Like Ebaanihi e Ncya e mve e Like
Ebaanihi e Ncya e mve e Like
Like mvuuru ateendi ncya e mve e Jesu. Nde abaani osaangumu o nde ki mo oduha ndi, nde aki na njala oduha maami a Jesu asi aso, najele najele. Nde ateendi maami maa eki ma Ajife na baari ame esi ekema, mo vwa bo ayaa ndi maami ma ayisihi bo aso aki asisyele. Like aki ka Jife ni. Nde se aka ka nca alwoni a Jesu Krisi a kuumi na vwele ni. Ŋa nde ayenihi bɨla ntuma macwoloho o Pole, nca epiinga e nde. Nde se ayamihi Jesu o janja le nde. Nde mvuuru ateendi osaangumu o mo janja le antuma masihi. Like aduhi maami kuna mo dya le Jesu: dya le nde o baari manyiimaha, na baari ma amabese, bɨla eleme, na akaasi, na anjya.
Lemono osuumbu ma amakaba osaangumu o Like ateendi: ebari ekuumi jyele na ena.
Obari o ncomi bɨla o jwele. Like awobo me ekulihi e Jan Batise, bɨla Jesu na obusi o nde. Nde oduhi osuumbu a Mariya bɨla Jakari, na Simyon ma yimi aluumu a Njyami. Maami maa i mono nca esaangumu ekɨma ni.
Obari otari bɨla ona. Nde alaha osuumbu a Jan Batise ayi na ayeese njila e Jesu. Na osuumbu a Jan ampi Jesu ateeme, na o Jabɨri alehi nde oyere.
Obari ona, tii ngo obari owa. Nde alaha maami a Jesu asi nca onguundu o Ngalili: nde oyisihi mbari e Njyami, osalihi abyeri.
Obari owa tii ngo obari okuumi na wa. Nde aduha ndi Jesu ocyehi Ngalili mo oje Jerusaleme. Nca obari osaangumu o nde ki, Like awobo o maami kuna, ma ali ka nca esaangumu ma emo ni, na maami kuna a Jesu ayisihi, na ancincami mva osi Samari ove, bɨla nga osolo a ncimi kali, na mwana anywoŋi, oswohi.
Obari okuumi na wa tii ngo ekuumi jyele na omo. Nde awobo o maami a Jesu asi na a nde ayisihi o Jerusaleme.
Obari ekuumi jyele na jyele tii ngo ekuumi jyele na etari. Nde awobo ma ambaba bɨla leku le Jesu. Na ma enyusihi na osuumbu a nde alahi nyuru na alwoni a nde.
Obari ekuumi jyele na ena, nde omani osaangumu o nde mawobo mo osuumbu a Jesu ayeni yulu.
Nu markerat:
Like Ebaanihi e Ncya e mve e Like: MDT
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES