Matthew 3

Baptize toubiba John-na Ibungogi lambi thourang touba

(Mrk 1:1-8; Luk 3:1-18; Jn 1:19-28)

1Matam aduda baptize toubiba John-na thoraktuna Judea-gi lamjao lamhangda pao sandokpa hourammi. 2#Mat 4:17; Mrk 1:15 Mahakna asumna hairammi, “Nakhoina paptagi pukning hongduna Tengban Mapuda halak-u, maramdi swarga leibak adu naksillakle!”” 3#Isa 40:3 Tengban Mapugi wa phongdokpiba maichou Isaiah-na phongdokpikhiba misak adu John asini,

“Laori, kanagumba amana lamjao lamhangda,

“‘MAPU IBUNGO-gi#3:3 Jehovah lambi adu thourang tou;

Ibungo mahakna chatnaba lambi adu chumhallu!’’ ””

4 # 2 Ning 1:8 John-na ut matugi phi setlammi, aduga makhwangda sawun-gi khwangjet laklammi; amasung mahakki chinjakti koujeng amasung lamlakki khoihina oirammi. 5Aduga Jerusalem-gi mising yaona Judea apumbadagi amadi Jordan turen-gi akoibada leiba mapham pumnamaktagi miyam thoklaktuna mahakpu yengnaba amasung mahakki wahei tananaba laklammi. 6Aduga makhoina makhoigi mapapsing haidokcharabada, John-na makhoibu Jordan turenda baptize loubirammi.

7 # Mat 12:34; 23:33 Adubu Pharisee amasung Sadducee mayam amana mahakna baptize touba aduda lakpa ubada, mahakna makhoida hairak-i, “He lilgi chada naodasa, lakkadouriba Tengban Mapugi asaoba adudagi chennanaba nakhoida kanana haibage? 8Nakhoina paptagi pukning hongbagi matik chaba mahei yallu. 9#Jn 8:33 Aduga “‘Eikhoigi ipa Abraham lei’’ hairaga cheirak adudagi nanthokkani haina khan-ganu. Maramdi eina nakhoida hairi madudi nungsing asidagisu Tengban Mapuna Abraham-gi machasing thok-hanba ngammi. 10#Mat 7:19 Houjiksu upalsing asigi makhongda yanthatnabagidamak singjang thourang touduna lei, amasung aphaba mahei yandaba upal khudingmak yanthattuna meinungda langsingani. 11Pukning hongbagidamak eina nakhoibu isingda baptize toubi, adubu eigi itungda lenglakliba Ibungo mahakna eingondagi henna matik chaoba helli. Eidi mahakki sandal puba phaoba matik chade. Aduga mahaknadi nakhoibu Thawai Asengbada amasung meida baptize toubigani. 12Ibungona magi phou-inthok paiduna gehudagi mahamsing khaidoknaba thourang touduna leiri. Adudagi mahakna mahei marong yeipham adu sengdoktuna gehusing adubu keida peisin-gani, adubu mahamsing adubudi mutpa naidaba meida thajin-gani.””

Jisubu Baptize touba

(Mrk 1:9-11; Luk 3:21,22)

13Adudagi Jisuna John-dagi baptize lounabagidamak Galilee thadoktuna Jordan-da laklammi. 14Adubu John-na mahakpu khamladuna hairak-i; “Ibungona eihakpudum baptize toubipham thok-i, aduga Ibungona oina eigi inakta lengbiraklabra?””

15Jisuna mangonda khumlak-i, “Houjikki oinadi asumna oirasanu; maramdi matou asumna eikhoina achumba chatpagi thabak pumnamak adu mapung phahanba matik chabani.”” Maduda John-na mahakpu baptize toubada yajare.

16Aduga Jisuna baptize louraba tungda, isingdagi hek karakpaga, yeng-u, nongmadon atiya hangdoktuna Tengban Mapugi Thawaina Ibungogi mathakta khunugumna lengtharakpa mahakna ure. 17#Meihou 22:2; Isei 2:7; Isei 42:1; Mat 12:18; 17:5; Mrk 1:11; Luk 9:35 Aduga swargadagi khonjel amana asumna hairak-i, “Mahak eigi nungsijaraba Ichanupani, mangonda eina yamna pelle.””

Nu markerat:

Matthew 3: RSM

Märk

Dela

Kopiera