Mistari Maarufu ya Biblia kutoka Yohanes 4

Shirikisha

Sàbaꞌ Puang dea‑mo Pinanaha, pang tau ung mampinombai‑I parallu mampinombai nai pinanahanna pang katongangang.”

Hampoꞌ bùruꞌa‑mo ti tempona, mala tempona‑mo, tau mampinombaia Ama: nai pinanahanna pang katongangang, sàbaꞌ Ama: ìnang mangokaꞌ ung si mampinombai‑I mène: to. Pang mène:‑mo to ti kapinombaang ung tongang.

Hampoꞌ tau ung mangenung uhai ung Ku hengiing, hang mangkaharai:‑da hura: deaꞌ tùrungna. Sangadinna, uhai ung Ku hengiing to, miluhalia mata uhai i laling kalaena, ung sumbuku, ung manghengi‑ing katuhoang ung màle deaꞌ tùrungna.”

Na sùmuinna‑mi Yesu teꞌ, “Àla: u ìsang‑i ti piheanna Puang pang isai‑I ti ung mampampalaui‑ko menung, matantu dio ti ung mampampalaui‑I, pang u Na panghengiing uhai ung mi patuho:.”

Musuana‑mi ti Yesu teꞌ, “KinanneKu dea‑mo mampukauꞌ pampuinahanNa ung mampantuyu‑Kaꞌ, pang mampaladu kamaꞌangNa ung Na patongang‑mingNaꞌ.

Musuana‑mi ti bahine to teꞌ, “Hari: pitimmanta Tuang, pang bubung tee kaladung. Jadiꞌ, iaka Ta korai:‑i ti uhai ung mi patuho: to?

Na konaina‑mi bahine to teꞌ, “Ku ìsang moa teꞌ Mesias, ung nikonai: ho Datu: Pipasalamaꞌ, bùruꞌa. I bùruꞌ‑Mi, mampupiìsànga nasang angkanna mao i kìta:.” Na sùmuinna‑mi Yesu teꞌ, “Koi:‑mo ti to, te ung tarrang massilàha:‑ingko.”

“Hàmo: se manghele besa Tau ung mangìsang nasang aka ung ku pukauꞌ‑mo. Dea‑mo naꞌ to ti Datu: Pipasalamaꞌ?”