Matius 1
1
Daptar tatu hiang Yesus, Laca Co Tomonjanji Mohotara co tonisi Kristus
1:1-17
(Luk. 3:23-38)
1Otuhboh daptar tatu hiang Yesus. Yesus iyohco koturunan Laca Daud, hintang koturunan Abraham. Santuhboh daptar eh:
2Abraham iyohco taman Ishak; Ishak non iyohco taman Yakup; Yakup tuh iyohco taman Yehuda hintang kawan konduang kuhung eh; 3Yehuda empun duo anak iyohonon Peres doruo Jerah. (Tinan doruo non iyohco Tamar). Peres iyohco taman Hejron; Hejron tuh iyohco taman Ram; 4Ram non taman Aminadap; Aminadap iyohco taman Nahason; Nahason yoh taman Salmon; 5Salmon non iyohco taman Boas. (Tinan Boas iyohco Rahap.) Boas iyohco taman Obed. (Tinan Obed iyohco Rut.) Obed tuh iyohco taman Isai; 6Isai tuhboh co taman Laca Daud.
Daud tuh iyohco taman Salomo. (Tinan Salomo iyohco Batseba, iyohonon oruh Uria sorinai kawin ma Daud.)#1:6 Noto buku 2 Samuel pasal 11-12. 7Salomo iyohco taman Rehabeam; Rehabeam tuhboh co taman Abia; Abia iyohco taman Asa; 8Asa iyohco taman Yosapat; Yosapat iyohco taman Yoram; Yoram tuh iyohco taman Usia; 9Usia empun anak iyohonon Yotam; Yotam tuh iyohco taman Ahas; Ahas tuhboh co taman Hiskia; 10Hiskia iyohco taman Manase; Manase iyohco taman Amon; Amon empun anak co araieh Yosia; 11Yosia nonboh co taman Yekonya iroh hokonduang kuhung. Hiah waktu cioh orong dulun Yahudi jarin tonawan jaman ojat paluh tomehen hia negri Babel.#1:11 Kesah cotuh oko nyan buku 2 Raja-raja 24-25.
12Opah dulun Yahudi tomehen hia Babel, Yekonya empun anak co arai eh Sealtiel; Sealtiel iyohco taman Jerubabel; 13Jerubabel tuh iyohco taman Abihud; Abihud non taman Elyakim; Elyakim iyohco taman Asor; 14Asor iyohco taman Sadok; Sadok tuh taman Akim; Akim iyohco taman Eliud; 15Eliud taman Eleasar; Anak Eleasar iyohco Matan; Matan tuh iyohco taman Yakub; 16Yakub cotuhboh co taman Yusup. Yusup cioh co banan Maria co nganak Yesus, Laca co tonisi ‘Kristus’.
17Jadi, oko opat balas turunan ingkan Abraham dapot Daud. Oko opat balas turunan ka ingkan Daud dapot hiah waktu dulun Yahudi jarin tonawan jaman ojat co tomehen hia negri Babel. Hintang oko opat balas turunan kole ingkan jaman towanan cioh dapot korombut Kristus.
Yesus, iyohonon Laca Co Tomonjanji Mohotara tonganak
1:18-25
(Luk. 2:1-7)
18Sorinai Yesus Kristus tonganak, tojadi isan otuh: nyan kotika cioh tinan Yesus iyohco Maria, botunangan ma Yusup. Houn ma iroh kawin, tonyata Maria ocop botohi. Iyoh tojadi awi tului kuasan Roh Mohotara. 19Tapi Yusup tunangan Maria yoh iyohco dulun co bolum bujur nyan tohimo Mohotara. Are mahi aroh kolu nyongkohaan Maria nyan muka umum. Poko tului iyoh, are jere mutus hubungai ma Maria socara tonih-tonih.#1:19 Hiyah kosulak eh Yusup aroko monau bahawa Maria batohi ingkan kuasa Roh Mohotara. Jadi are nyau umba poraturan hukum Mohotara hintang matot hubungai ma tunangan eh co aroko sotia. Tapi awi Yusup mahi aroko kolu umpi Maria mohaan, are jere motot hubungan socara tonih-tonih.
20Tapi waktu Yusup rahat momikir aang cioh, dombut molekat Tuhan Mohotara hiaeh ponah nupi. Molekat cioh mantun, “Yusup, koturunan Laca Daud, aroh takut monu Maria jarin oruhmu. Tului, kuasan Roh Mohotara umpi Maria jarin botohi daja conon. 21Maria angar nganak ico anak bakah. Iko sobulih ngaran Are Yesus,#1:21 Aran Yesus ponah bohasa Yunani samah ma aran Yosua ingkan bohasa Ibrani. Duo aran cioh artieh TUHAN nyolamat. awi Are angar nyolamat umat-Eh ingkan kawan dosan doh.”
22Kokon aang taiyoh tojadi ina antun Tuhan Mohotara jarin nyata. Nyan jaman sinan oko nabi co nulih antun Mohotara non: 23“Porhatiboh! Ico lehoi tindoh angar jarin botohi, paluh nganak ico longa bakah. Iroh angar ngaran Are, Imanuel.”#1:23 Ingkan buku Yesaya 7:14. (Ara co Imanuel yoh co artieh ‘Mohotara somin to’.)
24Jadi, Yusup monyun ingkan koponiruieh paluh nguan ome co tomorentah molekat Tuhan cioh maeh. Are monu Maria jarin oruh eh. 25Tapi Yusup aroh hokobuah ma Maria dapot Maria nganak Daja cioh. Opah Daja cioh tonganak, Yusup ngaran-Eh, Yesus.
Nu markerat:
Matius 1: TBSS
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
