Oduu Nagayaa Ka Maatewoosii 25
25
Mammaaka Waan Durba Kudhanii
1 #
Luq. 12:35-36; Mudh. Yoh. 19:7 Yesuus itti aansee, «Hennaa san jeennanni sami'ii durba kudhanii ta ibsaa isaanii qabatanii idaayyaa reebbatu'uuf bayan fakkaatti. 2Isaan keessaa shanan ceem'aaleeyyi'i #25:2 ceemphaleeyi'i: amishaaggotashanan ammoo qalbiqabeeyyi'i. 3Ceem'aaleeyyiin shanan ibsaa ufii qabatan malee, zayitii ibsa'atti buufatan hin qaban. 4Qalbiqabeeyyiin ammoo ibsaa ufii woliin zayitii bilille'etti qabatan. 5Idaayyaan uduu hin dhufin turraan, marti isaaniituu muganii rafan.
6Hennaa halkan qixxee ta'e, laagaa gudda'aan, ‹Idaayyaan Kunoo ti! Isa reebbachu'uuf bayaa'a!› jedhu dhagayame. 7#Luq. 12:36 Hennaa san babbareeddan sunniin maruu ka'anii ibsaa ufii qopheeffatan. 8Worri ceem'aaleeyyiin#25:8 ceem'ooleen: amshaaggoni sunniin worra qalbiqabeeyyi'iin, ‹Ibsaan keenna waan dhaama'aaruuf, zayitii keessan irraa diqqoo nuu kennaa'a› isaaniin jedhaniin. 9Qalbiqabeeyyiin ammoo deebisanii, ‹Wa'a! Ka nu'uu fi isinii gayu hin jiru. Worra gurguru bira dhaqa'aatii bitadhaa'a!› jedhaniin. 10Hennaa isaan bitatu'uuf deeman, Idaayyaan hin dhufe; durbi qophoofteertu sunniin isa woliin gara mana cidhaa haga seenan, balbalti hin cufame.
11 #
7:22-23; Luq. 13:25-27 Maayessa worri hafan babbareeddonni turanii dhufanii, ‹Gooftaa, Gooftaa! Nuu bani!› jedhaniin. 12Inni ammo deebisee, ‹Ani dhugaa isiniin jedha, ani isin hin beeku› jedhe. 13Guyya'aa fi sa'aatii san waan hin beenneef dammaqa'aa eeggadhaa'a!» jedhe.
Mammaaka Waan Worra Saantimiin Worqi'ii Itti Kennamee
(Luq. 19:11-27)
14 #
21:33; Mar. 13:34 Yesuus ammallee, «Jeennanni sami'ii nama biyya biraa deemu'uuf ka'ee, hojjattoota ufii waamee qabeenna qabu amaanaa isaanitti kennate tokko fakkaatti. 15#Rom. 12:6 Inni akkuma dandeettii isaaniititti tokkoof saantibii worqi'ii kuma shan, kaaniif kuma lama, kaaniillee kuma tokko kennee gara biyya fago'oo deeme. 16Ka saantibii worqi'ii kuma shan fudhate yoma san ittiin daldalee, saantibii worqi'ii kuma shan bu'aa keessaa buufate. 17Akkuma san, ka saantibii worqi'ii kuma lama fudhatellee kuma lama bu'aa keessaa buufate. 18Ka saantibii worqi'ii kuma tokko fudhate ammoo, dhaqee boolla qotee saantibii worqi'ii goofta'aa san awwaale.
19Bara hedduun maayessa gooftaan hojjattoota sanniinii galee isaan tooyate. 20Ka saantibii worqi'ii kuma shanii irraa fudhate gara isaa dhufee, saantibii worqi'ii kuma shanii kennee, ‹Gooftaa'a, ati saantibii worqi'ii kuma shanii natti kenniteerta; kunoo, ani ka biraa saantibii worqi'ii kuma shanii bu'aa irraa buufadheera.› jedhe. 21Gooftaan isaa, ‹Mishaa goote, ati hojjataa amanama'a; waan diqqoo irratti amanamteerta, ani waan heddu irratti si muuda; koottuu gammachu'uun gara hulee gooftaan kee sii qopheessee seeni!› jedheen. 22Ka saantibii worqi'ii kuma lama fudhatellee dhufeeti, ‹Gooftaa'a, ati saantibii worqi'ii kuma lama natti kennitee turte; kunoo, ani ka biraa saantibii worqi'ii kuma lamaa bu'aa buufadheera.› jedhe. 23Gooftaan isaa, ‹Mishaa goote, ati hojjataa amanamaa'a waan diqqo'otti amanamteerta hedduu irratti si muuda gammachu'uun gara hulee gooftaan sii qopheessee seeni› jedheen. 24Ka saantibii worqi'ii kuma tokko fudhatellee gara isaa dhufee, ‹Gooftaa'a, ati bakka itti hin facaafnee akka haamattu bakka itti hin bittinneessinee akka wolitti qabattuu fi nama hamaa #25:24 nama hamaa: gar-jabeessata'uu kankee waan beekuuf; 25si sodaadhee, dhaqee saantibii worqi'ii kee boollatti awwaale, kanaaf saantibii worqi'ii kee kunoo ti› jedheen.
26Gooftaan isaa ammoo, ‹Ati hojjataa hama'aa fi ceem'aalessa uduu hin facaafne akka haamadhu, uduu hin bittinneesine akka walitti qabadhu hin beettaa? 27Ati saantibii worqi'ii kiyya worra saantibii worqi'ii dhalaan fudhatutti kennu'utu si barbaachisa. Anillee dhufee waan qabu bu'aa woliin silaa hin fudha. 28Maarre saantibii worqi'ii irraa fuudha'aatii ka saantibii worqi'ii kuma kudhanii qabuuf kennaa'a. 29#13:12; Mar. 4:25; Luq. 8:18 Ka qabu maraaf itti eda'amee waan kennamuuf, hin baayi'ataafille'e; ka hin qabne ammoo ta qabu sunuu irraa fudhatama. 30#8:12; 22:13; Luq. 13:28 Hojjataa gatii hin qabne kana, dukkana diidaatitti gad gataa'a, achitti booya'aa ilkaan qara» jedhe.
Murtii Dhumaa
31 #
16:27; 19:28; Mudh. Yoh. 20:11-13; Zakkaariyaasii Raatticha 14:5 Yesuus ammallee, «Ilmi Namaa ulfinna ufiitii fi Maleekkota Rabbii maraa woliin hennaa dhufu, teessoo ulfinnaa ka ufii irra taa'a. 32#Hisqeelii Raatticha 34:17; Rom. 14:10 Worri Yihuudota hin taane maruu afoo isaatitti wolitti qabaman; akkuma tisseen Hoolotaa fi Re'iin addaan fooyu, innillee akkasuma namoota addaan fooya. 33Hoolota mirga ufiititti, Re'iin ammoo bitaa ufiitiin dhaabsisa. 34Worra mirga isaa jiraniin, mootichi akkana jedhaan, isin eebbifamtoota abbaa kiyyaa koottaa'a; Hennaa biyyi lafaa uumame irraa jalqabee jeennata isinii qophaaye dhaalaa'a. 35#Isaayyaasii Raatticha 58:7 Beelayee na nyaachiftaniirtan, dheebodhee na obaaftaniirtan, keessummaa ta'ee na keessummeessitaniirtan, 36daaree, daara na baaftaniirtan, dhibamee na gaafattaniirtan, hidhameellee na gaafattaniirtan. 37#6:3 Qajeellonni deebi'aniiti akkana isaan jedhan, ‹Gooftaa'a, beeloftee yoom si arginee si nyaachifne? Yookiin dheebottee arginee yoom si obaafne?
38Keessummaa taatee arginee yoom si keessummeessine? Yookiin daartee arginee yoom daara si baafne? 39Yoom dhibamtee yookiin hidhamtee arginee si gaafanne? jedhaniin. 40#10:42; Kitaaba Fakkeennaa 19:17 Mootichillee deebisee, «Ani dhugamaan isiniin jedha, obboleeyyan tiyya worra maraa caalaa didiqqaa kanniin keessaa tokkoof ka gootan, akka waan naaf gootanii ti!» isaaniin jedhe.
41 #
7:23; Mar. 9:48; Mudh. Yoh. 20:10, 15 Hennaa san worra bitaa irra jiraniin ammoo, ‹Isin worra abaarame na biraa fagaadhaa'a; gara ibidda bara baraa ka seexanaa fi ergamtoota isaatiif qophaayeetitti deemaa'a! isaaniin jedhe. 42#Yaq. 2:15, 16; 4:17 Beelayee na hin nyaachifne, dheebodhee na hin obaafne, 43Keessummaa ta'ee na hin keessummeessine, daaree daara na hin baafne, dhibamee, hidhameellee na hin gaafanne› jedha.
44Achiin maayessa isaanillee deebisanii, ‹Gooftaa'a, beeloftee, yookiin dheebottee, yookiin keessummaa taatee, yookiin daartee, yookiin dhukkubsattee, yookiin hidhamtee si arginee, yoom si gargaaruu dhabne?› jedhaniin. 45Hennaa san mootiin deebisee, ‹Ani dhugamaan isiniin jedhaa, worra maraa caalaa didiqqaa kanniin keessaa tokkoof waan hin gooneef, naafillee ammo womaa hin goone› jedhee isaanii deebise. 46#Yoh. 5:29; Daani'eelii Raatticha 12:2 Worri kun gara adabbii bara baraa, qajeellonni ammo gara jireenna bara baraa galan» jedhe.
Nu markerat:
Oduu Nagayaa Ka Maatewoosii 25: WLNT
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Arsi-Bale Oromo New Testament, Literal Type Translation © Light of Hope Ministry, 2013.
