Mistari Maarufu ya Biblia kutoka MATIUS 9

Shirikisha

Dangga hang, en eic gainyenara hom debin gin dou men logodeh deit, endagai: Tramdad einyana ohoserohob. Doba lusud gedig len lemouji meij deb gini, kaba, lemeinyanerodaha. Dangga hang, yen yemocuncum dou sud hom gedag mougt mera naugb meij gini. Dauntoba en ens lusud leinyana ingma dara naugb len leic men meij gini laihiro deb naugb eni.

Dangga leng leigdoumesa lenin meroho dag len laimo areg asesa Allah enin medoc mesohob, kaba, dan demeija len naugb len lesga meren sesar dou Allah enero. Doba dan deija leng lebesesar naugb len lesga meren sesar moho asesa dou Allah. Doba yen, kaba, eigouhw naugb yen yecic dau areg Allah en og deb se Surad Injil Meb deb sug nosohob. Dauntoba yen yecinaga meijouhw augwan asesahabi. Anai en enara dag ginohob, endagai: Dan demouwan naugb yen yemeic aremeta naugb yemauwaharo dou dan deitero. Doba dan douwan naugb yen meigdoc erij an len gus dous.

Dara en medoc eineg an len toua. Anai en eiya len laugwan, doba len merdoc ougbdibed, dara len merug arjaga aninim dag domba gedig gembala emesedougwo len deitero.

Doba sug Yesus en ouman dau len merir an dangga, kaba, en enara auni len merir ucugb dou len, endagai: Leng gedig loudesa len leigouhw namcir, kaba, len lemehilon leng los merinuhwero. Doba leng areber dous eng lehilon len.

Sug Yesus eic geigouhw dou sud hom gragohob, kaba, en ec mohora se cinogo medam, dara cinogo mogurerei augwan toua, naugb en esai Allah Mer Geigouhw dau sug en ouwan oiharaga lusud ucugb se leng Yahudi meren tuari. Dara en edidib meijouhw dau augwan gin dou len toua. Hanoba en eic geigouhw dou leng areber. Dara en eic geigouhw dou leng meraga omomtom len laugwan toua.