Mistari Maarufu ya Biblia kutoka मत्ती 4

Shirikisha

तब यीसु ओही जबाब दिहिन, “पबित्र सास्त्र माहीं लिखा हय: ‘मनई केबल रोटिन भर से जिन्दा न रही, बलकिन परमातिमा के मुँहे से निकरँइ बाले हरेक बचन से जिअत रही।”

तब यीसु ओसे कहिन, “हे सइतान हमसे दूरी होइजा, काहेकि पबित्र सास्त्र माहीं लिखा हय, कि ‘तूँ अपने प्रभू परमातिमा के गोड़न गिरा, अउर केबल उनहिन के अराधना करा’।”

तब यीसु ओही जबाब दिहिन, कि “पबित्र सास्त्र माहीं इहव लिखा हय, कि: ‘तूँ अपने प्रभू परमातिमा के परिच्छा न किहा’।”

यीसु के बपतिस्मा के बाद पबित्र आत्मा उनहीं सुनसान जघा माहीं लइगा, जउने सइतान से उनखर परिच्छा होय। अउर यीसु, चालिस दिन अउर चालिस रात बिना खाए पिए रहे हँय, तब उनहीं भूँख लाग।

अउर यीसु उनसे कहिन, “हमरे पीछे चले आबा, त हम तोंहईं मनइन काहीं परमातिमा के लघे लइ आमँइ बाला बनाउब।” तब ऊँ पंचे तुरन्तय जालन क छोंड़िके यीसु के पीछे चल दिहिन।

उहय समय से यीसु इआ प्रचार करब सुरू कइ दिहिन, कि “पाप करब छोंड़िके परमातिमा के लघे आबा, काहेकि स्वरग के राज लघेन आइगा हय।”