लूका 4

येशुअ जी आज़माइश

(मत्ती 4:1-11; मर 1:12,13)

1पो येशु पवित्र आत्मा सां भरजी यरदन नदीअ तां मोटियो; ऐं आत्मा जी अग॒वाईअ सां चालीअ डी॒ंहन ताईं बयाबानअ में फिरंदो रयो। 2उते चालीअन डी॒ंहन ताईं शैतान#4:2 शैतान इब्लीस शैतानअ खे ही चयो वयो आहे। येशुअ जी आज़माइश#4:2 आज़माइश जो मतलब आहे प्रलोभन डि॒यण। कंदो रयो। उनन डी॒ंहन में हुन कुछ बी न खादो ऐं जड॒ऐं चालीअ डीं॒हं पूरा थ्या, त संदस खे डा॒ढी भुखअ लगी॒। 3तड॒ऐं शैतानअ हुन खे चयईं, “जेकड॒ऐं तूं परमेश्वरअ जो पुट आईं, त इन पथरअ खे चओ, के हे रोटी ठई वञे।” 4परअ येशुअ शैतानअ खे जवाब डि॒नईंस, “पवित्रशास्त्र में इयो लिख्यल आहे, ‘के मांणू खाली रोटीअ सां हीं जीअरो न रवंदो आहे’#4:4 येशुअ जो इते इयो चवण जो मतलब आहे, के खाली रोटीअ जे द्वारा सचो जीवन न मिलंदो आहे। ।”#व्य 8:3 5उन खां पो, शैतान येशुअ खे मथे हिकअ पहाड़अ ते वठी वयो ऐं हिकअ ही पलअ में जग॒तअ जा सब राज॒अ डे॒खारियईंस। 6शैतानअ हुन खे चयईंस, “मां तोखे इनन सबनिन जे मथां अधिकार#4:6 अधिकार डि॒यण जो इते मतलब आहे, के मांणुन जे मथां राज॒अ करण ऐं उनन खे वसअ में करण जी सामर्थ डि॒यण। ऐं इनन जी सजी॒ शानो-शोकत डी॒ंदुम, छोके इयो सब मुखे सौंप्यो वयो आहे ऐं जेंखे चाहींदो आयां, उन खे ही डी॒ंदो आयां। 7सो जेकड॒ऐं तूं मुंजे अग॒यां सीस नवाईं ऐं मुंजी आराधना करीं, त इयो सब मां तोखे ड॒ई छडी॒ंदुम।” 8येशुअ उन खे चयईं, “पवित्रशास्त्र में इयो लिख्यल आहे, ‘तूं रुगो॒ पांजे प्रभु परमेश्वरअ जे अग॒यां सीस नवाए ऐं आराधना कर; ऐं हुन जी ही सेवा कर’।”#व्य 6:13 9कुछ डी॒ंहन खां पो, शैतान येशुअ खे यरूशलेम शहेरअ में वठी वयो ऐं मंदरअ जी चोटीअ ते बियारे हुन खे चयईंस, “अगर तूं परमेश्वरअ जो पुट आईं, त हितां टिपो डे॒। 10छोके पवित्रशास्त्र में लिख्यल आहे, ‘परमेश्वर पांजे स्वर्ग॒दूतन खे तुंजे लाए आज्ञा डीं॒दो, के उहे तुंजी हिफाज़तअ कन’।#भजन 91:11 11उहे त तोखे पांजे हथन सां पकड़े करे संभाले वठंदा, किथे इंय नथे, के तुंजे पेरन में पथरअ सां धक लगे॒।#भजन 91:12 ” 12येशुअ उन खे जवाब डि॒नईंस, “पवित्रशास्त्र में इयो बी लिख्यल आहे, ‘तूं पांजे प्रभु परमेश्वरअ जी परीक्षा न वठजैं’।”#व्य 6:16 13पो जड॒ऐं शैतान येशुअ खे हर तरीके सां आज़माए चुको, तड॒ऐं उहो कुछ वक़्तअ जे लाए संदस वटां हली वयो।

येशुअ जे सेवकाईअ जी शुरूआत

(मत्ती 4:12-17; मर 1:14,15)

14येशु आत्मा जी सामर्थअ सां भरजी करे वरी गलील क्षेत्र में आयो ऐं हुन जी खबरअ आसे-पासे जे सबनिन इलाकन में फैल जी वई। 15उहो उनन जे प्रार्थना-घरन में वञी सिख्या डी॒ंदो रयो ऐं उन जी वजह सां सब संदस जी साराह कंदा हुवा।

नासरतअ में येशुअ जो निरादर

(मत्ती 13:53-58; मर 6:1-6)

16उन खां पो येशु पांजे नासरत नगरअ में आयो, जिते संदस जो पालण-पोषन थ्यो हुयो; उहो पांजी आदतअ जे मुजुब सबधअ#मर 1:21 जे डीं॒हं ते प्रार्थना-घरअ में वयो। उते उहो पवित्रशास्त्र मां वचन पढ़ण जे लाए उथी बीठो। 17यशायाह भविष्यवक्‍ता जी किताब येशुअ खे डि॒नी वई ऐं हुन किताब खोले करे उहा जग॒ऐ कढयईं, जिते इंय लिख्यल आहे,

18“प्रभुअ जी आत्मा मुंजे मथां आहे,

छोके ग़रीबन खे ख़ुशख़बरी बु॒धाएण जे लाए

हुन मुंजो अभिषेक कयो आहे ऐं

मुखे इन करे मोकल्यो वयो आहे,

के जेके कैदअ में आइन उनन खे रिहाई ऐं

जेके अंधा आइन उनन खे दृष्‍टि पाइण जो समाचार डि॒यां ऐं

जेके सतायलअ आइन उनन खे छडा॒यां,

19ऐं एलान कयां के इयो उहो साल आहे,

के जेमें प्रभु पांजन मांणुन जे मथां अनुग्रह कंदो।”#यशा 61:1,2

20उन खां पो येशुअ किताबअ खे बंद करे सेवकअ जे हथअ में डि॒नईं ऐं पाण वई रयो; ऐं प्रार्थना-घरअ जा सब मांणू हुन खे चिताए डि॒सण लगा॒। 21येशुअ उनन खे इंय चवण लगो॒, “अज॒ ही पवित्रशास्त्र जो इयो लेख तवां जे सामूं पूरो थ्यो आहे।” 22इन ते सब येशुअ जी तारीफअ करण लगा॒ ऐं संदस जे मुंहं मां जेके अनुग्रह जूं गा॒ल्यूं निकत्यूं पे, उन ते उहे ताजुब करे चवण लगा॒, “छा इयो यूसुफअ जो पुट कोने?”

23येशुअ उनन खे चयईं, “तवां ज़रूर इया कहावतअ मुखे चवंदव ‘हे डोक्टरअ, पहेरयों पांजे पाण खे त ठीक करे डे॒खार ऐं तवां मुखे इयो बी चवंदव जेके कमअ तूं कफरनहुम में कया आइन उहे कमअ तूं हिते पांजे नगरअ में बी करे डे॒खार’।” 24येशुअ उनन खे चयईं, “मां तवां खे सच तो चवां, के कोई बी भविष्यवक्‍ता पांजे नगरअ में स्वीकारयो न वेंदो आहे।#यूह 4:44 25मां तवां खे सच तो चवां, के एलिय्याह भविष्यवक्‍ता जे डी॒ंहन में जड॒ऐं साढे टिन सालन ताईं बरसात न पई हुई ऐं सजे॒ मुल्कअ में डा॒ढो वडो॒ डु॒कड़ पेजी वयो हो#1 राजा 17:1 , उन वक़्त इज़राएल में डा॒ढियूं विधवाऊं हुयूं, 26परअ एलिय्याह भविष्यवक्‍ता सैदा इलाके जे सारफत नगरअ में हिकअ विधवा खे छडे॒ बि॒यों कें वट बी न मोकल्यो वयो,#1 राजा 17:8-16 27ऐं एलीशा भविष्यवक्‍ता जे समय में इज़राएल में डा॒ढा कोढ़ी हुवा, परअ सीरिया वासी नामानअ खे छडे॒ बि॒यो कोई बी कोढ़अ मां शुद्ध न कयो वयो।”#2 राजा 5:1-14

28इहे गा॒ल्यूं बु॒धंदे ही प्रार्थना-घरअ सब मांणू गुस्से सां भरजी वया। 29सो उहे सबही उथी खड़ा थ्या ऐं येशुअ खे नगरअ खां बा॒हिर कढी करे उन पहाड़ीअ जी चोटीअ ते वठी वया जिते उनन जो नगर वस्यल हुयो, ताकि उहे हुन खे उतां हेठ किराए छडि॒न। 30परअ उहो उनन जे विचअ मां निकरी करे उतां हली वयो।

दुष्‍टआत्मा जे वसअ मां मांणूअ खे आज़ाद करण

(मर 1:21-28)

31येशु गलील क्षेत्र जे कफरनहुम नगरअ में वयो; ऐं सबधअ जे डी॒ंहं ते मांणुन खे सिख्या प्यो डे॒। 32येशुअ जी सिख्या ते मांणुन खे डा॒ढो ताजुब थ्यो, छोके संदस जे सेखारण में अधिकार शामिल हुयो।#मत्ती 7:28,29 33उते प्रार्थना-घरअ में हिक मांणू हुयो जेंजे अंदर दुष्‍टआत्मा हुई। उहो जोर सां रड़ियूं करे चवण लगो॒, 34“हे येशु नासरी, असां सां तुंजो छा वास्तो? छा असां खे तूं नाश करण आयो आईं? मुखे खबरअ आहे के तूं केर आईं? तूं परमेश्वरअ जो पवित्र ज॒ण आईं!” 35येशुअ दुष्‍टआत्मा खे दड़को ड॒ई चयईंस, “चुप कर ऐं इन मां निकरी वञ।” तड॒ऐं दुष्‍टआत्मा उन मांणूअ खे सबनिन जे सामूं पटअ ते किराए ऐं बिना नुकसान पहुचाए उन मां निकरी वई। 36इयो डि॒सी सब ज॒णा ताजुब करे हिकअ बे॒ खे चवण लगा॒, “इया केड़ी सिख्या आहे? हे त अधिकार ऐं सामर्थअ सां गड॒ दुष्‍टआत्माउन खे बी हुकुम तो डे॒ ऐं उहे मांणुन मां निकरी त्यूं वञन।” 37उन खां पो आसे-पासे जे सबनिन इलाकन में मांणू येशुअ जे बारे में चर्चा करण लगा॒।

शमौन पतरसअ जी सस खे ऐं डा॒ढन मांणुन खे ठीक करण

(मत्ती 8:14-17; मर 1:29-34)

38येशु प्रार्थना-घरअ मां निकरी शमौन पतरसअ जे घर वयो। उते उन जी सस खे डा॒ढो बुखार हुयो इन ते मांणुन उन जे लाए येशुअ खां विनती कई। 39येशुअ उन जे अग॒यां वञी करे बुखारअ खे दड़को डि॒नईं, इन ते उन जो बुखार लई वयो ऐं उहा उथी करे हुनन जी सेवा करण लगी॒।

40सिज लवण मेलअ, मांणू उनन खे जेंजे अंदर अलग-अलग तरीके जूं बीमारियूं हुयूं, येशुअ डे॒ वठी आया ऐं हुन हिकअ-हिकअ जे मथां पांजो हथ रखी उनन खे ठीक कयईं, 41ऐं डा॒ढन हीं मांणुन मां दुष्‍टआत्माऊं इंय रड़ियूं कंदे निकत्यूं, “के तूं परमेश्वरअ जो पुट आईं।” परअ येशुअ उनन खे दड़को डि॒नईं ऐं उनन खे गा॒लाएण न डि॒नईं, छोके उहे हुन खे सुञारींदियूं हुयूं, के उहो मसीह आहे।

प्रार्थना घरन में प्रचार करण

(मर 1:35-39)

42सुबूअ जो सवेलअ ही येशु उतां निकरी करे हिकअ सुनसान जग॒ऐ ते हली वयो ऐं भीड़अ जी भीड़अ हुन खे गो॒लींदी संदस वट आई ऐं हुन खे रोकण लगी॒, के असां जे नगरअ मां न वञ। 43परअ येशुअ उनन खे चयईं, “मुखे बि॒यन नगरन में बी परमेश्वरअ जे राज॒अ जी ख़ुशख़बरी बु॒धाएण ज़रूरी आहे, छो त मां इनलाए ही मोकल्यो वयो आयां।” 44हू यहूदिया#4:44 कुछ यूनानी पत्रियुन में गलील बी लिख्यल आहे। क्षेत्रन जे प्रार्थना-घरन में वञी प्रचार कंदो रयो।

Nu markerat:

लूका 4: SND

Märk

Dela

Kopiera