Luka 4
4
1Jesu parishudhātma nenzitasi āhi Jordanu kaddati wenḍe wāhiwaha ātma walla zāḍataki ōtasi āhi
2rī kōḍi nēẓung asaitānu hāte parhitasi ātesi, ē nēẓungaña evasi ēnaawa tinnaatesi, ēwi rāthi ḍāju evasi hakki ājaliĕ
3saitānu:— nīnu Paramushreeni mrīenati ātihe heera mlīni lehe ī walli tulle weh’mu inzihi evani tulle westesi.
4ēdānaki Jesu; — mānēi he’era walla mātromi nīduusi inzihi rāẓitai āha manne inzihi evanaki utromi hittesi.
5embatiĕ saitānu evanaï ōhi hazziwaha bhūmi rāzinga bahē ro gāḍekatakiĕ evanaki tōsiwaha; —
6ī adhikāromi bahee ī rāzingti mahimee ninge hījaï, ēdi nange herpitai āha manne, ēdi īmbaanaki hījali māndi maïā evanaki hīi.
7lakka nīnu nange zohorkījatihe īdi bahē ninge ājanema inzihi evani tulle westesi.
8ēdānaki Jesu:—
nī Paramushreela āti prabhutaki zohorkīhiwaha
evanaki mātromi sēba kījali walle
inzihi rāẓitai āha manne inzihi evani tulle wenḍe westesi.
9ēḍāju evanaï Jerushalemu tāna ōhi hazziwaha gūdi tībrita evanaï niphiwaha:— nīnu Paramushreeni mrīenati ātihe:— imbati lōki gethamu,
10ninnaa kātali nī kōsomi tani dūtangaki hello hīnesi
11nī pa’ana eẓẓela ātiwa wallita blūarettu evari ninnaa keska tulle perha koddineri inzihi rāẓitai āha manne inzihi evani tulle westesi.
12ēdānaki Jesu:— nī Paramushreela āti prabhuï parhani, inzihi westai āha manne inzihi evanaki utromi hittesi.
13saitānu wālati parhinani muthiwaha, tagiti samēmi wāni pateka evanaï pissa haẓẓesi.
14embatiĕ Jesu ātma blājutasi āhi Galilaja tāna wenḍe haẓẓesi; evani bakkiti samachāromi ē rāzi hallehe wēngite.
15evasi bahēti hāte ghanomi pātiwaha evari sunagōgungaña bōdha kīhihi wātesi.
16ēḍāju evasi tānu paddāti Nazarethu tānu wātesi. tani tīruti lehe zōmini nēzuta sunagōgungaña hazziwaha ẓaduwali niẓẓi manzaliĕ,
17gūrū āti Jeshaja grandhomi evani kējuta hittai āte. evasi grandhomi rikhaliĕ:—
18prabhu ātma nā muhe manne
kākuli gattaraki suwarta wēkhali
evasi nannaa dōlhatesi
keidi‐hāalata mannaraki pispikīnaniĕ
guḍilangaki meh’naniĕ wēkhali
wizitaraki pītowi kīnaniĕ
19prabhu nehi barsa wēkhali
evasi nannaa panditesi.
inzihi rāziti tāju evanaki mēḍa āte.
20,21evasi grandhomi trephiwaha gottingki hīhiwaha kuggitesi. sunagōguta mannari waẓee evani bakki messaliĕ evasi:— nēẓutaki mi krīkaki ī rāẓitai mlīte inzihi evari tulle wessali māthesi.
22embatiĕ waẓẓē zāna evani bakki sāki kīhihi, evani gūtitī wāti daja gatti zōkoḍitaki iẓintromi āhi:— īvasi Josepu mrīesī āusiki? inzihi inpi āhi manzaliĕ
23evasi evaraï messiwaha:— osso gūrū, ninnaa nīnuē othakoddamu inni pāḍa wessiwaha, Kapernahumta imbini kammanga nīnu kēpiti inzihi weẓẓomiā ē kammanga ī nī koshteti dēshomita kēpamu inzihi mīmbu sattati nā tulle weh’deri iẓẓesi.
24ōḍee evasi:— imbini gūrū ātiwa tani koshteti dēshomita helluusi inzihi mī tulle sattaninga wessi manzaï.
25,26Elīja nēẓungaña tīni barsa sō lēska hāgu plīkhai āhi dēshomi hallee kazza karuwu kittati Ishraeluta hāra zāna rāndiska maẓẓi zakke, Elija Sidonuta manni Sarepta innī gāḍata manni ro rāndi tānee samma ōḍe imbaari tāna pandaatesi.
27ōḍee gūrū āti Elisha wēḍata Ishraeluta hāra zāna kushtu dukhagattari maẓẓiwa Suria dēshomitasi āti Najemanu āanaha ōḍe imbaasiwa othaatesi inzihi nānu sattee mī tulle wessi manzaï.
28sunagōguta mannari waẓẓe zāna ē hāḍanga wenziwaha
29kōpati nenzāhi ningiwaha evanaï gāḍati hōpha tusiwaha evanaï trāju zēspi kīhi trokhali inzihi tami gāḍa dosti hōru tīpri pāteka evanaï ōhi haẓẓeri.
30ātihe evasi evari maddi glāẓihi zījuti haẓẓesi.
31embatiĕ evasi Galilajata manni Kapernahumu gāḍa tāna wāhiwaha zomini nēẓuta evaraki bodha kīhi maẓẓesi.
32evani zōkoḍi adhikāromiti kūḍitai aha maẓẓe, lakka evari evani bōdhataki iẓintromi āteri.
33ē sunagoguta pōlaa pēnu asti roosi maẓẓesi.
34evasi:— kahi, Nazarethutati āti Jesu! nī tulle mange ēnai? mammaa mrekhali wātikī? nīnu imbaatiā nānu puï; nīnu Paramushreeni parishudhutati inzihi danzee killeḍi kitte.
35ēdānaki Jesu:— tambamu, ivanaï pissa hallamu inzihi ēdāni shikhaliĕ pōlaa pēnu evanaï ē maddi trokhiwaha evanaki ēnaa hersaanaha pissa haẓẓe.
36ēdānaki bahē zāna addazakka āhiwaha:— īdi eniti hāḍa? īvasi adhikāromiti blājuti pōlaa pēnkaki hellohījaliĕ, evi pissa hannu inzihi rooni tulle roosi wessa kodditeri.
37embatiĕ evani bakkiti samachāromi ē rāzita hallee wēngite.
38evasi sunagōguti ningiwaha Simonu izzo haẓẓesi. Simonu pōja hāre nōmeri tulle torga maẓẓe lakka ēdāni kōsomi evani tāna manawi kitteri.
39evasi ēdāni daggire niẓẓiwaha, nōmeriti shikhaliĕ, ēdi ēdāni piste; zēẓoĕ ēdi ningiwaha evaraki sēba kījali māthe.
40wēḍa kluhi mannati wālati wageli nōmerika walla kākuli ānari imbaaimbaari daggire maẓẓeriā, evari bahē ē rogingani evani tāna taẓi wāteri; embatiĕ evasi evari lōni wālatani muhe keska ittiwaha evaraï othi kittesi.
41iẓẓekee āanaha pōlaa pēnka:— nīnu Paramushreeni mrīenati! inzihi killeḍi kīhi, hāra zānaï pissa haẓẓu; evasi Kristu inzihi ēwi punza maẓẓu, lakka evasi evaskani shikhiwaha evaskani zōlali hīatesi.
42wējiti ḍāju evasi hōẓiwaha zādata haẓẓesi, zana samuhomi evanaï tāsihi evani tāna wāhihi tammaa pih’aki niphiwaha,
43evasi:— nānu etkeeti gāḍangaña Paramushreeni rāziti suwarta wēkhali walle; īdāni kōsomiĕ nānu panḍitatee inzihi evari tulle westesi.
44ḍāju evasi Judaja sunagogungaña wēkhi maẓẓesi.
Nu markerat:
Luka 4: KUVI
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Published by the British and Foreign Bible Society in 1916.