Mistari Maarufu ya Biblia kutoka MATIUS 9

Shirikisha

Edempara Ruma Isa nggahina d̄i anamorid̄oho-Na, ”D̄i pako namboto, pala dou mapako sato'impa. B̄ara ndedena rahopu d̄i dou mantau nggaro ede loakud̄u nggaduna dou d̄imapakona.”

Tana'o kab̄aepu auku aona eli ayat Alkitab ake: ’Nahu ne'eku kasikai ade, ro laina koroba binata’. B̄ara Nahu maiku laina d̄ima'ou dou ma wi'i wekina wa'ura taho ra ncihi, malaisi dou rawi'ikai awa ra tuna.”

Wakatu Ruma Isa edana dou mamboto ede, Sia kasi adena d̄i siad̄oho, b̄ara doud̄oho ede madarura ade ro wati loana au-au, b̄unesi jimba ma wati wara dou ma'ompukaina.

Ringa b̄a Ruma Isa rasod̄i b̄a siad̄oho edempara cambe-Na, ”Dou ma wati supu wati paraluna dokte, dou ma supumpa.

Nded̄eku Ruma Isa lu'u losana tampu'u d̄i sab̄ua kota lao d̄i kota ma kalai ro tampu'u d̄i sab̄ua kampo lao d̄i kampo ma kalai. Sia nangoa ra teiku d̄i uma-uma sambeakai, ro nakahabaku Haba Mataho mab̄oha Karaja'an Saroga. Sia katahona dou-dou ma ncoki ra susa b̄ara mboto pahu supuna ro ma'iha sarumbuna.