Genesis 4
4
Kainni tsî Abeli
1Adammi ge ǁîb taras, Evas ǀkha sorosise ge ǁgoe tsîs ge ǁîsa ge ǀgamǀkhā. Os ge ǀgôab, Kain#4:1 Kain: Nē ǀons ge Hebregowab di mîs hîa hō ti hâs di ǀōba ūhâ. tis ge ǀonǂgaiba ǁora tsî “ǃKhūb di huib ǀkha ta ge ǁîba go hō” ti ge mî. 2Egas ge Abel tis ge ǀonǂgai ǀgôaba ge ǁora. Kaikhâi kha ge ob ge Abela gūn ǀkha gere ǂgari tsîb ge Kainna ge ǃhanaǂgari-ao i. 3ǁAe-i khaoǃgâb ge Kainna ǁîb ǁguibas ase ǃhanab âb di ǃgaosa xu ǃhūb di ǂûna ǃKhūba ge ǁguiba. 4ǁNās khaoǃgâb ge ǁkhāti Abeli tsîna ǁîb ǂgarib di ǂguroǃnaesan, kau hâna ǂā tsî ǁguibas ase ge mā. ǃKhūb ge Abeli tsî ǁîb di ǁguibasa ǃgâise ge ǃkhōǃoa,#Heb. 11:4 5xaweb ge Kainni tsî ǁîb di ǁguibasa ge ǂhara. Nēs xab ge ǁîba kaise ge ǁaixa tsîb ge ai-īsib âba ge ǀkhara.
6Ob ge ǃKhūba Kainna ge dî: “Tare-i xats ǁaixa hâ tsî tarexab go ai-īsib âtsa ǀkhara? 7ǃGâisets ga dī, ots kha ǃkhōǃoahe tide?#4:7 Ots kha ǃkhōǃoahe tide: Tamas ka io ots kha ǀnom tide. Xawets ga ǃgâise dī tama i, ob ge ǁoreba daos amǃgâ ǃâu tsi hâ, satsab nî hōse, xawets ge satsa ǁîba nî gaoǂam.”
8Ob ge Kainna Abeli ǃoa ge mî: “ǀKhī, î khom ǃgarob ǁga ǃgû.”#4:8 ǀKhī, î khom ǃgarob ǁga ǃgû: Nē mîdi ge ǀnî ǀoro xoaǁguigu tsî Hebregowab di xoaǁguigu tsîn ǃnâ a ǀkhai. Tsî ǃgarob ǃnâ kha hâ hîab ge Kainna ǃgâsab, Abeli ǃoagu khâi tsî ǁîba ge ǃgam.#Mat. 23:35; Luk. 11:51; 1Jhn. 3:12
9 ǃKhūb Elob ge Kainna ge dî: “Sa ǃgâsab Abela kha mâpa hâ?”
Ob ge Kainna “ǀŪ ta a. Tita kha ǁnâi a ǁîb di ǃûi-ao?” ti ge ǃeream.
10Ob ge ǃKhūba ge dî: “Tare-i ǃaromats nēti ī ǁgaisi xū-e go dī? Sa ǃgâsab di ǀaoba ta ra ǃhūb ai mû, o-i ge ǁîb ra tita ǃoa ǀkhaos ǃaroma ǂgai khami ra tsâba te.#Heb. 12:24 11Sa ǃgâsab di ǀaobats go ǂnâxū tsîb go ǃhūba ǁnā ǀaoba āǂgā, xui-aots ge satsa ǀâxarehe hâ. 12ǃHanaǂgātsâts ka ob ge ǃhūba xū-i xare-e ūǀkhī tide. Sats ge hâǃkhaio khami ǃhūbaib ai nî hâma.”
13Ob ge Kainna ǃKhūba ge mîba: “Nē ǁkharab ge tani ǁoa ta as kōse a kai. 14ǃHūba xu tsî sa aisa xuts ra tita ǃhaebē xui-ao. Hâǃkhaio khami ta ge ǃhūbaib ai nî hâma tsî-i ge hō te ka-i hoa-e nî ǃgam te.”
15Ob ge ǃKhūba ge ǃeream bi: “ǁNāti tamas. Satsa ga ǃgam khoe-e ta ge hû ǃnādi kōse nî ǀkhao.” Tsîb ge ǃKhūba Kainni ai saosa ge ǂnûi, khoe-i xare-i ǀhao-ū bi-i kao ǃgam bi tidese. 16Tsîb ge Kainna ǃKhūb di aisa xu ǃgûbē tsî Nodǃhūb,#4:16 Nodǃhūb: Nē ǀons ge hâma ti ra ǂâibasen. Edens aiǂoasǀkhāb ai hâb ǃnâ sī ge ǁan.
Kainni di ôananôagub
17Kainni ge taras âb ǀkha sorosise ge ǁgoe tsîs ge ǁîsa ǀgamǀkhā tsî Henoxa ge ǁora. Ob ge Kainna ǃās, ôasab ǀonsab ge māsa ge ǂnubi. 18Henoxi ge Irada ge ǁorabahe, tsî Irada Mehujaela, Mehujaeli ge Metusaela ge ǁorabahe tsîb ge Metusaela Lamexa ge ǁorabahe. 19Lamexi ge ǀgam tarara, Adas tsî Silas hâra ge ūhâ i. 20Adas ge Jabali, ǁnān ǀgoan ǀkha ǂgari tsî tentomdi ǃnâ gere ǁann di aboxa ge iba ge ǁora. 21ǁÎb ǃgâsab ge Jubali, hoaraga khoen, harpdi tsî ǂnunigu ai ra ǀkhōn di aboxaba. 22Silas ge Tubal-Kainni, brons tsî ǀuriǂnau-aoba ge ǁora. ǁÎb ǃgâsas ge Naama ti ge ǀon hâ i.
23Ob ge Lamexa tarara âb ǃoa ge mî:
“Adas tsî Sila, ǃgâ te ro re:
Tita ge titab go ǂnau xui-ao ǂkham khoeba go ǃgam.
24Kainni di ǃgams nî hû ǃnādi kōse ǀkhaobahes ka,#Mat. 18:22
o nî tita tawa hûdisihûǀa,
khoe-i ga tita ǃgamo.”
Seti tsî Enosi
25ǁKhawab ge Adamma taras âb ǀkha sorosise ge ǁgoe tsîs ge ǀgamǀkhā tsî ǀgôab, Elob go Abeli, Kainni ge ǃgammi di amǃnâs ai mā rab, Set,#4:25 Set: Nē ǀons ge Hebregowab di mîs hîa māhe go ti hâs khami ra ǀō. ti ra ge ǀonǂgaiba ge ǁora. 26Tsîb ge Seta Enos tib ge ǀonǂgai ǀgôaba ge ǁorabahe. ǁNā ǁaeb ǃnâs ge khoen ge ǃKhūb di ǃanu ǀonsa ǃoabadi ǃnâ sîsenūtsoatsoasa.
Nu markerat:
Genesis 4: KKG20
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Khoekhoegowab Elobmîs © Bible Society in Namibia, 2020.