1 Musa 9
9
Padan Dèbata dekket si Noak
1 #
1 Ms. 1:28
Ipasu-pasu Dèbata mo si Noak dekket dukak-dukakna i, nina mo, “Merrak-merrik mo kènè, asa meppar pinemparmu mengiani suberri tanoh èn. 2Karina manuk-manuk dekket ikan bak binatang sidèban i, kennah tunduk bamu. Rajai mo i karinana. 3Ndorok ngo ipangan ko karinana idi ndorok mahan panganmu, bagima suan-suanen meratah, karinana idi Kuberrèken bamu mahan panganmu. 4#3 Ms. 7:26-27, 17:10-14, 19:26; 5 Ms. 12:16, 23, 15:23 Siso ndorok ipangan kono imo jukut mula isidi dèng darohna, ai ibagasen daroh i ngo kessah. 5Gennep jelma dekket binatang simemunuh jelma kennah hukumen matè. 6#1 Ms. 1:26; 2 Ms. 20:13 Tosè baKu ngo jelma i itempa; kumarnana i, barang isè memunuh jelma ia pè kennah ibunuh jelma ngo.
7 #
1 Ms. 1:28
Asa, kennah merrak-merrik mo kènè asa i iani pinempar ndènè suberri tanoh èn.”
8Nina Dèbata Jahowa mo taba si Noak dekket taba dukak-dukakna, 9“Bagèndari Kubaing mo padan dekket kènè soh mi pinempar ndènè 10dekket karinana simenggormit imo manuk-manuk bak karina binatang darat bang taba karina sikaruar i keppel i nai sirebbak dekket kènè. 11En mo padanKu dekket kènè: Kumangmangken mo oda nè ripasenkenku karinana simenggormit merkitè laè mengeraja. Oda nè masa laè mengeraja mengeripasken tanoh èn. 12En mo mahan pertandaen padanKu soh mi amman sumendah; siKubaing dekket kènè karina simenggormit, 13Kubaing mo bintoha i abang-abang i mahan tanda padanKu dekket dunia èn. 14Gennep Kusangkemmi langit i, merkitè hembun taridah mo bintoha, 15Kuèngèt mo padanKu bamu dekket taba karina simenggormit, magahken oda nè lot laè mengeraja lako mengeripasken karinana simenggormit. 16Mula taridah bintoha i hembun i, Kuidah ma mo i janah kuèngèt padan sihot soh mi amman sumendah, imo padanKu dekket karinana simenggormit i tanoh èn. 17Imo pertandana padanKu sikupadanken taba karina simenggormit i tanoh èn.”
Si Noak dekket dukak-dukakna
18Ukum dukak-dukak si Noak sikaruar i keppel i nai imo si Sem, si Japet dekket si Ham. (Si Ham imo empung kalak Kanaan). 19Anak si Noak sitellu i imo empung karina jelma i tanoh èn.
20Peruma-uma ngo si Noak, ia ngo perlebbè kalohon merpekken anggur. 21Enggo kessa pul iènum si Noak anggurna i, mabuk mo ia. Italkasi mo karina olesna, nai meddem mo ia i undung-undungna, lubus oda meroles. 22Tikan idah si Ham bapa si Kanaan, bapana i lubus, laus mo ia magahken i taba dengan sibeltekna sidua i. 23Nai ibuat si Sem dekket si Japet mo sirambar jubah janah isangkemken mi bara kalak i. Merdalan sondar mo kalak i mi undung-undung i, nai icabingi kalak i mo bapana i dekket jubah i. Ipepèol kalak i ngo penèngenna asa ulang idah kalak i bapana lubus i. 24Enggo kesa satdar si Noak i mabukna i nai janah ibettoh kessa sinibaing anakna siampun-ampun i mi dirina, 25nina mo,
“Kenna sempetta mo Kanaan!
Gabè pacik gorisen mo ia bai kaka-anggina.
26Poji mo Jahowa, Dèbata si Sem!
Ukum Kanaan gabè hamba si Sem mo.
27Dak itambahi Dèbata mo pasu-pasuna bai si Japet merkitè dak ipebellang bekkasna merian.
Katerra pè pemparenna rebbak merian dekket pemparen si Sem.
Ukum Kanaan gabè hamba si Japet.”
28Enggo kessa laè mengeraja i, nggelluh dèng ngo si Noak 350 tahun nai.
29Matè mo ia tikan merumur 950 tahun.
Nu markerat:
1 Musa 9: LAIBTD
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)