Tavaꞌu 10
10
Noa ta Xasoxasou Ilo'a ta 'Ilu'ilusunu Ualaualasi'a
1Xe ili'i no anu la'iua toxoxa'a ne, la anu Noa ta 'olu ne mipalaa la mixalixa'a ta 'ili'ili'a. Nanasi'a mulai aloxo 'o. 2Iapeti mupalaa, la muxalixa'a ta 'olu ta mulu la ualaualasi'a aloxo 'o, Xomeli, Maxoxu, Matai, Iavani, Tuvalu, Meseki mo Tilasi. 3Xomeli ta 'olu mo ta xasoxasou mo ta 'ilu'ilusunu ane mixalixa'a ta tema tuala ne Asikena, mo ne Lipata mo ne Toxama. 4Xe Iavani noxou ane mixalixa'a ta tema tuala ne Elisa mo ne Tasisi, ne Saipasi xe ne Lotan. 5Ane'i ta mitema ane ne, ta xasixasi'a ta mitema ane mixolu mimauli no la'ola'olu xe no luaki pa'umolu. Ane'i ta mitema ane ne, ane'i Iapeti ta xasoxasou mo ta 'ilu'ilusunu. Ane'i mikalikaline'i no anu matamata noxi'a sou milai mixolu no tuatualasi'a vilevilesi. Mo ivivikala no anu vaivaikalai'a vilevilesi.
6Xe Amu mupalaa, la ta 'olu ualaualasi'a ano 'o, Kusu, Aixiputo, Livia xe Kanani. 7Kusu mupalaane'i ta 'olu ta mulu, la ta 'olu mixalixa'a ta mitema sou tuala ne Siva, ne Avila, ne Savata, ne Lama xe ne Savateka. Lama mupalaane'i ta 'olu, la ta 'olu mixalixa'a ta mitema sou tuala ne Seva xe ne Tetan. 8Kusu mupalaa 'olu vile la mumoxo'u ualasou lexe Nimuloti. Nimuloti muxali tei loxo anu itema sou xavi manina no lia no xalexalee tuatuala. 9No anu xavi mo su'uli noxou IAUE, anu muxali loxo itema sou paipaa. Anu aloxo ne la sou ane ta mitema ivikala lexe, “IAUE molu ualusine mo sou naxali namitema sou paipaa loxo Nimuloti.” 10Anu musaxila'u tuala tami'a tei, Vaviloni, Eliki, Akati xe Kalune. Anu tuala tami'a mixolu no nano no tuala tila ne Vaviloni. 11Mulutu lai ne la sou mulai ne Asiria sou mu'ilii tuala tila ne Ninive, xe ne Leovotia ne Kala xe 12ne Leseni. Leseni ne mixoo no nixi ne Ninive xe tuala tila ne Kala.
13Aixiputo ta 'olu, mo ta xasoxasou mo ta 'ilusulusu mixalixa'a ta mitema ane ta tema tuala sou tuala ne Litia mo ne Anama, ne Leavu mo ne Naputu. 14Ne Patulusi, ne Kasulu xe ne Kilite. Ta mitema ne Pilisutain ne, ta 'ilusulusune'i mitulu ane ne Kilite.
15Kanani ta 'olu ualaualasi'a aloxo 'o, Saidoni laposalaxu xe Keti. 16Kanani ta 'ilu'ilusunu ane mixalixa'a ta mitema sou tuala ne Ievusi, ne Amolu, ne Xilixasi, 17ne Ivi, ne Alikete, ne Sini, 18ne Aluvati, ne Semari xe ne Amati. Ta Kanani mixali tavu'alo la mikalikalipala'a sou milai mixolu no xalexalee tuatuala tavu'alo. 19Pilixaxa'a musokou ane ne Saidoni la sou mulai mutalo ane ne Xasa no xalee ne Xelalu. Xe no xalee mulai loxo aso uxali utelo no anu mulai mutalo ne Sodomu, xe ne Xomola, ne Atama xe ne Sevoimu ulai ne Lasa. 20Ane'i ane ne, ane'i mixali noxou itema vilesisi ane, Amu. Ane'i mikalikaline'i no anu matamata noxi'a sou milai mixolu no tuatualasi'a vilevilesi mo ivivikala no anu vaivaikalai'a vilevilesi.
21Semu, anu Iapeti vimou tila, anu muxalixa'a Eve ta 'olu ilo'a ta xasoxasou mo ta 'ilusulusunu. 22Semu ta 'olu ane, Elamu, Asulu, Apasata, Litia xe Alamu. 23Alamu ta 'olu mixalixa'a ta mitema sou tuala ne Usu, ne Ulu, ne Xelete mo ne Meseki. 24Apasata 'olu ane Sela. Xe Sela 'olu ane Eve. 25Xe Eve mupalaa la sou muxalixa'a ta 'olu tamei, vile ualasou lexe Pelexi, xo no anu imamanu ane ne la ta mitema no xalexalee tuautala 'o mikalipala'a, xe 'olu vile ualasou lexe Iokutani. 26Iokutani ta 'olu mixalixa'a ta mitema sou tuala ane, ne Alamota, ne Selepi, ne Asamaveti, ne Iela, 27ne Atolamu, ne Usala, ne Tikala, 28ne Ovala, ne Avimaele, ne Seva, 29ne Opili, ne Avila xe ne Iovavu. Ta mitema no tuatuala ane ne, mixali noxou itema vilesisi ane, Iokutani. 30Lia xalee ane ane'i mixolu no anu ne, molu ane ne Mesa la mulai mutalo ane ne Sepa no laxalaxa'ilu no xalee mulai loxo aso utelo no anu. 31Ane'i ta mitema ane ne, mipaa noxou itema vilesisi ane Semu. Ane'i mikalikaline'i no anu matamata noxi'a sou mixolu no tuatualasi'a vilevilesi mo mivivikala no anu vaivaikalai'a vilevilesi.
32Ane'i ta mitema ane ane'i ta matamata noxi'a Noa ta 'olu tatalu ne. Xe ili'i no anu la'iua toxotoxoxa'a, la Noa ta 'olu mixalixa'a ta mitema no xalexalee tuatuala ukalusi. Ane'i ta mitema ane ne, ane'i ta matamata noxi'a manina.
Nu markerat:
Tavaꞌu 10: ataNTpo
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© 2013, Wycliffe Bible Translators, Inc. All rights reserved.