MATIU 4
4
I Setano mo sinasina rongohi Jisas
(Mak 1.12-13; Luk 4.1-13)
1Vunu a Tanungwe Kokona mo tomuaki i Jisas vaki lo vanua vuroki, kwara i Setano* ne sinasina rongohia. #Hib 2.18; 4.15 2I Jisas u rete a rani ngavu kaivati mana bongi ngavu kaivati vunu takuni tiua mo marakatia. #Eks 34.28 3Vunu i Setano mo vanamai vaki maia, mo viti “Diko i nigo i Natu i God, ko kwaha mana vatu vano hika rana bohi kina hinaka.” #Mat 4.6; 27.40
4Vae i Jisas mo daraki mo viti “A Uliuli* Kokona u viti kwara,
‘A tangaloi ranahe toka lai tea kina hinaka kehekeheki,
vae vatavataha na leo rau vanamai ti God,
aia hi ne vai na tangaloi rana ahi.’ ” #Dut 8.3
5Vunu i Setano mo lavi Jisas vaki lo Gwatuivanua Kokona Serusalem, mo taua lo vuhunge na Ingwa Kokona. #Neh 11.1; Aes 52.1; Mat 27.53; Rev 11.2; 21.2,10; 22.19 6Mo viti lakwae kwara, “Diko i nigo i Natu i God, ko rovo hivo, huri a Uliuli Kokona u viti kwara,
‘I God ne kwaha mana nona kaihora tina taetae huriko.’
U viti vake kwara,
‘Rana kwiri halehalekinigo ki kabaga
kwara vae a garumu,
a vatu nehe vai hokotira te vohoki.’ ” #a Mat 4.3; 27.40; b Sam 91.11-12
7Vae i Jisas mo daraki mo viti “A Uliuli Kokona u viti vake kwara,
‘Ko hatu kahi haro na domi na Hugwe a nomu God.’ ” #Dut 6.16; 1 Kor 10.9
8Vunu i Setano mote lavi Jisas vaki lo vuti u tu aulu karakara. Mo vosangia kina mamalukoro na varamana savia mana noga karekarea vunuhia. 9I Setano mo kwaha maia mo viti kwara, “Diko kona sovi hivo vovohiau, kona kaluhakiau, a kinau aira vano hi na bete vunuhira lakwako.” #Dan 3.5,10,15; Mat 2.11; 18.26; 1 Kor 14.25; Rev 4.10; 5.14; 7.11; 11.16; 19.4; 22.8
10Vunu i Jisas mo daraki mo viti kwara, “!Setano! !Vano tiau! A Uliuli Kokona u viti kwara,
‘Kona sovi hivo vovohi na Hugwe a nomu God,
kona kaluhakinia.
Kona boloki lakwae kehekeheki.’ ” #Dut 6.13
11Hikani i Setano mo vano tiua, a kaihora tina taetae ramo vanamai ramo hago mai Jisas.
I Jisas mo tinakaki nona boloki lo vanua Galili
(Mak 1.14-15; Luk 4.14-15)
12Lolona i Jisas mo rongo kwara rau tau i Sione lolo ingwa na gwarugwaru, mo vano vaki Galili*. #Mat 14.2; Mak 6.17; Luk 3.20; Sione 3.24 13Aia he hugu tea lo gwatuivanua Nasaret, vae u vano u hugu lo gwatuivanua Kavaneam, hinea u garagarani mana Kwai* Tokatoka Lakua Galili lo vanua nona gwaloana noi Sevulun mana gwaloana noi Navtali tomua, hinea i rarua i raranatu i Isrel*. #Sione 2.12 14A kinau hi mo mule luna hoki na leo hinea a tangaloi* duruduruki i Aesaea mo vitia tuai kwara,
15“A vanua nona gwaloana noi Sevulun
mana vanua nona gwaloana noi Navtali
i rarua tavaluki tina Kwai Sotan,
lo hala vaki na Kwai Tokatoka Lakua Galili.
A vanua hi a vanua Galili
hinea a tangaloi tavalavarea tina gwaloana noi Isrel
ramo toka eia.
16A tangaloi aira vano hi
rau hugu lolo dodoki,
vae rau tagai na leleha lakua.
Aira hinea rau hugu lo vanua
hinea a dodo na mateana luna,
vae u leleo tiluga.” #Aes 9.1-2 #Luk 1.79
17U tinakaki lo taro hini, i Jisas mo toko heretuva mo viti “Tulu bohi tina nomiu hatiana, huri a taro hinea i God ne hugwe koro na bulana tangaloi u garagarani.” #Mat 3.2; 10.7
I Jisas mo kware na tangaloi na reve ika kaivati
(Mak 1.16-20; Luk 5.1-11)
18I Jisas mo lakao mana Kwai* Tokatoka Lakua Galili*, mo tagai na tangaloi kairua raru vituatua, i Saemon hinea a hinana kairuaki i Pita, mai tuana i Aduru. I rarua a tangaloi na reve ika. Raru vohoki na bulagaru kabe tilolo kwai tokatoka lakua. #Sione 1.40-41 19I Jisas mo kwaha mairarua mo viti kwara, “Kuru huriau, na huhuikamurua kwara kuru ne kwareki a kaireve na tangaloi.”
20Heheriki raru mo tiraki na bulagaru kabe, raru mo huria.
21Mo hena nga mo tagai na tangaloi kairua vake raru vituatua, i Semis mai Sione i raranatu i Seveti. Raru hugu lo agaga mai tamagaru i Seveti, rau tuku vai huri bulaga kabe. I Jisas mo kwarerarua. 22Heheriki raru mo tiraki na aga hi mai tamagaru, raru mo huri i Jisas.
I Jisas u huhui u heretuva mo vakahiki na tangaloi
(Luk 6.17-19)
23I Jisas u vano vunuhi na vanua Galili*, mo huhui lolo vale* rusa na tiutangaroa, mo kwalahaki na Roro Karea kwara i God u tuku boloki vae ne hugwe koro na tangaloi doluaki na varamana. Mo vakahiki na tangaloi tina kaga lengeana a gwatuki u rusa. #Mat 9.35; Mak 1.39 24A rorona mo kwalao laliki doluaki na vanua Siria. Vunu a tangaloi ramo lavira aira vunu hinea rau lenga kina lengeana a gwatuki u rusa, ramo vanamai vaki mai Jisas. A tangaloi aira vano hi, tuaki rau lenga, tuaki a tarabehiga rahe taritarisa tea, tuaki a tanungwe hati rau vaira, tuaki rau tuku matemate, tuaki a tarabehiga rau mate, vae i Jisas u vakahikinira aira vunu. #Mak 6.55-56 25A vao u lakua ramo tiraki na vanua Galili mana Gwatuivanua Hangavulu, mana gwatuivanua lakua Serusalem mana vanua Sutia, mana vanua tavaluki tina Kwai Sotan, ramo huri i Jisas.
Nu markerat:
MATIU 4: HWT
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Havakinau New Testament © Bible Society of the South Pacific, 2016.
