Mistari Maarufu ya Biblia kutoka Jọnụ 15

Shirikisha

“Mmẹ wụ vaịnị, ụnụ nwẹn wụsọnmẹ agalaba rịn'a; onyẹ hụn rị imẹ m, mmẹ nwẹn hụ imẹ ẹ, ya sikọ d'a mị mkpụrụ ọda-ọda, makẹni, ụnụ gha imẹ m pụ, ụnụ asakọ ẹka mẹ ihiẹn ọwụlẹ.

Nọdịsọnmẹ ni nwan imẹ m, mmẹ nwẹn a nọdịsọnmẹ imẹ ụnụ. K'o dọn wụrụ nị agalaba vaịnị nọdị nke ẹ ara saẹka mị mkpụrụ, mmanị ọ rị vaịnị hụ, ẹrịra k'o dọn wụrụ nị ụnụ asaẹka mị mkpụrụ mmanị ụnụ rị imẹ m.

Omẹni ụnụ a nọdị imẹ m, nị oku m hụ imẹ ụnụ, rịọ nị ihiẹn ọwụlẹ ụnụ chọ; Osolobuẹ jẹnkọ d'e mẹni ụnụ ya.

“Ẹlẹ ụnụ họrị m; kaka, mmẹ họrị ụnụ, tumẹ ụnụ kẹni ụnụ d'a mị mkpụrụ — mkpụrụ hụn sikọ d'a rịsọnmẹni, kẹni Chuku-Nẹdi ye ụnụ ihiẹn ọwụlẹ ụnụ gi ẹfan m rịọ.

Onwọnni onyẹ nwọn ihiẹn-ọsụsụọ ka ọnwan: nị ịhịan gi ufiri ndị ọwụ a we ndụn a ye.

Agalaba m ọwụlẹ mịlẹni mkpụrụ, o bepụ a; kanị agalaba hụn mị mkpụrụ, o befọn ẹ, kẹni ọ mịkẹnmẹ.

“Ọnwan wụ iwu m: ihiẹn ibe ụnụ y'a sụọ ụnụ kẹ ihiẹn ụnụ dọn sụọ m.

Ụnụ mị mkpụrụ ọda-ọda, o k'a ghọsị nị ụnụ wụ ndị nsọnmazụụn m: ọhụn jẹnkọ d'e wẹhẹni Nẹdi m ọghọ.

“Mmẹ wụ ezigbo vaịnị; Nẹdi m wụ hụn e lepụ a ẹnya.

Onyẹ nọdịlẹni imẹ m, e tuhu w'ẹ, nọkẹ ebe wẹ nọ bepụ agalaba, ọ kpọpụ nkụn; w'e kpọngbama agalaba ndị nọ ẹrịra, e kpọnye ọkụn, a dụnpụ.

A gwatọgụọ m ụnụ ihiẹn ndịnị, kẹni ụnụ nwọn ịghọghọ m lẹni ụnụ nwọn ịghọghọ nwọnzu ẹ.

Omẹni ụnụ e mẹsọnmẹghọ ihiẹn m ku, ụnụ sikọ d'a wụsọnmẹ ndị ihiẹn wẹ a sụọ m — nọkẹ kẹ m dọn e mẹ ihiẹn Nẹdi m ku, e gi ẹ a wụsọnmẹ onyẹ ihiẹn ẹ a sụọ Nẹdi m.

M rị e ye ụnụ iwuni: ihiẹn ibe ụnụ y'a sụọ ụnụ.

Omẹni ụnụ te wụ nke ụwa, nkẹ ihiẹn ụnụ hụ a sụọ ụwa kẹ nke ẹ. Kanị, ebe o mẹ ni ụnụ ẹlẹ nke ụwa makẹni a họpụgụọ m ụnụ imẹ ụwa, ya haịn ize ụnụ gi e ze ụwa.