Mistari Maarufu ya Biblia kutoka Zaburi 103

Shirikisha

Ee nafsi yangu, umhimidi BWANA, Wala usizisahau fadhili zake zote.

Akusamehe maovu yako yote, Akuponya magonjwa yako yote, Aukomboa uhai wako kutoka kwa kaburi, Akutia taji la fadhili na rehema, Aushibisha mema uzee wako, Ujana wako ukarejezwa kama tai

Ee nafsi yangu, umhimidi BWANA. Naam, vyote vilivyo ndani yangu Vilihimidi jina lake takatifu.

Kama vile baba awahurumiavyo watoto wake, Ndivyo BWANA anavyowahurumia wamchao.

Kama mashariki ilivyo mbali na magharibi, Ndivyo alivyoweka dhambi zetu mbali nasi.

BWANA amejaa huruma na neema, Haoni hasira upesi, ni mwingi wa fadhili.

Hakututenda kulingana na hatia zetu, Wala hakutulipa kwa kadiri ya maovu yetu. Maana, kama mbingu zilivyoinuka juu ya nchi, Ndivyo fadhili zake zilivyo kuu kwa wamchao.

BWANA ameweka kiti chake cha enzi mbinguni, Na ufalme wake unavitawala vitu vyote.