu nantipun ingkanà ummanà. Ad na ummanaana, nginachanan Jose na anà à Jesus.
Iliyochaguliwa sasa
Mateo 1: ksc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 1986, Wycliffe Bible Translators, Inc. All rights reserved.
