Fuɗɗoode 10
10
Ƴuwdi Nuuhu
1Inan ƴuuruɓe e Nuuhu: Saam e Haam e Yaafet. Caggal ilam tuufaanu, ɓe keɓi ɓiɓɓe. 2Ɓiɓɓe Yaafet worɓe wo: Gomer e Magog e Medi e Yawan e Tubal e Mesek e Tiras. 3Ɓiɓɓe Gomer worɓe wo: Askanas e Rifat e Togarma. 4Ɓiɓɓe Yawan worɓe wo: Elisa e Tarsis e Kittiminkooɓe e Dodaniminkooɓe. 5Kamɓe ngoni maamiraaɓe lenyi jooɗiiɗi ley duuɗe e daaɗe maayooji. Ɓeye fuu e leydi muɓɓen e ɗemngal muɓɓen fodde cuuɗi baaba muɓɓen e sii muɓɓen.
6Ɓiɓɓe Haam wo: Kuus e Misira e Put e Kanaana. 7Ɓiɓɓe Kuus wo: Seba e Hawila e Sabata e Raama e Sabteka. Ɓiɓɓe Raama wo: Saba e Dedan.
8Kuus rimi Nimrod. Oon artii laataade gorko cemmbiɗinɗo ley adunaaru.
9O laatii lohotooɗo cuusuɗo yeeso Joomiraaɗo. Ɗum waɗi de ina wi'ee: «Lohotooɗo cemmbiɗinɗo yeeso Joomiraaɗo hono Nimrod.» 10Galluuje arane ley laamu makko wo: Baabiila e Erek e Akkat e Kalne ley leydi Sinar. 11O ƴuwi leydi ndiin, o yehi leydi Asuura. O nyiɓi Niniwe e Rehobot-Ir e Kalak 12e Resen hakkunde Niniwe e Kalak. Niniwe woni huɓeere kela mawnde. 13Misira rimi Luudinkooɓe e Anaminkooɓe e Lehabinkooɓe e Naftunkooɓe 14e Patursinkooɓe e Kaslunkooɓe e Kaftorinkooɓe ɓe Filistiyankooɓe ƴuuri e muɓɓen ɓeen. 15Kanaana rimi afo muuɗum na wi'ee Sidon e ɗiɗaɓo muuɗum na wi'ee Hetu, 16e Yebusinkooɓe e Amorinkooɓe e Girgasinkooɓe, 17e Hewinkooɓe e Arkinkooɓe e Sininkooɓe, 18e Arwadinkooɓe e Jemarinkooɓe e Hamatinkooɓe. Caggal ɗuum ƴuwdi Kanaaninkooɓe sankitii. 19Leydi Kanaaninkooɓe fuɗɗi gilla Sidon faa yaade heedde Gerar, faa yottowoo Gaaja, kam e Sodoma e Gomoora e Aduma e Seboyim faa yottowoo Lesaa. 20Ɓeen ngoni ɓiɓɓe Haam fodde cuuɗi baaba muɓɓen e ɗemle muɓɓen e leydi muɓɓen e siiji muɓɓen.
21Saam du heɓi ɓiɓɓe, kam woni maama ƴuwdi Eber fuu. Saam wo mawno Yaafet.
22Ɓiɓɓe Saam worɓe wo: Elam e Asuura e Arfasad e Ludu e Aram. 23Inan ɓiɓɓe Aram worɓe: Us e Huul e Geter e Mas. 24Arfasad rimi Seela, Seela rimi Eber. 25Eber rimi ɓiɓɓe worɓe ɗiɗo. Innde gooto wo Peleg, sabo e jamaanu makko yimɓe adunaaru peccii.#10:25 Maanaa Peleg e Ibraninkoore woni feccaade. Innde sakiike makko wo Yoktan. 26Yoktan rimi Almodad e Selef e Hasar-mawet e Yera, 27e Hadoram e Usal e Dikila, 28e Obal e Abimayel e Seba, 29e Ofir e Hawila e Yobab. Ɓee fuu wo ɓe ɓiɓɓe Yoktan. 30Joonnde maɓɓe fuɗɗi gilla Mesaa ɗakkol Sefaar faa yottii baamle lettugaaje.
31Ɓeen ngoni ɓiɓɓe Saam fodde cuuɗi baaba muɓɓen e ɗemle muɓɓen e leyɗe muɓɓen e siiji muɓɓen. 32Ɓeen ngoni ƴuwdi ɓiɓɓe Nuuhu fodde cuuɗi baaba muɓɓen e sii muɓɓen e lenyi muɓɓen. E maɓɓe lenyi keddiiɗi fuu ƴuuri de cankitii e adunaaru caggal ilam tuufaanu.
Nu markerat:
Fuɗɗoode 10: FBF
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
© SIM International 2012, 2022