Mistari Maarufu ya Biblia kutoka Mithali 19

Shirikisha

Mna hila nyingi moyoni mwa mtu; Lakini shauri la BWANA ndilo litakalosimama.

Amhurumiaye maskini humkopesha BWANA; Naye atamlipa kwa tendo lake jema.

Busara ya mtu huiahirisha hasira yake; Nayo ni fahari yake kusamehe makosa.

Sikiliza mashauri, ukapokee mafundisho, Upate kuwa na hekima siku zako za mwisho.

Kumcha BWANA huelekea uhai; Atakaa ameshiba; hatajiliwa na ubaya.

Apataye hekima hujipenda nafsi yake; Ashikaye ufahamu atapata mema.

Mrudi mwanao, kwa maana liko tumaini; Wala usiikaze nafsi yako kwa kuangamia kwake.

Shahidi wa uongo hakosi ataadhibiwa; Naye asemaye uongo ataangamia.