Genesis 3
3
Manwawakʼ bebatao
1“Probhu Isorre benaoketʼko otren jiwiyanko modre #Sod 12.9; 20.2 biń do sanamko khon cạture tahẽkana. Mitʼ din biń do uni maejiue kulikedea, “Isor do cetʼ sạrige bagwanre menakʼ joto dareko reakʼ jo jom doe mana akatʼbena?”
2Maejiue roṛ ruạṛkeda, “Bagwan reakʼ jo doliń jom daṛeakʼgea. 3Menkhan tala bagwanre oka dare menakʼ ona reakʼ jo jojom do managetalińạ. Isor doe menakada, ‘ona dare reakʼ jo do joṭetʼ hõ alo ben joṭeda, ar jom hõ aloben joma. Ar ben onkale khan khạṭige ben gujukʼa.’ ”
4Unre biń do maejiue metadea, “Tis hõ baṅa, aben do baben gujukʼa. 5Isor doe baḍaea, oka hilokʼ ona dare reakʼ jo ben joma enhilokʼ abenakʼ mẽtʼ do saṛokʼ tabena. Ar onate aben do ạkil ben ńama ar Isor leka ben hoyokʼa.”
6Maejiu do ona dare reakʼ jo mońj ar sebelgeye ńelkeda, ona chaḍa ạkil ńam lạgitʼ laloc hõ hecʼadea, onate uni do dare reakʼ joe gotʼkeda are jomkeda. Ar acʼren jãwãe hõe emadea ar uni hõe jomkeda. 7Onate bana hoṛakʼ mẽtʼ do saṛentạkina. Ar uluṅgea kin mente kin bujhạukeda. Ar loa dare reakʼ sakamko rokʼkate ạkin lạgitʼ kicricʼkin benaoana.
8Ado ạyupʼ reakʼ reaṛ hoeye ehopʼ akatʼ tahẽkanre unkin do Probhu Isorakʼ aṛaṅkin ańjomketʼtaea. Ente bagwanre uni doe dãṛãbaṛae kan tahẽkana. Unre Adam ar uniren bạhu do Probhu Isor samaṅre alo paṛaokʼ lạgitʼ bagwan reakʼ dareko talarekin okoyena. 9Probhu Isor do Adam hohoadeteye metadea, “Okare menama?”
10Uni do goṅketʼteye menkeda, “Bagwanre amakʼ aṛaṅiń ańjom akatʼgea. Menkhan uluṅge minạńte, botorteń oko akana.”
11Unre Probhu Isore menkeda, “Amem uluṅge ona do okoeye lạiyakatʼmea? Am do cetʼ oneń manaletʼme dare reakʼ joyem jom akada?”
12Adame menkeda, “Ińren gate lekate okoe maejiuem em akawạdiń unige ona dare reakʼ joye emadińa ariń jomkeda.”
13 #
2 Kor 11.3; 1 Tim 2.14 Unre Probhu Isor do uni maejiue metadea, “Noa do cetʼem ceka akada?”
Maejiu do roṛ ruạṛketʼteye menkeda, “Biń do ińe bulạukedińa ar onate iń do onań jomkeda.”
Isor sạjạiye emokʼkan.
14Unre Probhu Isor do uni bińe metadea, “Noam kạmiketʼte am do otren sanam ạsul janwar ar bir janwarko modre ḍher sarapanicʼem hoyena. Am do jion bhor lacʼtem taṛama ar dhuṛim joma. 15#Sod 12.17Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.” 16Ona tayom uni maejiue metadea, “Bhạrti hoṛmom tahenre amakʼ kosṭo do arhõń ḍher ocoytama. Am do bedonte gidrạm janamea. Ar jãwãe lạgitʼem jaljalaokʼa, ar uni do am cetanre mạlike hoyokʼa.”
17 #
Ibr 6.8
Ona tayom uni do Adame metadea, “Okaṭakʼ dare reakʼ jo jojomiń manaletʼme amren bạhuakʼ kathate onam jom akatʼte am iạte ot hõ ot sarapanakʼ hoyena. Am do goṭa jiongem khaṭaokʼa ar hasa reakʼ phosolem joma. 18Am iạte hasare rạṅgạiniko ar jạnumko janamokʼa, menkhan amakʼ jomakʼ do jumi reakʼ phosolge hoyokʼa. 19Ar okaṭakʼ hasatem benao ocoakan ona hasate ạurim ruạṛ calakʼ hạbicʼ bohokʼ reakʼ balbal dakʼ do jaṅgare ńurokʼtama arem joma. Amakʼ noa dhuṛi reakʼ hoṛmo do dhuṛitege ruạṛ calakʼtama.”
20Adam#3.20: Adam: Hebrew pạrsite noa reakʼ mane do “sanam manwako.” do acʼren bạhuakʼ ńutum Hawae,#3.20: Hawa: Hebrew pạrsite noa reakʼ mane do “jiwetʼicʼ,” oka do “manwa mente hõ beoharokʼkan.” dohoketʼtaea (mane do “Jiwetʼicʼ ”), ente uni do sanam jiwetʼ hoṛkoren gogoe hoyokʼa. 21Probhu Isor do Adam ar uniren bạhu lạgitʼ janwarakʼ harta reakʼ kicricʼe benaoketʼte unkine horokʼatʼkinạ.
Adam ar Hawa Eden bagwan khonkin oḍok ocokʼkan
22 #
Sod 22.14
Ona tayom Probhu Isore menkeda, “Ńelpe, boge bạṛicʼ dare reakʼ jo jomkate manwa do aboren mitʼṭen lekae hoyakana. Ńitokʼ manwa do jaejug tahen lạgitʼ jion dare reakʼ jo tiyokʼkate aloe jom daṛeakʼ onate jãhãnakʼ cekae jạruṛtabona.”
23Noa menkate Probhu Isor do hasate bekʼnaoicʼ manwa do ot cas lạgitʼ Eden bagwan khone oḍokgotʼkedea. 24Nonkate uni do unkine laga ńirketʼkinạ. Ona tayom uni do jion dare ṭhen calakʼ reakʼ horre horhoe lạgitʼ Eden bagwan purub secʼre Kerubkine#3.24: Jiwiyan Kerubkin: dohoketʼkinạ, ar ona sãote onḍe mitʼṭecʼ jolokʼkan tarwaṛe hõe dohokeda ar ona do ạcur baṛaekan tahẽkana.
Nu markerat:
Genesis 3: SBT
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Santali Bible © Bangladesh Bible Society, 2021.