Populära bibelverser från ᤋᤥᤗᤡᤱᤛᤥᤔᤢ 11

Dela

ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤐᤠ᤺ᤳᤋᤢ. “ᤀᤠᤸᤗ ᤁᤴ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤗᤳᤇᤠ ᤛᤢᤘᤠᤱ ᤜᤧᤰᤁᤣ ᤗᤳᤇᤠ ᤐᤖᤡᤰᤗᤧᤴ ᤐᤠ᤺ᤴᤍᤠᤱ ᤔᤧᤒᤠ᤺ᤳᤋᤠᤱ ᤀᤠᤸᤗᤥ ᤁᤴ ᤔᤧᤈᤥᤃᤢᤏᤧᤑᤠᤃᤪ. ᤀᤠᤸᤗ ᤂᤧᤱᤜᤠ᤹ᤖᤧ ᤔᤧᤀᤡ᤺ᤳᤋᤢᤒᤠᤴ ᤌᤣᤛᤠᤱ ᤆᤥ᤺ᤰᤔᤠ ᤔᤧᤛᤢᤰᤋᤢᤖᤥ॥ ᤐᤣᤃᤡ. ᤀᤠᤏᤡ᤹ ᤕᤥ ᤌᤩᤧ᤹ᤀᤡᤀᤠᤱ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤐᤠ᤺ᤴᤏᤡᤴ ᤑᤥ᤺ᤳᤋᤢᤶ ᤐᤡᤖᤢᤶᤛᤡᤶ. ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤧᤒᤠ᤺ᤳᤋᤡᤸᤗᤧ ᤂᤢᤴᤇᤡ᤹ ᤐᤠᤴ ᤔᤧᤍᤱᤏᤧᤸᤗ॥”

ᤂᤧᤒᤩᤠᤱ ᤂᤧᤱᤜᤠ᤹ᤖᤧ ᤔᤧᤒᤠ᤺ᤳᤋᤢ. “ᤗᤢ. ᤀᤠᤏᤡ᤹ ᤀᤠᤒᤠᤅᤣ ᤗᤳᤇᤠ ᤕᤧᤰᤕᤰᤌᤡᤰ ᤆᤥᤃᤢᤶ. ᤂᤧᤴ ᤕᤧᤰᤕᤰᤁᤥ ᤌᤥ ᤛᤠᤱᤃᤪᤠᤶᤐᤣᤍᤠᤱ ᤁᤧᤛᤢᤒᤠ ᤆᤱᤜᤡᤶᤎᤡᤰ ᤆᤥᤃᤢᤶ. ᤜᤧᤰᤁᤩᤠᤱ ᤀᤠᤏᤡ᤹ ᤔᤡᤱ ᤕᤢᤰᤂᤢᤶ ᤂᤧᤸᤗᤧᤆᤥᤃᤢᤸᤗᤧ ᤀᤠᤏᤡ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤧᤖᤧᤰ ᤐᤡᤛᤠᤱ ᤀᤠᤴᤇᤧᤏᤧᤴ ᤀᤠᤶᤒᤣ᤺ᤰᤏᤣᤸᤗᤖᤥ॥”

ᤂᤧᤸᤗᤧᤆᤥᤃᤢᤸᤗᤧ ᤂᤧᤴ ᤋᤧᤴᤏᤡᤴ ᤒᤠᤒᤣᤗ ᤔᤧᤔᤧᤳᤋᤢ. ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤠᤸᤗᤧ ᤂᤧᤵᤔᤥᤀᤣ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤂᤢᤴᤇᤡ᤹ ᤐᤠ᤺ᤴᤜᤠ᤹ ᤑᤥ᤺ᤳᤋᤢ ᤐᤡᤖᤢᤛᤡᤀᤠᤱ ᤘᤕᤧ॥ ᤜᤧᤰᤁᤣᤗ᤹ᤖᤡᤰ ᤕᤜᤘᤣ ᤍᤠᤱᤒᤠᤸᤗᤧ ᤂᤧᤱᤜᤠ᤹ ᤁᤧᤖᤧᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤛᤧᤛᤢᤍᤣᤛᤢᤛᤡᤖᤥ॥

ᤂᤧᤴ ᤕᤧᤶᤔᤥ ᤁᤧᤖᤧᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤗᤳᤇᤠᤖᤰ ᤐᤠ᤺ᤴᤍᤠᤱ ᤘᤕᤧ ᤜᤧᤰᤁᤩᤠᤱ ᤗᤳᤇᤠ ᤐᤖᤡᤰᤗᤧᤴ ᤐᤠ᤺ᤴᤇᤣ᤺ᤰᤘᤠ ᤘᤕᤧ॥

ᤁᤖ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤔᤧᤈᤥᤃᤢᤖ ᤔᤧᤕᤠᤃᤧᤒᤠ ᤕᤧᤰᤕ᤺ᤰᤁᤡᤴ ᤏᤢ ᤆᤱᤜᤡᤶᤔᤡᤴ ᤀᤥᤔᤧᤳᤇᤧ ᤕᤜᤘᤣ ᤍᤠᤱᤒᤠᤴ ᤌᤠᤛᤡᤱ ᤕᤧ॥

ᤂᤧᤒᤩᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤂᤧ᤹ᤕᤥᤗᤠᤶ ᤂᤧᤱᤜᤠ᤹ ᤁᤧᤖᤧᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤛᤧᤛᤢᤍᤣᤛᤢᤛᤡ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤧᤴ ᤕᤧᤰᤕ᤺ᤰᤁᤡᤴ ᤆᤥ᤺ᤰᤔᤠ ᤔᤧᤏᤠ᤹ᤖᤢ॥