Mistari Maarufu ya Biblia kutoka 1 Nyakati 16

Shirikisha

Mtafuteni Mwenyezi Mungu na nguvu zake; utafuteni uso wake siku zote.

Mshukuruni Mwenyezi Mungu kwa kuwa ni mwema; fadhili zake zadumu milele.

Mshukuruni Mwenyezi Mungu, liitieni jina lake; wajulisheni mataifa yale aliyoyatenda.

Lishangilieni jina lake takatifu; mioyo ya wale wanaomtafuta Mwenyezi Mungu na ifurahi.

Kumbuka matendo ya ajabu aliyoyafanya, miujiza yake na hukumu alizozitamka

Mwimbieni yeye, mwimbieni yeye sifa; waambieni matendo yake yote ya ajabu.

Kwa kuwa Mwenyezi Mungu ni mkuu, mwenye kustahili kusifiwa kuliko wote; yeye ni wa kuogopwa kuliko miungu yote.

mpeni Mwenyezi Mungu utukufu unaostahili jina lake. Leteni sadaka na mje katika nyua zake. Mwabuduni Mwenyezi Mungu katika uzuri wa utakatifu wake.

Fahari na enzi viko mbele yake; nguvu na utukufu vimo patakatifu pake.

Mwimbieni Mwenyezi Mungu dunia yote; tangazeni wokovu wake siku baada ya siku.

Tangazeni utukufu wake katika mataifa, matendo yake ya ajabu miongoni mwa mataifa yote.

“Msiwaguse niliowapaka mafuta; msiwadhuru manabii wangu.”

Kwa maana miungu yote ya mataifa ni sanamu, lakini Mwenyezi Mungu aliziumba mbingu.

Hulikumbuka agano lake milele, neno ambalo aliamuru, kwa vizazi elfu

Mbingu na zishangilie, nchi na ifurahi; semeni katika mataifa, “Mwenyezi Mungu anatawala!”

Atukuzwe Mwenyezi Mungu, Mungu wa Israeli, tangu milele na hata milele. Nao watu wote wakasema, “Amen,” na “Msifuni Mwenyezi Mungu.”

Mpeni Mwenyezi Mungu, enyi jamaa za mataifa, mpeni Mwenyezi Mungu utukufu na nguvu