THILTHAWHAI 28
28
Paula Malta thlierkârah
1Chun, kan kai zo chun, thlierkâr hming chu Malta a nih ti kan hriet tah a.
2Chu ram mihai chun lunginsiet namênin an mi lo lunginsiet nawh a; ruo a hung sûr lei le a dei leiin mei an sêm a, kan rêngin an mi lo lâwm a.
3Chun, Paula chun thing têl khat ân khâwm a, meia chun a tih a, a lum leiin rûl a hung suok a, a kutah a chuk a, a kawp zing a.
4Chun, chu ram mihai chun thilhring a kuta inkhai zing chu an hmu chun, “Hi mipa hi tuolthattu a ni phawt el, tuisuorieta inthawkin tlân suok sienla khawm, Phuba latu chun a dam a awi ta naw a ni hi,” an ta.
5Nisienlakhawm, ama chun thilhring chu meiah a thinthlâk a, iengkhawm a ti nawh a.
6Anni ruok chun ân vûng amanih, kârloa thia a tlûk nghâl amanih an ring a; chun, sâwttak an nghâk zing a, iengkhawm a ti nawh ti an hriet chun an lungril an inlet a, “Pathien a ni hi,” an ti ta lem a.
7Chun, chu hmun kâwla chun chu thlierkâra laltak a hming Publia ram a um a, ama chun a mi lo lâwm a, ni thum lâwmtakin a mîn tlungtir a.
8Chun, Publia pa chu khawsik le santên invawiin a lo zâl zing a; chun, Paula a kuomah a lût a, a ṭawngṭai a, a chungah a kuthai ân nghat a, a sukdam tah a.
9Chu chu a thaw zo chun, chu thlierkâra natna nei po chu an hung a, an dam tâwl tah a; chuhai chun nasatakin an mi chawimawi a,
10chun, kan fe dingin kan ma- mawhai chu lawngah an sie tâwl a.
Paula Rom a tlung
11Chun, thla thum chenah a hming Dioskuri#Jupitar nau inphir “Kastor” le “Pollux”, Alexandria khaw lawng, thlasika thlierkâra um tah, chu lawnga chun kan fe tah a.
12Chun, Surakus kan sir a, chutaka chun ni thum kan châm a.
13Chutaka inthawkin kan fe kuol a, Regium kan tlung a; chun, ni khat chenah sim thli a hung hrâng a, a zîng nâwk chun Puteoli kan tlung nâwk a.
14Chutaka chun unauhai kan hmuh a, an kuoma ni sari châm dingin an mi thlêm a; chuong ang chun Rom tieng kan fe ta pei a.
15Chun, unauhaiin kan chanchin an hriet phingleh chutaka inthawk chun Appia Dâwr le Khuolbûk pathum chenah mi tuok dingin an hung a; anni chu a hmu chun Pathien kuomah Paulain lâwmthu a hril a, ân sukhuoi tah a.
Rom khuoa Paula thuhril
16Chun, Roma kan lût chun, Paula chu a vêngtu sipai kuomah a khât chaua um an phal a.
17Chun, ni thum chenah Paula chun Judahai hotuhai deu deu a ko khâwm a; chun, an hung inkhâwmin, an kuomah, “Unauhai, mi po po le ei thlatuhai dân chungah iengkhawm ka thaw naw khawmin Jerusalema inthawkin Roma mihai kuomah an mîn tângtir a nih.
18Anni chun an mi suosal zoin thina khawp meu ka chungah iengkhawm a um naw leiin mîn suo an tum a.
19 #
Tt 25.11
Nisienlakhawm, Judahaiin chu chu an sêl leiin Kaisar kuomah intlun naw thei ka ni ta nawh a; nisienlakhawm, ka chihai hêkna neia thaw ka ni nawh.
20Chuong kawnga chun nangni inhmupui ding cheuin le inbiekpui ding cheuin ka ko cheu a nih; Israelhai beisei kân ṭâwmpui leia hi khaidiet hi bun ka ni sih a,” a ta.
21Chun, anni chun a kuomah, “I chanchin Judai rama inthawkin lekhahaiin kan hmu si nawh a, unau- hai hitaka hungin tukhawmin i chunga thupawi an hrilsuok si nawh, phuong khawm an phuong bawk nawh.
22Nisienlakhawm, hi pâwl hi ram tinah hrilsiet a ni sih a, nangin ieng- tin am i ngai a hriet kan nuom,” an ta.
23Chun, ni an tiem a, chu ni chun a tlung inah mi tamtak a kuomah an hung a, zîngkâra inthawkin zântieng chenin an kuomah chu thu chu a hrilfie a, Pathien ram thu ân hriettir a, Mosie Dân Lekhabu thu le Zâwlneihai Lekhabu thuin Isu tieng anni a thlêm a thlêm a.
24Chun, a ṭhenin a thu hril chu an ring a, a ṭhen chun an ring nawh a.
25An inngei ta nawh a, Paulain thu baukhat a hril zoin an suok tah a. A thu hril chu hi hi a nih: — “Thlarau Inthiengin zâwlnei Isai bauin in thlatuhai kuoma a hril kha ân dik ngawt el,
26 #
Is 6.9-10
Hi chihai kuoma hin va hril rawh:
‘Na chun chu hre de ti niu a,
a ngaina ruok chu hre tawp naw ti niu,
Hmu chu hmûng in ta,
hriet chu hre tawp naw ti niu;
27Hi chihai lungril hi a lo ngawng tah a,
An nahai a lo sêt deu a,
An insîm bawk a,
Chuong naw chun ei mitin hmûng ei ta, Ei nain hrieng ei ta,
Ei lungrilin hre bawk ei ta,
Ngha kîr nâwk rawi ei ta,
Amain mi sukdam hlau rawi a tih,’ an tih a,”
a ti kha.
28“Chuongchun, Pathien sandam- na thu hi Jentailhai kuomah inphur a nih ti hi hre ro, anni chun chu ngai khawm ngai an tih,” a ta.
29[Chuongchun, hieng thuhai hi a hril zo chun, Judahai chu an ṭin a, anni le anni nasatakin an insêl a.]#Mss ṭhenah Ch.29na hi a um nawh
30Chun, Paula chu kum hni pumhlûm ama in hawah a um a, a kuoma lût taphawt a lâwm hlak a,
31Pathien ram thu a hril a, Lal Isu Krista thu khawm huoitakin ân chûktir hlak, tukhawmin ama an khap si nawh a.
Nu markerat:
THILTHAWHAI 28: HMARCLBSI
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
