Mataiyo 4
4
Diyabolo Yesu ye nohoi
(Maleko 1:12-13; Luka 4:1-13)
1Na kabo Yaluwa Tabuna Yesu ye laei balabalaena bena diyabolo iya ye nohoi. 2Menai ye kaihudi ye lau mayadai 40 yo boniyai 40, ede ye hasali. 3Na taunohonoho wa ye laoma kalinaena ye wane, âEna kowa Yaubada natuna, kabo ku hededelau weku ne udiyedi se hemala pwalawa.â 4Na Yesu ye wane, âYaubada kalinana unai ta hasili ye wane,
âTamowai nige pwalawa mo unai se maumauli, na Yaubada yona hedehedede maudoidi udiyedi hinage se maumauli.â â (Dutelonomi 8:3)
5Na kabo diyabolo wa Yesu ye laei Yelusalema, na se sae numa tabuna kewana saesaena unai se tolo, 6na ye hededelau unai ye wane, âEna kowa Yaubada Natuna, kabo ku kamposidobi. Matawuwuna buka tabuna unai se kuli se wane,
âKabo ye hededelau yona anelu udiyedi bena se kitahetetego,
kabo nimadiyena se kabisinigo, na taba nige kaem ne ku hetupanei weku hesau unai.â â (Same 91:11-12)
7Na Yesu ye hededebui ye wane, âNa hinage buka tabuna unai ta hasili meta ye wane, âTabu Guiyau yom Yaubada ku lautonogi.â â (Dutelonomi 6:16)
8Na kabo diyabolo wa Yesu ye laei kuduli saesaekalilina unai, na tanoubu ta basileiyana maudoidi yodi namwanamwa saesaedi ye hekita 9na ye wane, âEna ku tulibono yo ku tabaêohu kaliguwai, kabo ginauli maudoidi ta ya haidiwa.â
10Na Yesu ye wane, âSatani, ku tausuwala! Matawuwuna buka tabuna unai ye wane,
âGuiyau yom Yaubada mo unai ku tabaêohu, yo iya ye bom mo ku hedebasae.â â (Dutelonomi 6:13)
11Ede diyabolo wa Yesu ye laugabaei, na anelu se laoma Yesu se kitahetete.
Yesu ye hetubu ye lauguguya
(Maleko 1:14-15; Luka 4:14-15)
12Huya hesau Yesu wasa ye lapui meta Yowane se haiyako na numatutugudu unai se tole. Ede Yudeya ye laugabaei na ye uyo Galili. 13Nige ye uyo yona magai Nasaleta, na ye lau Kapelenauma, Galili Gabwana#4:13 Galili Gabwana meta waila lakilakina Galili tanona unai. Ye lakikalili doha gabwa, unai se kawagabwaei. dedekanaena, meta Sebuluna yo Napatali tehadiyena. 14Unai saha Aisaiya peloweta ye hededeyako wa ye hemamohoiyei:
15âSebuluna tanona yo Napatali tanona,
tanodiyao udiyedi keda ye dobi gabwa,
tano Galili Gabwana dedekanaena,
Yolidani sagasagana hali tanakawasina,
Galili tanona dagela tamowaidiyao yodi kabamiya;
tano ta tamowaidiyao yodi wasa ya hedehededei ede teina:#4:15 Lausoisoi ta hedehededena maudoidi kaniyodi ede Galili tanona, meta peloweta wa Galili tanona hesana udoiêudoi ye kataidi.
16Masigili unai taumiya wa mala lakilakina se kita,
yo mwaloi logulogunaena taumiya kalidiyena mala ye sina.â (Aisaiya 9:1-2)
17Tenem huyana ne unai Yesu ye hetubu ye lauguguya ye wane, âNuwamiu kwa buidi, matawuwuna ede galewa basileiyana wa ye hanahanaumako.â
Yesu yona hekahekatao bagubagunadi ye yoganeidi
(Maleko 1:16-20; Luka 5:1-11; Yowane 1:35-51)
18Huya hesau Yesu ye yona ye laulau Galili Gabwana dedekanaena ede tauyamayama labui ye kitadi yodi hinaya udiyedi se yamayama. Tamowaidiyao ede Simonaâhesana hesau ede Peteloâma kana kaha Andeleya. 19Na ye yogadobi udiyedi ye wane, âKwa saema kwa hemuliwatanigau, na kabo ya hekatagomiu kwa hemala tamowai tauyamayamaidi.â 20Ede yodi hinaya wa se laugabaedi na se saema se hemuliwatani.
21Se tausigilau, na kabo Sebedaiyo ma natunao Yamesi yo Yowane ye kitadi yodi waga unai, yodi hinaya se polapolaidi. Na Yamesi ma kana kaha Yowane ye yoganeidi. 22Mahanana ne unai tamadi yo yodi waga wa se laugabaedi, na Yesu se hemuliwatani.
Yesu taukasiyebwa ye henamwanamwadi
(Maleko 1:39 yo 3:7-12; Luka 4:44 yo 6:17-19)
23Yesu Galili maudoina ye tauhetakikili na yodi sunago udiyedi ye lauhekata. Yaubada yona basileiya wasana namwanamwana ye hededehemasalaha, yo hinage tamowai kadi kasiyebwa udoiêudoi ye henamwanamwadi. 24Yesu wasana Galili tehana maudoina ye hemwayau, yo hinage ye lau Siliya tanona maudoina unai. Na tamowai kadi kasiyebwa udoiêudoi se laedima Yesu unai, kasiyebwa doha taukamkamna, yo yaluwa yabayababadi tamowai se luwuidi, yo taukikikikiwasi, yo hinage taubunibuni, na ye henamwanamwadi. 25Na teha Galili, Dekapolisi, Yelusalema, Yudeya, yo Yolidani hali tanakawasina udiyedi bodalakilaki se laoma Yesu se hemuliwatani.
Nu markerat:
Mataiyo 4: sbeP
MĂ€rk
Dela
Kopiera
Vill du ha dina höjdpunkter sparade pÄ alla dina enheter? Registrera dig eller logga in
© Wycliffe Bible Translators, Inc. All rights reserved.
