JAŊ TAKKIRA
TAKKIRA
Ɓiiriɗ ni Jaŋ. Li ka ni duk ɦoŋ basara 85 u 90. Sok boyna, Kristu ni Lona.
Sa ma ɓii Boy ma Ayra ma fiɗina ni Jaŋ ma goŋ Zebedena, nammi duk suu vovoɗta suu doogo yam mbana. U wayamma Jak u Piyer, Bu Suuna manam a takam tlesuu ŋgayna ki zeɗ, ko mayra ta Yesu jok ki zeɗ u buu ma hahaw ma buu bay senna hu Getsemanena. Bu Suuna hu li ma nam ɓali kolona hin sum ka ni ko Jaŋ. Nam li sunda tew tew ni eg tam u Piyer ko tak ki hu sunda vi suu vovoɗtara na. Nammi duk suu ŋgolo suu hindi suu ay suu vi Kristuna jewra na, Paul di boy namma na (Gal. 2.9). Jaŋ ɓii magaari suu daŋŋa hindi u Wira Ŋgayra may.
Dlara Jaŋ ɓii Boy ma Ayra kaɗta ni ana, «Agi tin hurugi kam wa ni, agi hin fi iirira umu.» (Jaŋ 20.31). Kay ndaɗta nam tak ana Kristu ni Goŋ Lonna, (Jaŋ 1.34, 49), ma col ay ko Lonna (Jaŋ 3.2; 6.46), ma di boy ma Lona takamma (Jaŋ 3.34; 7.16-17). Jaŋ min tak ana Yesu ni Lona, kay ndaɗta nam Jaŋ tin boy ma «tin huuna», u «iirira», sem ŋgolo. Nam tin sem Yesu ana «Goona» u «Goŋ Lonna» sem bolow lay, su Boy ma Ayra ma hiŋŋa. «Gasi», «gasira», «minda», «dikira», u «duliyara», ni tlesuu Jaŋ njaɗasi tew tewna. Nam dew ni sa ma di boy ma Yesu di kay tam ana, «An ni», (Jaŋ 6.35; 8.12; 10.7, 11; 11.25; 14.6; 15.1) gol Kalkira (Exode) 3.14; 34.6; Jaŋ 20.28. Jaŋ dew ni sa ma di boy ma vi Kristu ma ana, «Ni gasira», sem dok mba yam vadl, (Jaŋ 1.51, 5.19, 24, 25). Nam dew ni sa ma njaɗ kay suu gonokka vi vunusi a ci Kristu kina (Jaŋ 7—12).
Magaara ndak a ɓorow ko wanni na
1. Boy ma didinna mbuɗ ki sana hu Goŋ Lonna. 1.1-14
2. Jaŋ ma mbus batemma maŋ suuna diki kay Goŋ Lonna. 1.15-34
3. Goŋ Lonna tak saɓak mamma ki hu sunda duk suuna 1.35—12.50
4. Goŋ Lonna tak suu mamma ki hu sun mamba 13—17
5. Ɓivunna vi Goŋ Lonna 18—19
6. Goŋ Lonna tak tam ki dagan paɗ mamba kolo iirira 20
7. Goŋ Lonna ma paɗ ki kolo iirina ni malaŋ iirira u sunda 21
Iliyochaguliwa sasa
JAŊ TAKKIRA: BMS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Moussey © Bible Society of Chad, 2002.