Mistari Maarufu ya Biblia kutoka Zaburi 103

Shirikisha

Ee nafsi yangu, umhimidi BWANA, wala usisahau wema wake wote

akusamehe dhambi zako zote, akuponya magonjwa yako yote, aukomboa uhai wako na kaburi, akuvika taji ya upendo na huruma, atosheleza mahitaji yako kwa vitu vyema, ili ujana wako uhuishwe kama wa tai.

Ee nafsi yangu, umhimidi BWANA. Vyote vilivyomo ndani yangu vilihimidi jina lake takatifu.

Kama baba alivyo na huruma kwa watoto wake, ndivyo BWANA anavyowahurumia wale wanaomcha

kama mashariki ilivyo mbali na magharibi, ndivyo Mungu alivyoziweka dhambi zetu mbali nasi.

BWANA ni mwingi wa huruma na mwenye neema; si mwepesi wa hasira, bali amejaa upendo.

yeye hatutendei kulingana na dhambi zetu wala hatupatilizi kwa kadiri ya maovu yetu. Kama vile mbingu zilivyo juu ya dunia sana, ndivyo wema wake ulivyo mwingi kwa wanaomcha

BWANA ameweka imara kiti chake cha enzi mbinguni, ufalme wake unatawala juu ya vyote.