Tin teig trub 7
7
no-yaa pia'g Ravq
1 zyruq kxvq Buaj no-yaa, “meib Zauj meib Eei yetg pyauq Mwavq txig xij zu'g pia'g Ravq a'q. yem naaiq Jaaj luvb Diaq yia pwatg Kuvj meib kanb Navq zruj tu'q hxpg yia Eei Hruq. 2ta'faanb maiq maaib wij Eei scvb Kuq, xij zu'g txb yetg Euvg siag txij, siag taub kruq siag taub Eeid, pia'g Ravq. maaib wij Eei scvb Kuq xij zu'g txb yetg Euvg yetg txij, yetg taub kruq yetg taub Eeid. 3yem Daamb luvb Eei nx'g yetg Euvg xij zu'g txb siag txij, yetg txij maaib nxm kxvj maaib nxm Eeid. xij zu'g Navq naaiq nx siaj Zwrtq nx'g Zauj scvb Kuq Eei mcvg weig pun yem luvb Diaq trug pwrnq. 4yem naaiq mivb siag Nxi Navq, yia xij pun luvb twib Byuvg feij zyepg Nxi feij zyepg mwrnd. yia yaag xij zx'q yia zeij taaib yem Daub peib maaib mcvg Eei Euvb Euvg ka'naaiq myetg Revg.”
5no-yaa zyrug ei Jyenq zyruq Paaiq Eei waag zruj zyavj Revg.
6Byuvb swib imj yemj luvb Diaq uaq zang, no-yaa tu'q lua'g pc'q Havj. 7ninb Zauj ninb Eei aub Jweiq txnb Bwavd pia'g Ravq mivb pyauj Dutq Byuvb swib imj yemj.#matq-Taai 24:38-39; lu-kaa 17:27 8maaib wij fai maiq maaib wij Eei scvb Kuq Zauj nx'g Zauj Exv Daub peib Eei ka'naaiq 9yetg txij yetg txij Eei, maaib taub kruq maaib taub Eeid, taaib Zauj no-yaa pia'g Ravq ei Tinb huvb Paaiq Eei waag. 10Jiaj liud siag Nxi, Byuvb swib imj yemj luvb Diaq a'q.
11no-yaa pwavq lua'g pc'q Havj uaq Havj, Eeig Laaj zyepg Zyetq uaq Nxi, Daub Diaq Eei uamb zivq Beuj Zwrtq, luvb Eei kcvb yetg zuvq Gxi,#2 pi-te 3:6 12twib tomb Byuvg Fiag feij zyepg Nxi feij zyepg mwrnd.
13tovb uaq Nxi, no-yaa Zauj ninb Eei pua taub txn, sem, haam Zauj yaa-fetq Zauj no-yaa Eei auq Zauj ninb Eei pua taub Bwavd pia'g Ravq. 14ninb Bua txb Euvb Euvg Yiab zxib, Euvb Euvg scvb Kuq Zauj Euvb Euvg Exv Daub peib Eei ka'naaiq. ninb Bua yaag txb Euvb Euvg nx'g, se yetg zuvq maaib Daatq Eei ka'naaiq, yetg Euvg ziuj yetg Euvg Eei pwrnq. 15yetg zuvq maaib mcvg Eei ka'naaiq, yetg Euvg maaib yetg Euvg Eei txij, taaib Zauj no-yaa pia'g Ravq. 16taaib pia'g Ravq Eei Euvb Euvg scvb Kuq, maaib taub kruq maaib taub Eeid, ziuj Tinb huvb Paaiq no-yaa Eei waag. zyruq kanb zyrug kwrn Jyenq Ravq Eei kcvb.
Byuvb swib imj yemj luvb Diaq
17Byuvb swib imj yemj Jyenq Dau faauj feij zyepg Nxi. uam pwavq Jyenq faauj, Ravq zyrug yem Daub peib Byrub Jyenq faauj. 18uam pwavq Jyenq faauj, Ravq Byrub Jyenq uamb ming mivb. 19uam pwavq Jyenq faauj Tauj yemj Revg luvb Diaq Lav Jiaj Eei Bovb nivq. 20Zxg cvj yemj faauj zi'g Bovb nivq zyepg Mmd Dx'g.
21Euvb Euvg yem Daub peib maaib mcvg, haib tovd Eei ka'naaiq, se nx'g Zauj scvb Kuq Yiab zxib, haib Exv Dau Eei ka'naaiq Zauj myenb maanb taig Revg mig a'q. 22ta'faanb yem Daub peib maaib mcvg, haib Tauq Qiaj Eei ka'naaiq taig Revg mig a'q. 23yem Daub peib maaib mcvg Eei ka'naaiq yetg zuvq zu'g kwaatq zu'g myetg Revg. lyemb myenb maanb, scvb Kuq, haib Exv Dau Eei ka'naaiq Zauj yem Daamb luvb Eei nx'g zu'g kwaatq zu'g myetg Revg. Kuvj zevg no-yaa cvj Zauj ninb yem Ravq ka'Euad uaq teij Navq.
24uam yemj Jyenq luvb Diaq yetg pc'q Mmd zyepg Nxi.
Nu markerat:
Tin teig trub 7: IuMiNOR
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
ฉบับอักษรโรมันโบราณ © Thailand Bible Society, 2007.