Mistari Maarufu ya Biblia kutoka Matiu 5

Shirikisha

Basoe ṉalu iva kamua pazi, ia tiniki taru zaqe kaega polana vesu, do tina taru va zakazaka zaqe, go i mazala tatavata lupo ne qira ria iri koe loborona pade ne. Gerena napu so, tatavata ireqe de qo koe aro mara tatavata ne qira basoero, go ṉalu tarina mia vatovato velaka raro, tarina vazaka Tamaqamu ikoego rani ne.”

Ramu qamu gere tatavata de iri koe basoero na kolabana pua ne. Komala ikoe kubolo tina mazala bana so basoe mia na.

Kula ria basoero i velaka go nanaoqira, tarinara mia God taramuzina.

Kula basoero iri lene go zazu ne na pataro i soko go Batu ne. Tanego God tinara teke ne qira pataro iri soko go zazu ne na.

Do ma sine ne qamu, muna mamaligara ne qira ria iri kana ne qamu, mana pene ne qira ria iri va sasakata ne qamu go.

“Kula vano iri situ go, tanego iri soko vatovato velaka ia Batu ne. Vari miasoka ia Batu ne i koe to de iri koego.

Kula ria basoero iri zazu ne go vari va bule, tarinara koru qirae salero ia God.

Kula ria basoero iri nanao maqata, God tinara va kula qira.

Kula ria basoero iri vasasakata ne qira, tanego iri lulua zuka totoloṉo i soko go God, vari miasoka ia God i koe de iri koe go.

Kula ria basoero iri manava ne qira ria kero ne basoero, God tinara manava ne qira taramuzina.

Kula ria basoero iri seko sakata qira, iri vasasakata qira mana iri poqe ne qira, tanego iri luluava era. Kula tanego voliqamu tinara lete lavate tepa rani ne. Ia to dena de iri vane go va sasakata iri vae ne qira go propeta ro iri ko bana me ṉalu bana ne.”

Kula ria basoero iri va qoqore tanuqira, tarinara pala pata velaka ro i pui bana nego God.

Jesu igo napu dena, “Ramu qamu keno na pua ne. Do ṉalu keno ki gagaemana gere kaega keno, ki ara velaka napu kaega, ki tora kaega nara vazazu napua go, iago i tora na vanaqe pua ne mana kube vana ne go.

Iago muna lete va velaka sivale loborona zazu ramu dekoe Batu ne, gerena God i lete velaka sivala, i mamaligara ne qamu go.”

pata mo sine ‘O’ ba ‘kaega’ ṉalu qo sine napua kaki pata kakavata, ianae i reqe me dekoe manuru sakata.”

Jesu igo napu dena, “Qamu gata bana seko Tamana ia Mosese igo, ‘Ṉalu qaburu pera kaki basoe gonae i vae vasakate matamu go go ne, ono vae vasakata napua matana. Ṉalu iva sakate ia saqemu ono vae vasakata napua saqena.’ Do ma sine ne qamu seko dena, oniki biru ne kaki seko basoe iva sasakata ni go. Ṉalu basoe i lakape papara mataumu teke napu ne kene papara.

Ṉalu mata i koe tepa mataumu iva soru zigoe vasakata pata, lobiki vakuziki ne mana vanaqe go. Tanego ṉalu qova kuzikine kaki dia tokamamu iki lete sivala ne kaega vokara na ṉalu i osigo osina tokamamu gonae zae nako ne go. Mana ṉalu karisi mataumu iva soru zigoe vasakata pata koboro vakuziki ne mana vanaqe go. Tanego ṉalu qova kuziki ne kaki dia tokamamu, iki lete sivala ne kaega vokara ṉa ṉalu i osigo osina tokamamu gonae zae nako ne.”