Johannes 7
7
O EWTATO KAPITLO.
1Bala godo pirellass o Jesuska andi Galiläa, tschi gamellass andi Judäa de aschel, ga ä Jidowi birennas de murdaren les. 2Ä Jidowongo Baldo, a batrangi Budewi, baschollass. 3Ale ä leske Pral: Ei, ja andi Judäa, hod wi kote tschä Ssogalowura de diken tschä Tschudi, sso janes. 4Ei, konig tschi gerel tschordanes, hamen gade hod ssako schai dikel sso gerel. Ger tschä Tschudi angla i Luma. 5Ei tschi leske Pral tschi badschanas leske. 6O Jesuska pendass lenge: Muro Zeito tsch’awilass inke, hamen dumare Zeitossa schai geren sso gamen. 7I Luma nai bre dume cholariko, de bre ma cholariko ssi, ga lako Hamischago penaw awri. 8Jan dume be gado Baldo, me tschi jaw inke. 9Gana godo pendass lenge, aschilass andi Galiläa. 10De ssar leske Pral gelä bo Baldo, hat wi woï gelass, ferri tschoral. 11Bo Baldo rodennas les ä Jidowa dai penennas: Galo? 12O Nipo na zerra worbinas bra les dai penennas: voï sswunto ssi. Awera penennas: Nitschi, ä Nipos dillavel. 13Andei Jidowi tschi dromanass konig surales de worbin bra les. 14Ssar o Baldo jallass, gelass o Jesuska andi Kangeri dai ssidjarlass. 15Ä Jidowi tschudinas pe dai penennas: Ei, ssar janel gado o Skirimo, gana o Skirimo tschi ssidjilass? 16O Jesuska pendass lenge: Nai muro gado Ssidjarimo, hamen godolesko, gon man bischadass. 17Gon lesko Gindo gamel de gerel, hat godo hadscharla, hod godo Ssidjarimo nai ä Dewlestar, wai hod me bra ma worbinaw. 18Gon bra pe worbi, hat godo batschiwalo gerel pe. Hamen gon rodel i Batschiw godoleski gon bischadassass les, godo tschatschoi dai nai ande les Hamischago. 19Tschi dass dumen o Mose o Skirimo? dai konig dela dume tschi gerel les. Ssostar biren man de murdaren? 20Ale o Nipo: O Benk ssi ande tu; gon birel tut de murdarel? 21Ale o Jesuska lenge: Ferri jek Baiyo gerdem, deissa ssa tschudisseilan. 22O Mose dass dume o Skirimo, de na ä Mosestar ssass godo, hamen amarä puro Nemsedostar dai dume schinen ä Manusches Ssawatonä. 23Gana et Manusch schinawel pe Gurkä, hod de na padjol ä Mosesko Skirimo, cholaiwen dume bre ma, hod ä intregonä Manusches ssastschardem Gurkä. 24Na schinen mindja i Griessi, hamen diken mai inti ssar ssass o Bayo. 25But Jene anda Jerusalem sso ssass, penennas: Nai gado, sso biren de murdaren? 26Dai akanik slobodo worbi, deissa tschi geren leske kantschi. Bindjardä akanik amarä Anglunä, hod voï o Del? 27Ei, ame janas gado katar awilass, de o Christus de awla, katar gado awla, godo konig tschi janella. 28O Jesuska zibindass andi Kangeri: Jo! dume man bindjaren, dai wi janen katar awilem; de mandar gorkori tsch’awilem, hamen man bischadass et tschatscho Tschatschimasko, gas dume tschi bindjaren. 29Me bindjaraw les; ei me lestar ssim, dai woï man bischadass. Aduntschi birennas de chutilen les, 30de ga lesko Tschasso tsch’awilossass, hat tschi birindä de chutilen les. 31But Jene anda Nipo badschanas ande les dai penennas: O Christus de awella, mai but Laschimo dai Tschuda gerla ssar gado gerel? 32Gana ä Raschaiya godo schundä, hod o Nipo bra les worbiyass gade, ä Raschaiya dai ä barä Raschaiya bischadä Foglon hod de chutilen les. 33Dai pendass lenge o Jesuska: Tschi aschaw aba but dumende dai jawtar godoleste gon man bischadass. 34Dume rodenna man, de tschi rakna man, ga me ssim kod dume naschtig awen. 35Ale ä Jidowi jek awreske: Ei, ga jal gado ga penel hod ame les tschi rakassa. Gamel de jal ga ä repsime Jidowi ssawä dela Griechura dradinas, hod ä Griechon de ssidjarel? 36Ssoski Worbey godi, ga penel: Rodenna ma de tschi rakenna man, dai me ga ssim, hod de naschtig awen. 37Ssar o Baldo natschollass dai mai furtschawoi ssass, zibindass o Jesuska: Gon truschaiwel, godo mande de awel de pel. 38Gon ande ma badschal, ssar o Skirimo sso penel, hat ba godolesko Maass o jiwindo Bayi folli. 39O Jesuska aduntschi a sswuntona Odjatar worbiyass, ssawä les gabina, sso ande les badschanna. Godo nass inke kote: o Jesuska nass inke tscheresko. 40But Jene anda Nipo, sso godo schundä, pendä: worta gadoy o Dudoscho. 41Awera penennas: Gadoy o Christus. Bale awera: Ei andey Galiläa awla o Christus? 42Tschi penel o Skirimo andey Dawitesko Nemseto dai anda Gaw Bethlehem, ga o David ssass, drobuyass o Christus awel? 43Dai kate ssass Choli dela Nipo bra les. 44Sso birennas les de chutilen, de konig tschi schudass o Wast bre les. 45Ä Foglura awilä bale palpale ga lenge Rai, dai godola pendä lenge: Ssostar tschi andan les? 46Ä Foglura pendä: Schoha tschi worbindass Manusch gade ssar gado. 47Dai pendä lenge ä Raschaiya: Hat wie dumen beske Worbassa chalass? 48Amen, ä Anglunen dai ä Raschaiyan tschi birindass de chal. 49De chal ä Nipos ga tschi janen o Skirimo, Gerimo lenge gerdo. 50O Nikodemus sso Peradscha awilassass ga Jesus pendass lenge: Schinel a Skirimo i Griessi b’at Manusch, mek tschundel les dai de hadschardal sso gerdass? 51Won pendä: Ssan wi tu et Galiläer? Rode dai dik, andey Galiläa tsch’awel et Dudoscho. 52Aduntschi geletar Khere.
Nu markerat:
Johannes 7: LOV1930
Märk
Dela
Kopiera
Vill du ha dina höjdpunkter sparade på alla dina enheter? Registrera dig eller logga in
First published by the British and Foreign Bible Society in 1930.
