Luka 1
1
1Kûrî mûgathe Theofilo:
Andû eengî nîmarîkîtie kwandîka ûvoro wîgiî maûndû marîa mekîkîte gatagatîrî getû. 2Maandîkire kûringana na ûrîa twîrîtwe ûvoro nî andû arîa moonire maûndû mama kuuma wa Kîammbîrîria na andû arîa maavunjagia ndûmîrîri ya Ngai. 3Kwoguo Theofilo, nie nîrona kwagîrîrîte ngwandîkîre na njîra mbaro mûtaratara wa ûrîa maûndû mau meekîkire, nîûndû nie nînaamarûmîrîre waro kuuma wa Kîammbîrîria Kîammo. 4Nie nîrakwandîkîra nîguo ûmenye ûma wonthe wa maûndû marîa ûmenyithîtue.
Mûraika nîwanîrîre gûciarwa kwa Johana Mûvatithania
5Vîndî îrîa Herode aarî mûthamaki wa Judea,#1.5 Judea: Ava Judea îronania Vûrûri wonthe wa Palesitina. kwarî na mûthînjîri-Ngai wetagwa Zakaria, ûrîa warî wa gîkundi Kîam athînjîri-Ngai Kîam Abija. Mûka eetagwa Elizabethi na aarî wa mûvîrîga wa Aroni. 6Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke. 7Matiarî na ciana nî ûndû Elizabethi aarî nthata, na wa oîrî maarî akûrû mûno.
8Mûthenya ûmwe Zakaria nîwarutaga wîra wa gûtungata hekarûrî arî mûthînjîri-Ngai vîndî ya gîkundi kîrîa aarî wakîo. 9Rîrîa mîtî yaikirue kûringana na mûtugo wa athînjîri-Ngai, Zakaria nîwathuurirwe kuuma gîkundirî gîake nîguo atonye hekarûrî na avîvie ûbani. 10Nao andû eengî nîmaavoyaga marî nja vîndî îrîa ûbani wavîvagua.
11Zakaria arî kûu hekarûrî ndarî, mûraika wa Mwathani nîwamumîrîre na akîrûngama mwenarî wa ûrîo wa metha ya kîgongoona îrîa yavîvagîrua ûbani. 12Vîndî îrîa Zakaria oonire mûraika ûcio nîwamakire na agîcûrwa nî guoya. 13Nwatî mûraika ûcio nîwerire Zakaria atîrî, “Zakaria, ndûkegue guoya. Ngai nîwîguîte mavoya maku. Mûkaguo Elizabethi nîagûgûciarîra mwana wa kavîcî na ûkaagatuîra rîîtwa Johana. 14We nîûgaakena na ûcanjamûke na andû engî eengî nîmagaakena vîndî îrîa agaaciarwa. 15#Nda 6.3 Nîûndû nîagaatuîka mûndû mûnene methorî ma Mwathani. Nake ndakaanyua ndivei wana kana anyue njovi. Kuuma gûciarwa gwake nîakethîrwa ecûrîtwe nî Roho Mûtheru. 16Na nîakaagarûra andû eengî a Isiraeli nîguo macokerere Mwathani Ngai wao. 17#Mal 4.5-6 Nîakaathiî mbere ya Mwathani arî na Roho na vinya wata mûrathi Elija. Nîagaatûma methe mendane na ciana ciao; na acoke agarûre andû arîa aremi magîe na ûûgî wata wa andû arîa athingu na avarîrie andû nîguo meterere Mwathani.”
18Zakaria nîwaûririe mûraika ûcio atîrî, “Ngaamenya atîa maûndû mau, nîûndû nie nîrî mûkûrû na mûndûmûka wakwa wa nake nî mûkûrû?”
19 #
Dan 8.16; 9.21 Nake mûraika ûcio nîwamûcokerie atîrî, “Nie nînie Gaburieli na nûngamîte mbere ya Ngai ûrîa ûndûmîte mbûke ngûkinyîrie ûvoro ûyû mwaro. 20Na nîûndû nîwarega gwîtîkia ûvoro ûcio nakwîra, ndûkaavotaga kwaria nginya mûthenya ûrîa maûndû mama makaavingua mavinda mamo marîa magîrîrîte makinya.”
21Vîndî îo andû arîa meetererete Zakaria aume hekarûrî, nîmaamakire mûno na makîrigwa nî kîrîa gîatûmîte atinde kûu mûno. 22Rîrîa aaumire hekarûrî, nîmaamenyire atî nîwonete kîoneki nîûndû wana ageria kûmarîria, ndaavotaga. Nake nîwambîrîrie kûmarîria na ciîko na kuuma vingo îo agîkara atakûvota kwaria. 23Rîrîa kavinda gake ga gûtungata hekarûrî kaathirire, Zakaria nîwenûkire gwake mûciî. 24Nayo mîthenya mînini yavîtûka, mûka Elizabethi nîwagîre îvu. Elizabethi nîwekarire ethithîte îvinda rîa mîeri îtano na akaugaga atîrî, 25“Rîu Mwathani nîandethetie na akanthengutîria gîconoko gîakwa mbere ya andû!”
Gûciarwa kwa Jesû nîkwanîrîrwe
26Mwerirî wa gatandatû wa Elizabethi kwîthîrwa arî îvu, Ngai nîwatûmire mûraika Gaburieli îtûûrarî rîa Nazarethi kûu Galili. 27#Mat 1.18 Aamûtûmire kûrî mwîrîtu nthingi wetagwa Mariamu ûrîa maarîkanîrîte na mûndû wetagwa Josefu atî nîmakûvikania. Josefu aarî wa rûciaro rwa Daudi. 28Mûraika ûcio nîwathiîre kûrî Mariamu na akîmûkethia atîrî, “Wî mwaro? We wî mûrathime mûno! Mwathani arî vamwe nawe!”
29Nake Mariamu egua rûkethi rûu rwa mûraika, nîwatangîkire mûno na akîambîrîria gwîciiria ûrîa rûkethi rûu rwendaga kuga. 30Nwatî mûraika nîwamwîrire atîrî, “Mariamu, tiga kwîgua guoya; Ngai nîmûgûkinyîriu wega wake. 31#Mat 1.21 We nîûkûgîa îvu na ûciare mwana wa kavîcî ûrîa ûgatuîra rîîtwa Jesû. 32#2Sam 7.12,13,16; Isa 9.7 Nake nîagaatuîka mûndû mûnene na nîagetagwa Mûrû wa Ûrîa ûrî Îgûrû Mûno. Mwathani Ngai nîakaamûtua mûthamaki wata Daudi, îthe wake wa tene. 33Nake nîagaatuîka mûthamaki wa andû a Isiraeli tene na tene. Naguo ûthamaki wake ndûkaathira!”
34Nake Mariamu nîwaûririe mûraika ûcio atîrî, “Ûguo kûngîvotekeka atîa na nie nîrî nthingi?”
35Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai. 36Na rîu wana Elizabethi mûndûmûka ûrîa wa mbarî yenyu na ûrîa wîrîkanaga atî nî nthata, wa nake arî ûkûrûrî wake nîagîte îvu. Ûyû nîguo mweri wa gatandatû kuuma agîa îvu, 37#Kîam 18.14 nîûndû gûtirî ûndû Ngai atangîvota gwîka.”
38Nake Mariamu nîwerire mûraika ûcio atîrî, “Nie nîrî ndungata ya Mwathani, nîmbîkwe wata ûrîa we wauga.” Nake mûraika ûcio nîwamûtigire.
Mariamu nîwathiîre gûkethia Elizabethi
39Vuva wa ûguo Mariamu nîwevarîrie na akîthiî îtûûrarî rîmwe rîrîa rîarî vûrûrirî ûrîa ûrî irîma wa Judea. 40Rîrîa aakinyire kuo nîwatonyire nyomba kwa Zakaria na agîkethia Elizabethi. 41Rîrîa Elizabethi egwire ngethi cia Mariamu, mwana ûrîa warî îvurî rîake nîwathagatire. Nake Elizabethi nîwecûrirwe nî Roho Mûtheru, 42na akiugîrîria na mûgambo mûnene akiugaga atîrî, “We ûrî mûrathime gatagatîrî ga aka onthe, wana mwana ûrîa ûgaaciara nî mûrathime! 43Ûndû ûyû mûnene ûguo wekîka kûrî nie nîkî, atî ng'ina wa Mwathani wakwa aûke gwakwa kûngethia? 44Nîûndû kavinda karîa mbîgwire wangethia, mwana ûrîa ûrî îvurî rîakwa nîathagatire nî gûkena. 45Kûrathimwa nîwe nîûndû nîwetîkirie atî ndûmîrîri ya Mwathani kûrî we nî îkûvinga.”
Rwîmbo rwa Mariamu rwa kûgatha Ngai
46 #
1Sam 2.1-10
Nake Mariamu nîwaugire atîrî:
“Ngoro yakwa nîragûkumia Mwathani:
47na roho wakwa nî ûkenete,
nîûndû wa Ngai Mûvonokia wakwa,
48 #
1Sam 1.11
nîûndû nî andirikanîte
nie mwînyivia ndungata yake!
Kuuma rîu andû onthe makaambîtaga mûrathime,
49nîûndû wa maûndû manene marîa Ngai mwene vinya ambîkîrîte.
Rîîtwa rîake nî rîtheru;
50nacio ntha ciake nî ikinyagîra arîa onthe mamûtîîte,
kuuma rûciaro rûmwe nginya rûrîa rwîngî.
51Nî ekîte maûndû manene na njara ciake,
nîanyagarûkanîtie arîa etîi wa na mîvango yao.
52 #
Ayu 5.11; 12.19 Nî agwîthîtie athamaki makauma itîîrî ciao cia ûthamaki,
na akanenevia arîa menyivagia.
53Arîa avûtu nî amavaithîtie na indo mbaro,
na akengata itonga ithiî njara ntheri.
54Nîaigîte kîrîkanîro kîrîa erîîre methe metû,
nî atethetie Isiraeli ndungata yake.
55 #
Kîam 17.7
Wa ta ûrîa erîîre methe metû,
nîakeguîra Iburahimu na njiarwa ciake ntha tene na tene!”
56Nake Mariamu nîwekaranirie na Elizabethi kavinda ka mîeri ta îthatû na agîcoka akîînûka.
Gûciarwa kwa Johana Mûvatithania
57Kavinda ka Elizabethi ga kûgîa mwana nî gaakinyire na agîciara kavîcî. 58Rîrîa andû a îtûûra arîa maatûûranîrîte na Elizabethi wa vamwe na andû a mûciî wao meegwire ûrîa Mwathani aamwîkîte waro, nî maakenanîre nake.
59 #
Ala 12.3
Rîrîa mwana ûcio aathiririe mîthenya înana kuuma aciarwa nîwaruithirue. Andû meendaga mwana ûcio atuîrîrwe rîîtwa etwe Zakaria wa ta ûrîa îthe eetagwa. 60Nwatî ng'ina nîwamerire atîrî, “Naarî! Mwana agetagwa Johana.”
61Nao andû nîmaamwîrire atîrî, “Tatarania wone atî gûtirî mûndû wa na ûmwe wa mûciî wenyu wîtagwa ûguo!” 62Nîmaacokire makîarîria îthe wa mwana ûcio na ciîko makîmûûria rîîtwa rîrîa ke eendaga mwana ûcio etwe.
63Nake Zakaria nîwetirie rûvaû rwa kwandîkîra na akîandîka atîrî, “Rîîtwa rîake nî Johana.” Nao andû onthe makîmaka mûno. 64Vîndî wa îo Zakaria nîwavotire kwaria na akîambîrîria gûkumia Ngai. 65Nao andû onthe arîa maatûûranîrîte nake nî meegwire guoya mûno. Naguo ûvoro ûcio nîwataambire kûndû kuonthe vûrûrirî ûrîa ûrî irîma wa Judea. 66Andû onthe arîa meegwire ûvoro ûcio nîmawîciragia na makîûria atîrî, “Angwa nîkwa mwana ûyû agaatuîka û?” Nîûndû nî kwonekanaga waro atî vinya wa Mwathani warî vamwe nake.
Ûrathi wa Zakaria
67Nake Zakaria îthe Johana, nîwecûrirwe nî Roho Mûtheru na akîratha atîrî:
68“Mwathani Ngai wa Isiraeli arokumua!
Nîûndû nîacerere andû ake,
na akamakûûra kuuma ûkomborî.
69Nîatûvete mûvonokia ûrî na vinya,
ke nî njiarwa ya Daudi ndungata yake.
70Nîweranîre kuuma tene,
na tûnyua twa arathi ake atheru,
71atî nîagaatûvonokia kuuma kûrî nthû cietû,
na nginya kuuma njararî cia andû onthe arîa matûmenete.
72Ke nîwaugire atî nîakeeguîra methe metû ntha,
na aririkane kîrîkanîro gîake kîtheru.
73Ke nîwevîtîre îthe wetû Iburahimu akîmwîra,
74atî nîagaatûvonokia kuuma njararî cia nthû cietû,
na atwîtîkîrie tûmûtungatagîre tûtarî na guoya,
75na tûtûûre tûrî atheru na athingu methorî make,
mîthenya yonthe ya ûtûûro wetû.
76 #
Mal 3.1
“Nawe mwana ûyû wakwa ûgeetagwa mûrathi wa Ngai Ûrîa Ûrî Îgûrû Mûno.
Nîûkaathiî mbere ya Mwathani,
kûmûthondekera njîra ciake.
77Nîûkaamenyithia andû ake atî nî makaavonokua,
na njîra ya kwoverwa mevia mao.
78Ngai wetû arî ntha na nî mûkirîrîria.
Nîagaatûma tûthererwe nî ûtheri wa ûvonokio.
79 #
Isa 9.2
Nîakaatherera arîa mekarîte ndumarî na ûgwatirî wa gîkuû,
na atwerekerie njîrarî ya thayû.”
80Nake mwana ûcio nîwakûrire na roho wake ûkîgîa na vinya. Eekarire werûrî nginya mûthenya ûrîa eyonanithirie kûrî andû a Isiraeli.
Nu markerat:
Luka 1: KKB
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
©Bible Society of Kenya, 2019
