Marcos 2
2
Suchuta Jesús sanoyachisqanmanta
(Mt 9.1-8. Lc 5.17-26)
1Punchawkuna pasaruptinmi, Capernaúm llaqtaman huktawan Jesús kutirqa. Chaymi wasipiña kasqanta yacharuspanku, 2llapa runakuna huñunakaramurqaku punkunta manaña yaykuy atinankukama. Jesusñataqmi Diospa chuya siminta yachachirqa. 3Chaymanmi huk suchu runata tawa runakuna chakanapi apamurqaku. 4Huntallaña kasqankuraykum Jesuspa kasqankamaqa mana apaykuyta atirqakuchu, chaymi wasipa qatanta Jesuspa kasqan lawta kicharamuspanku chay suchuta uraykachimurqaku. 5Jesusñataqmi apamuqkunapa iñiyninkuta qawaykuspan chay suchuta nirqa:
Churilláy, huchaykikunaqa pampachasqañam, nispa.
6Chaypitaqmi tiyachkarqaku Diospa leynin yachachiqkunapas, paykunam kaynata yuyaymanarqaku:
7¿Imanasqataq kay runaqa chaynataqa riman? Chaynata nispaqa Diospa contranpim rimachkan, Diosllam huchakunataqa pampachan, nispanku.
8Jesusñataqmi paykunapa yuyaymanasqanta musyaruspan nirqa:
¿Imanasqataq chaynakunata yuyaymanachkankichik? 9¿Mayqantaq fácil kanman: Kay suchuta “huchaykikunaqa pampachasqañam” niychu, icha “hatarispayki chakanaykita hoqarispa puriy” niychu? 10Kunanmi yachankichik Diosmanta hamuq runapa Churinqa huchakunata pampachananpaq kay pachapi atiyniyuq kasqanta, nispan.
Chaynata niruspanmi suchuta nirqa:
11Qamtam niki, hatariy, chakanaykita hoqarispa wasikiman ripukuy, nispa.
12Suchuñataqmi chaylla hatarirurqa, hinaspam lliw runakuna qawachkaptin chakananta hoqarispa pasakurqa. Chayraykum llapa runakunaqa admirakuspanku Diosta yupaycharqaku kaynata:
“Manam haykapipas kaynataqa rikurqanchikchu”, nispanku.
Leviyta Jesús qayasqanmanta
(Mt 9.9-13. Lc 5.27-32)
13Chaymantam huktawan qochapa patanman Jesús rirqa, llapa runakuna payman asuykuptinñataqmi yachachirqa. 14Richkaspanmi Jesús rikururqa Alfeopa churin #2.14 Leviypa huknin sutinmi karqa Mateo.Leviyta, Romapaq impuesto cobrananpi tiyachkaqta. Paytam nirqa:
Qatiway, nispa.
Chaymi Leviyqa hatarispan Jesusta qatikurqa.
15Leviypa wasinpi Jesús mikuptinmi impuesto cobraqkunawan wakin huchasapa runakunapas, Jesuswan chaynataq discipulonkunawan kuska mikurqaku. Achkallaña runakunam payta qatikurqaku. 16Diospa leynin yachachiqkunawan fariseokunañataqmi, Jesusta rikururqaku impuesto cobraqkunawan hinaspa huchasapakunawan mikuchkaqta, hinaspankum Jesuspa discipulonkunata tapurqaku:
¿Imanasqataq payqa impuesto cobraqkunawan hinaspa huchasapa runakunawan mikuchkan? nispanku.
17Chayta uyariruspanmi paykunata Jesús nirqa:
Sano runakunaqa manam medicotaqa necesitankuchu, aswanqa onqoqkunallam. Ñoqaqa hamurqani manam justo runakuna qayaqchu, aswanqa huchasapakuna qayaqmi, nispan.
Ayunomanta
(Mt 9.14-17. Lc 5.33-39)
18Bautizaq Juanpa discipulonkunawan fariseokunapa discipulonkuna ayunachkaptinkum llapa runakuna Jesusman asuykuspanku tapurqaku:
Juanpa discipulonkunawan fariseokunapa discipulonkunaqa ayunankum. ¿Imanasqataq discipuloykikunaqa mana ayunankuchu? nispanku.
19Chaymi Jesusñataq nirqa:
¿Yaqachum casamientopi kaqkuna ayunanmanku paykunawan novio kachkaptin? Chaypi novio kanankamaqa manam ayunanmankuchu. 20Chayamunqam punchaw novio apasqa kananpaq, chay punchawpim ichaqa ayunanqaku.
21Mawka pachataqa manam pipas musoq latapawanqa remiendanmanchu. Musoq latapaqa chintiruspanmi mawka pachata astawan llikirunman. 22Manataqmi pipas mana poqosqa vinotaqa mawka odrekunamanqa hillpunmanchu, yanqañataq chay vino poqoruspan mawka odrekunata llikirunman, hinaptinñataq vinopas chaynataq odrekunapas yanqachakurunman. Chayraykum mana poqosqa vinotaqa musoq odrekunaman hillpuna.
Espigakunata samana punchawpi rachusqankumanta
(Mt 12.1-8. Lc 6.1-5)
23 #
Dt 23.25. Samana punchawpim Jesús richkarqa tarpusqa chakrapa chawpinta, richkaptinkum discipulonkunañataq trigo rachuyta qallaykurqaku. 24Hinaptinmi Jesusta fariseokuna nirqaku:
¿Imanasqataq discipuloykikunaqa samana punchawpi mana ruwana kaqkunata ruwanku? nispanku.
25Jesusñataqmi nirqa:
¿Manachu leerqankichik Davidwan puriqmasinkuna yarqaymanta kaspanku imam ruwasqankuta? 26#Lv 24.9.#1 S 21.1-6.Abiatar sumo sacerdote kachkaptinmi Diospa wasinman David yaykurqa, hinaspam Diospaq sapaqchasqa tantata sacerdotekunapa mikunallan kachkaptinpas mikuruspan puriqmasinkunamanpas qoykurqa.
27Kaytapas nisqaykichiktaqyá: Samana punchawqa runaraykum ruwasqa karqa, manam runatachu samana punchawrayku ruwarqa. 28Chayraykum nikichik, runapa Churinqa samana punchawpapas Señorninmi, nispa.
Nu markerat:
Marcos 2: RCHQ2
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Chuya Qellqa Revisión @ Sociedad Bíblica Peruana, 2012
