THILTHAWHAI 18
18
Paula Korinth khuoah
1Chuong thil hnunga chun Paula chu Athenia inthawk chu a suok a, Korinthah a fe tah a.
2Chun, a hming Akuila, Juda pakhat a hmuh a, ama chu Ponto rama pieng a nih; Klaudiin Juda po po Roma inthawka suok thu a pêk leiin a nuhmei Priskilla leh Itali rama inthawka hung hlim an nih.
3Chun, Paula chu anni ina chun a tlung tah a; chun, an sinthaw ang thaw a ni leiin anni a hrawn a, an kuomah a thaw ve hlak a; an sinthaw chu puon in siem a nih.
4Châwlni po leh inkhâwmna inah ṭhahnemngaitakin thu a hril hlak a, Judahai le Grikhai chu thlêmthlûk a tum hlak a.
5Chun, Sila le Timothe chu Makedonia rama inthawka an hung thla chun, Paula chu thu hril chauin a um tah a, Isu kha Krista a nih ti Judahai chu a hrilfie a. Nisien- lakhawm, an kalin an hrilpâwi a,
6Paulân a puon a thin a, an kuomah, “In thina maw chu nangnîn phur ro, kei chu ka hul a nih, tuta chen chu Jentailhai lai fe tâng ka tih,” a ta.
7Chun, chutaka inthawk chun a feh a, a hming Tita Justa mi pakhat inah a lût a, ama chun Pathien a biek hlak a; a in khawm chu inkhâwmna in le inzawm a nih.
8Chun, Krispa, inkhâwmna hotu chun, a sûnghai po po leh Lalpa an ring a, Korinth khuoa mi tamtak khawmin an hriet a, an ring a, baptisma an chang tah a.
9Chun, zânah Lalpain Paula kuoma chun mang angin, “Ṭi naw la, to loin thu hril pei rawh,
10kei i kuomah ka um annâwm, sukna ding chein tukhawmin i chungah kut thlâk naw ni hai; hi khuoa hin mi tamtak ka nei sih a,” a ta.
11Chun, Paula chu chutaka chun, an kuomah Pathien thu inchûktirin kum khat le thla ruk a um a.
12Chun, Gallio, Akaia rama lal aiawa a um laiin Judahaiin inthu- ruolin Paula an thaw a, rorêlna ṭhungpha hmaah an ṭhuoi a,
13“Hi mipa hrep hin Dân naw anga Pathien be dingin mi a thlêm- thlûk hlak a nih,” an ta.
14Chun, Paulain a dawn tâwmin, Gallio chun Judahai kuomah, “Judahai, hieng hi thil indiknaw thu amanih bêk ni sienla, matheiloin ngaisak ka ti cheu a;
15nisienlakhawm, thuhai, hming- hai, nangni dân chung thuhai mei mei a ni chun, nangnîn rêl lem ro; kei chu chuong ang thu chu ngaituo ka nuom nawh ie,” a ta.
16Chun, rorêlna ṭhungphaa in- thawk chun anni chu a hnawt hmang tah a.
17Chun, Grik mihai po poin inkhâwmna in hotu Sosthen an man a, rorêlna ṭhungpha hmaa chun an vuok a. Gallio chun chuong an thilthaw chu ienga khawm a ngai nawh.
Antiokeia Paula a kîr nâwk
18 #
Nam 6.18 Chun, chu hnunga chun, Paula chu ni sâwttak a la châm zing a; chu zoa chun, unauhai chu ṭawng- bauṭhain a ṭheh a, chutaka inthawk chu Suria ram tieng lawngin a fe tah a, a kuomah Priskilla le Akuila chu an fe ve bawk a; Paulain thutiem a nei leiin Kenkrieiah a lu a vâw zet a.
19Chun, Ephesi chu an tlung a, chutaka chun anni chu a mâksan tah a; ama ruok chu inkhâwmna inah a lût a, Judahai kuomah ṭhahnem- ngaitakin thu a hril hrih a.
20Chun, sâwt deu châm dingin an ngên a, nisienlakhawm, a remti nawh a,
21“Pathienin a phal chun, in kuomah la hung nâwk ka tih,” tiin ṭawngbauṭhain a ṭheh a; Ephesia inthawk chu lawngin a fe tah a.
22Chun, lawnga inthawk chu Kaisariah a suok a, Jerusalemah a hang feh a, kohranhai chu chibai a bûk a; chun, chu zoa chun, Antiokeiah a zu fe tah a.
23Chun, chutaka chun sâwt rei a um hnungin, a fe nâwk a, inchûktir- hai po po sukdetin Galati ram le Phru- gia ram chu a fang suok vawng a.
Ephesia Appolo thuhril
24Chun, Juda pakhat a hming Apollo, Alexandria khuoa pieng, thuhril theitak, Ephesia chun a zu feh a; ama chun Pathien Lekha thuhai a hriet nasa bêk bêk a.
25Ama chu Lalpa Lam thu in- chûktir tah a na, lungrila ṭhahnem- ngaitak a ni leiin Isu chanchin nguntakin a hril a, ân chuktir hlak a, Johan baptisma thu chau a hriet sih a.
26Chun, inkhâwmna inah huoi- takin thu a hril phut tah a. Chuongchun, Priskilla le Akuila chun a thu hril an hrietin; an inah an ṭhuoi a, a kuomah Pathien Lam thu fel nâwk zuolin an hrilfie tah a.
27Chun, ama chun Akaia rama fe kai a tum phingleh unauhaiin an infui a, ama an lo lâwmna dingin inchûktirhai kuomah lekha an ziekpêk a. Chun, a tlung chun, Pathien lunginsietna leia ringtuhai chu nasatakin a ṭhangpui a.
28Vantlâng hrietin Judahai chu nasatakin a sêldawng a, Pathien Lekha Thu hmangin Isu kha Krista chu a nih ti ân hriettir hlak a.
Nu markerat:
THILTHAWHAI 18: HMARCLBSI
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
