Mistari Maarufu ya Biblia kutoka مزگینیا مەتتای 5

Shirikisha

هەروەسا كەس چرایەكی هەلناكەت و ل بن ئامانەكی بنخێڤیت، لێ ددانیتە سەر چرادانكێ، دا رۆناهیێ بدەتە هەمی كەسێن د مالێ ڤە. بلا ب ڤی رەنگی رۆناهیا هەوە بەرامبەری خەلكی شەوقێ بدەت، دا كارێن چاك یێن هەوە ببینن و بابێ هەوە یێ ل ئەسمانان مەزن بكەن.

هوین رۆناهیا جیهانێنە. ئەو باژێڕێ ل سەر چیای بیت ناهێتە ڤەشارتن،

خوزیكێن دلپاقژان، چنكو ئەو دێ خودێ بینن.

خوزیكێن برسی و تێهنیێن راستداریێ، چنكو ئەو دێ هێنە تێركرن.

لێ ئەز دبێژمە هەوە: حەز ژ دوژمنێن خۆ بكەن و نڤێژان بكەن بۆ ئەوێن هەوە تەپەسەر دكەن،

«خوزیكێن وان یێن ب گیانی د هەژار، چنكو پاشایەتیا ئەسمانان یا وانە.

خوزیكێن ئاشتیخوازان، چنكو دێ بێژنە وان كوڕێن خودێ.

خوزیكێن خەمباران، چنكو دێ هێنە دلشادكرن.

خوزیكێن وان یێن ژ بەر راستداریێ تەپەسەر دبن، چنكو پاشایەتیا ئەسمانان یا وانە.

خوزیكێن دلۆڤانان، چنكو دێ دلۆڤانی پێ هێتە برن.

خوزیكێن هەوە، دەمێ ژ بەر من هەوە فهێت دكەن و تەپەسەر دكەن و ژ درەو ڤە هەمی جۆرێن پەیڤێن خراب دژی هەوە دبێژن. دلخۆش و دلشاد ببن! ژ بەر كو خەلاتێ هەوە ل ئەسمانان یێ مەزنە، چنكو وان بەری هەوە پێغەمبەر ژی هۆسا تەپەسەر دكرن.

خوزیكێن دەروونبچویكان، چنكو ئەو دێ بنە میراتگرێن ئەردی.

هوین خوێیا ئەردینە. لێ ئەگەر خوێ سویراتیا خۆ بەردا، دێ جارەكا دی ب چ هێتە سویركرن؟ ئێدی ب كێر چ ناهێت ژبلی كو بۆ ژ دەرڤە بهێتە هاڤێتن و مرۆڤ پێ لێ دانن.

ئەڤجا د بێكێماسی بن هەروەكو بابێ هەوە یێ ئەسمانی یێ بێكێماسیە.

بلا ‹بەلێ› یا هەوە ‹بەلێ› بیت و ‹نە› یا هەوە ‹نە› بیت و ژ ڤێ پێڤەتر، ژ خرابیێیە.

هەوە یا بهیستی، كو یا گۆتی: ‹چاڤ ب چاڤیە و ددان ب ددانی.› لێ ئەز دبێژمە هەوە: بەرهنگاریا كەسەكێ خراب نەكەن. لێ ئەوێ شەقەك ل رویێ تە یێ راستێ دا، رویێ خۆ یێ دی ژی بدە بەر.

ئەگەر چاڤێ تە یێ راستێ ببیتە ئەگەرێ هەلنگفتنا تە، بینە دەرێ و بهاڤێژە. بۆ تە چێترە ئێك ژ ئەندامێن لەشێ تە ژ ناڤ بچیت، نەكو هەمی لەشێ تە بۆ دۆزەخێ بهێتە هاڤێتن. ئەگەر دەستێ تە یێ راستێ ببیتە ئەگەرێ هەلنگفتنا تە، ببڕە و بهاڤێژە. بۆ تە چێترە ئێك ژ ئەندامێن لەشێ تە ژ ناڤ بچیت، نەكو هەمی لەشێ تە بچیتە د دۆزەخێ دا.