Populära bibelverser från Chenesis 9

Dela

Micha Chitokaka yʋt, Ilʋppak osh ʋno, micha hʋchishno ya̱ micha nan okcha̱ya moma hʋchi apeha ka̱ ai itishali bilia ka̱ nana itim apesa itim ikbi li ka̱ isht atokowa yoke. Ʋno ʋt a̱ hinakbitepuli ya̱ hoshonti anu̱kaka ya̱ takalichi li hoke; mikma yʋmmak osh ʋno ʋt yakni ya̱ nana itim apesa li tuk isht atokowa yosh talaia achi̱ hoke.

Mikma hinakbitepuli hʋt hoshonti ha̱ takala hi oke; mikma nana itim apesa ont ataha iksho ʋt Chitokaka, micha nan okcha̱ya nipi a̱sha moma yakni paknaka aiasha aiena kʋt im ai itin takla takali ka̱ ithaiyana la chi̱ kʋt pi̱hi̱sa la hi oke, achi tok.

Kʋna hosh hatak im issish a̱ hlatʋblikma, ilap im issish ma hatak osh hlatʋbla hi oke: Chitokaka ya̱ holba ho̱ hatak a̱ ikbi tok oka.

Mihmʋt Chitokaka yʋt Noah ya̱ micha ushi ʋhleha aiena ka̱ yukpalit, Hʋsh wayʋt apakna cha, yakni paknaka ya̱ hʋsh alotowashke.

Nan okcha̱ya itʋnowa moma kʋt hʋchim ilhpak achi̱ hoke: haiyu̱kpulo okcha̱ki atok akinli ho̱ ai itilauechit nan oklu̱ha ka̱ hʋchim issa li hoke.

Yohmikma isht a hʋchi̱ nukshopa, micha isht a hʋchi̱ komota aiena kʋt nampoa puta yakni paknaka aiasha ka̱ moma, micha hushi puta ʋba itʋnowa moma, micha nana hosh yakni paknaka a̱ya moma, micha nʋni okhʋta aiasha ka̱ moma onʋtoyula hi oke; hʋch ibbak a̱ fohka hoke.

Yohmi ka̱ hʋchishno ʋt wayʋt hʋsh apaknashke; yakni paknaka ya̱ a waya fehnʋt ai apaknʋt hʋsh aiashashke, im achi tok.