Populära bibelverser från Marcos 5

Dela

Hinaptinmi chay warmita Jesús nirqa: Churilláy, iñiynikiman hinam sanoyarunki, kunanqa hawkañayá pasakuy, onqoynikimantaqa sanoyarunkiñam, nispa.

Paykunapa chawpinpim, yaqa chunka iskayniyuq wataña yawarpakuywan onqoq warmi kachkarqa. Achka medicokunawanmi hampichikurqa, ichaqa manam sanoyayta atirqachu, tukuy kapuqnintapas yanqapaqmi gastarqa, aswanmi punchawkunapa pasasqanman hina peorchakurqa.

Llapchaykuptillanmi yawarpakuynin taniramurqa, hinaptinmi chay onqoymanta cuerpon sanoña kasqanta musyakururqa.

Hinaspanmi warmata makinmanta hapiykuspan nirqa: ¡Talita cumi! nispan. Chayqa: “Warma, qamtam niki, hatariy”, ninanmi.

Chaynata Jesús nichkaptinmi Jairopa wasinmanta hamuruspanku payman kaynata willarqaku: Churikiqa wañukunñam ¿imapaqñataq yachachikuqta pusanki? nispanku. Jesusñataqmi chay nisqankuta mana uyariqpas tukuspan Jairota nirqa: Ama manchakuychu, iñiy hinalla, nispa.

Chaynataqa nirqa: ¡Mana allin espíritu kay runamanta lloqsiy! nispa Jesuspa nisqanraykum. Hinaptinmi Jesús tapurqa: ¿Imataq sutiki? nispa. Chaymi payñataq nirqa: Legionmi, ñoqaykuqa achkallañam kaniku, nispan.