Populära bibelverser från يُوحَنَّا 5

Dela

«أَسْمَعَوْا نُقُولْ لَيْكُو الْحَقّ، أَيِّ نَادُمْ الْقَاعِدْ يَسْمَعْ كَلَامِي وَ يِآمِنْ بِاللّٰهْ الرَّسَّلَانِي، النَّادُمْ دَا عِنْدَهْ الْحَيَاةْ الْأَبَدِيَّةْ. هُو مَا يَدْخُلْ فِي الْعِقَابْ لَاكِنْ هُو مَرَقْ مِنْ الْمَوْت وَ دَخَلْ فِي الْحَيَاةْ خَلَاصْ.

وَ عِيسَى شَافَهْ رَاقِدْ فِي الْبَكَانْ دَا وَ عِرِفْ كَدَرْ هُو طَوَّلْ تَعْبَانْ. وَ عِيسَى سَأَلَهْ وَ قَالْ: «تِدَوْر تَلْقَى الْعَافَيْ وَلَّا؟»

إِنْتُو قَاعِدِينْ تَقْرُوا الْكِتَابْ كَتِيرْ أَشَانْ فِي فِكِرْكُو إِنْتُو تُقُولُوا تَلْقَوْا الْحَيَاةْ الْأَبَدِيَّةْ. الْكِتَابْ يَشْهَدْ لَيِّ أَنَا لَاكِنْ إِنْتُو أَبَيْتُوا مَا تَجُوا لَيِّ أَشَانْ تَلْقَوْا مِنِّي الْحَيَاةْ.

وَ عِيسَى قَالْ لَيَّهْ: «قُمّ! شِيلْ بِرْشَكْ وَ أَمْشِي!» وَ طَوَّالِي، النَّادُمْ لِقِي الْعَافَيْ. وَ شَالْ بِرْشَهْ وَ قَمَّ رَاغْ. وَ لَاكِنْ الْيَوْم دَا يَوْم السَّبْت.

وَ عِيسَى حَجَّى لَيْهُمْ وَ قَالْ: «أَسْمَعَوْا نُقُولْ لَيْكُو الْحَقّ، إِبْن اللّٰهْ مَا يَقْدَرْ يِسَوِّي شَيّءْ بِنَفْسَهْ. هُو مَا يِسَوِّي شَيّءْ إِلَّا الشَّيّءْ الْيِشِيفْ أَبُوهْ قَاعِدْ يِسَوِّيهْ. وَ بِمِثِلْ دَا، أَيِّ شَيّءْ الْاللّٰهْ قَاعِدْ يِسَوِّيهْ، إِبْنَهْ كُلَ يِسَوِّيهْ.