INṬANNA 15
15
Abram kuoma Pathien thuthlung
1Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.
2Abram ruok chun, “Aw Lalpa Pathien, iengam mi pêng i ta? nau nei lovin ka um sawng ding a na, ka ro inkhâwmtu ding chu Damaskaa mi Eliezer hi a ni si a,” a ti a.
3Abram bawk chun, “Ngai ta, chi hrim hrim i mîn thlatir si naw a; en ta, ka ina pieng siehlaw hi ka rohluotu ding a nih,” a ta.
4 #
Gen 17.16,21; 18.10; 21.2 Chun, ngai ta, “Ama kha i rohluotu ding ni naw nih, nanga rîla hung ra ding ngei chu i ro hluotu ding ni lem a tih,” tiin Lalpa thu chu a kuomah a hung tlung a.
5 #
Rom 4.18; Heb 11.12 Chun, ama chu tuolah a ṭhuoi suok a, “Vân tieng khi en la, arasihai khi i tiem thei chun tiem ta khai,” a ta. Chun, ama bawkin, “I thlahai chu khieng zât khi la nîng an tih,” a ta.
6 #
Rom 4.3,9,22,23; Gal 3.6; Jak 2.23 Chun, ama chun Lalpa chu a ring a; chuongchun, ama chun chu chu a felnaah a ruotpêk ta a.
7Chun, a kuomah, “Hi ram hi hluo dinga pe ding che a, Kaldaihai khuo Ura inthawka ṭhuoi suoktu che Lalpa kha ka nih,” a ta.
8Ama chun, “Aw Lalpa PATHIEN, hluong ka tih ti iengtin am hrieng ka ta?” a ti a.
9Ama chun a kuomah, “Bâwngla kum thum mi, kêlpui kum thum mi, berâmchal kum thum mi, le vaṭhu le pârva te mi hung lapêk rawh,” a ti a.
10Chuongchun, chuong po po chu a hung lâk a, a laitakah a khawi seng a, a her pakhat chu a her khingtieng zâwna chun a sie seng a, vatehai ruok chu a khawi ve naw a.
11Chun, vate sa-sel fa mihai chu saruonghai chunga chun an zu fu hlak a, Abram chun a lo hâwl hmang pei a.
12Nisa a tla dier dier laiin Abram chu a lo in dêr el a; chun, ngai ta, inthim nasatak thil râpthlâktak el hin ama a hung inkhum a.
13Chun, Lalpa chun Abram kuomah, “I thlahai chu anni ram ni lovah mikhuolin la um an ta, chutaka chun suokin um an tih ti chiengtakin hre raw khai; chun, kum za li sukinum an ta;
14 #
Tt 7.6-7
chun, rawng an ibâwlpêk ding hnam chungthu khawm chu la ngaituong ka tih, chu hnunga chun sum tamtak neiin la hung suok an tih.
15Nang ruok chu i thlatuhai kuomah thlamuongtakin fêng i ta, tar tak i ni hnungin phûm an ti che.
16Chun, suon linaa chun hitaka hin hung kîr nâwk an tih, Amorhai suolnahai hi a la kim hri si nawh,” a ta.
17Chun, nisa a hung tla a, khuo a hung inthim chun, ngai ta, rawtuina mei khu mup mup le chuong saherhai kâra chun meiser chawk vung vung inlawn inlawn a um a.
18 #
Gen 1.28; Heb 8.10; Gen 17.2,7,9-14,21 Chu ni chun Lalpa chun, “Hi ram hi Aigupta vadunga inthawka vadung lientak (Euphrates vadung) chenin i thlahai kuomah ka pêk tah.
19Ken-hai, Keniz-hai, Kadmon-hai,
20Hit-hai, Periz-hai, Rephaim-hai,
21Amor-hai, Kanaan-hai, Girgashai le, Jebus-hai ram le hin ka pêk bawk a,” tiin Abram kuoma chun thu a thlung ta a.
Nu markerat:
INṬANNA 15: HMOVBSI
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.