ኡመመ ሴንሰ
ሴንሰ
ሴር ኡመማፊ “ክታቦትን ሙሴ” ካን (ሴረ በኡ፣ ሴረ ሌዎታ፣ ሴረ ለኮብሳቲፊ ሴረ ኬሰ ዴቢ) ሴና ሃለ ጅሬኘ እስራኤሎታ ወልት ፉፊንሰ ቀቡ ክታበ ቁልቁሉ ኩርማነ ቶኮፋ ኬሰት ራወተሜ ቤክስሱ። ሴር ኡመማ ኩን አከ በርቴ ጅሩት ሙሴ፣ እሰ ሰበ እስራኤል ብየ ግብጢ ባሴ ጌጌሳ ቱሬን ከን በሬፈሜ አከ ተኤት ቤከመ።
ሴር ኡመማ አከምት ሰብን ቶኮ ከሮረ ዋቀዮ ሰኚ ነማ ሁንዳፍ ቀቡ ኬሰት ሾረ አዳ አከ ቀባቴ እብሰ። ጀልቀባ ካሴ ተርቲብኒፊ ወል ተኢንስ ኡመመ ጋሪ ዋቀዮ ኡሜ ቡኣ በሌስቱማፊ ኦፍ ቱሉማ ሰኚ ነማቲን ጉቱማን ጉቱት ልቅምፈመኒ ቱረን። ጄቁምስ፣ ሙርቲ ጀልኣፊ ወል ግድርሱን እት ኣንሴ ዹፌ ሱን፣ ጎሊን፣ ዼከምስ ዋቀዮፊ ሙርቲን ብሻን በዲሳ ጉዳን ሰበቢ ጀልእነ እልማን ነማቲፍ አከ ዹፉ ታስሴ። ኤርገሲ ዋቀዮ አብረሃሚፊ ሰኚሳ ወጅን ከኩ ገሉዻን ጫሳ ሴንቻ ኡቱቤ እዶት ኤጉፊ ከን እት ፉፌ ጅራቱ ኬኔፍ። ማቲን አብረሃም፣ እስራኤል ሰቦተ ገረ ኦፊሳት ዴብሴ ፍዱፍ ዋቀዮፍ ከራ ፍለተማ ተኤ። ሴር ኡመማ ሴና ሰኚን አብረሃም ገረ ገሬ ጎሰ ጉደቱ ቶኮት ጉደቹሳቲን ጡሙረመ፤ ገሩ ጀር ብየ ዋቀዮ ዋዳ እሳኒፍ ገሌ ኬሰ ጅራቻ ህንቱሬ። ከናፍ ሴንች ዹጉማን ገረ ክታቦተ ወረ እት ኣነኒት ከን ጌጌሱዸ።
ክታብች ሰገሌ፣ ኩን ሴና እሰ ከናት ጄዹ ስአ ኩዸ ቶኮ እረ ዴዴብአሜን ኩታ ኩዸ ለመት ቆደመ። ቶኮን ቶኮን ኩታ ከና ዋኤ ጅሬኛፊ ማቲ ነመ መቃንሳ ዸአሜ ሰናት። ኩታወን ኩኔን ገልሜ ሴና እልማን ነማቲፊ ከራ ሰበ እስራኤል ገረ እዶሳኒ ዱራት እሳን ዴብሱፍ ቆጴሴ።
Nu markerat:
ኡመመ ሴንሰ: NOCV
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
ክታበ ቁልቁሉ፣ ሂካ አመያ ሃራ™፣
ምርግ ሴራን ኤገመ © 2009፣ 2020፣ 2022 Biblica, Inc.
ኤየማን እት ፈየደሙ።
ምርግ ሁንድ አዱኛ ጉቱረት ከን ኤገሜዸ።
Holy Bible, New Oromo Contemporary Version™
Copyright © 2009, 2020, 2022 by Biblica, Inc.
Used with permission. All rights Reserved worldwide.